Juan 3:6 - Dios Iwene

⁶ Böjȩ jojodö tjemawö̧ma böjȩ jojodöda ¿jö̧tö? Jejenömaökö Dios O̧'wo̧ Luwo̧tjö emawö̧ma. Dios O̧'wo̧ Luwo̧tjö emawö̧ma Dios O̧'wo̧ Luwo̧ jojodö.

Juan 3:6 Referans Kwoze

2 Corintios 5:17

Jau chömöledö, Cristonö ösödadöma ida̧ökö jo̧bakwö wotjinobe, ja̧danö ida̧ökö jo̧bakwö tjetjachajinobe. Jo̧kwajabetjö̧, baikwö jo̧be chömöledö, bakwo̧ Cristokwö dötewanö ö̧jitjö̧ma, Dios 'yayinö otidajökwe baibanö jo̧ jo̧bama. Jau chömöledö, Cristokwö dötewadönöma, damö jawama ida̧ökö 'dö̧ibajinobe, ja̧danö babe dö̧ji̧ma, 'yayinö ja̧kwawa baibinobe. Jo̧kwajabetjö̧ chömöledö, damö jawa ida̧ökö 'dö̧ibajinobetjö̧, tupakwö ja̧ jawa domukwatoböma jwiobe, jwaikwöda 'yayinö ja̧kwawa jawada domukwatobö jo̧be.

1 Juan 3:9

Chö̧ja̧wo̧dö, Dios Itji̧ babibo̧nöma Dios 'yayi̧ ja̧kwawa iyinökwe. Jo̧bama o̧'wo̧ luwo̧nö balekwo̧, 'yabayo̧da ö̧jökwe, omajade okwanö Dios omukwati̧danö omukwatinö. Ja̧danö, Dioskwö dötewinö 'ya̧nö jo̧ba 'yabayo̧ ö̧ji̧danö jo̧ma suli̧ jawa ja̧okobe.

1 Corintios 6:17

Ja̧danö, ju'wibi yötawaduwakwö: Duluwo̧kwö bakobe babibadöma, jo̧bakwö tjo̧'wo̧ luwo̧ bakwo̧da babibadö.

Romanos 7:18

Jau chömöledö, biya̧ wene chöwaisa: Ötjö böjȩ jojoma, ja'yubebi otiwa jawa jwibo̧sa, jö̧ba̧lö. Ja̧danö, ötjö chujulunö otiwa jawa ja̧tobö chösödijayonö, waekwobe, sulabe jawada ja̧bo̧sa.

Génesis 6:12

Jadanö, böjȩkwö edö, isabenö böjȩnö ju̧kwadöma sulabedöda babibinadö, jö̧ba̧lö, edijetö, okobe deinö sulabeda ja̧bö tjuju̧kwobetjö̧.

Diosnö ösödo̧ Job mikwo̧ usula emawina jawa 25:4

—Isabenö yöta̧laja̧danö jo̧be Job, jo̧kwajabetjö̧ baikwö abebö cha̧ja̧kwakwö: Bö̧jȩ jojodötjö, bakwo̧bi Dios öba a'otjö wene jwibo̧ ö̧jenaji̧? Bö̧jȩ ya̧dö tjeminawö̧tjö, bakwo̧bi bakwainö otiwo̧ ö̧jenaji̧?

Diosnö ösödo̧ Job mikwo̧ usula emawina jawa 14:4

Kwöwaisa Dios, ökwödö bö̧jȩ jojodöma okobe deinö dusula juna̧ladösa, bakwo̧bi bakwainö usula jwiinö ö̧joböma jwibo̧, jö̧tö?

Romanos 8:13

Jau chömöledö, suli̧ ömöayedödanö ju̧kwadöma, wotjakwedö chömöledö. Jo̧kwaijayonö, Dios O̧'wo̧ Luwo̧ ömöayedödanö ju̧kwadöma, wotjökakwedö. Jobadöma, Dios O̧'wo̧ Luwo̧ pjaatobetjö̧, sulabe tjösödi̧ma kabatibadö. Ja̧danö sulabe tjösödi̧ kabatibö, sulabenö tjösödi̧ma kwabö lotjobedanö jo̧be, sulabe tjösödi̧ jawa katjatibobetjö̧. Ja̧danö, jobadöma ba̧kwȩlöjateböda tjuju̧kwakwedö.

Efesios 2:3

Jau chömöledö, ajayinöma Diosnö öpöjödadö ja̧tji̧danö ökwödöbi okobe deinö sulabenö ja̧bö ju̧kwiadinobe, Diosnö öpöjödö, domajade okwanö sulabe wei̧da ja̧bö. Ökwödö sulabe dösödi̧da, sulabe domukwati̧da ja̧bö ju̧kwiadinobe. Jo̧kwaobetjö̧ ökwödöma Diostjö 'da̧bachibö ja̧döma Dios lȩebi̧tjö lȩebakwawö̧da ji̧nadösa, chömöledö, okobe deinö Diostjö 'da̧bachibö böjȩnö ju̧kwadödanö.

Colosenses 2:11

Ja̧danö, Cristonö dötewadö kwö̧jaduwobetjö̧, isabenö 'wibekwadöja chömöledö. Ja̧ 'wiekwa yöta̧li̧ma, wame jojodö tjötade bajalesado̧ 'witjekwi̧ma yöta̧lökö chömöledö, ju'wi tjo̧'wo̧ luwo̧ jawa 'wiekwada yötawa, Cristo ja̧i̧da. Cristoma ajayi sulabenö kwösödinaduwa 'wibebö loinobe ichejekwa, ja̧ ujulutjö kwö̧jibaduwinö ja̧bö, jo̧kwajabetjö̧ isabenö 'wibekwadöja chömöledö.

Gálatas 5:24

Baikwö yötawa chömöledö: Cristo Jesús ömöledöma ajayinö tjösödina kabatibö, tjiteba'o wame luwo̧nöbi, jo̧ba sulabenö ösödi̧bi, towisa'onö bȩtjinobe ichejekwa, ö'wöchinö ja̧bö.

Juan 1:13

Dios i̧tji̧mu, jö̧ba̧löma, tjojo'do jobadönö jemi̧danömaökö. Dios i̧tji̧mu batjibi̧ma, tjabe'do, tjojo'do tjöbötjati̧danömaökö. Ja̧danö, tji̧lȩkwa̧mukwö tjö̧ji̧tjö baibanömaökö, Dios i̧tji̧mu batjibi̧ma. Wainö bötjachadö, Dios i̧tji̧muma. Jobadöma, Dios ajayinö omukwati̧danö iteda i̧tji̧mu babibö bötjachadö, Dios iteda omukwati̧tjöda.

Romanos 7:5

Jau chömöledö, suli̧ ömöayedödanö ina dö̧jayi, otiwanö ja̧bö dö̧joböma jwiinobe. Ja̧danö, Dios weina Moisés iwȩyudinama pjaatinokobe ökwödönöma. Moisésma iwȩyudinobe Dios ösödi̧ jawabi, Dios öpöjödi̧ jawabi, chömöledö. Ja̧danö, ja̧ jawa da̧ja̧kwenama, Dios ösödi̧ jawada ja̧do jö̧da̧linobe ¿jö̧tö? Jo̧kwaijayonö, waekwinobe chömöledö, Moisés iwȩyudina da̧ja̧kwenama, ju'wida baibinobe chömöledö. Dios öpöjödi̧ jawa da̧ja̧kwenama sulabe dujuna̧li̧ma ökwödönö weinobe ichejekwa. Ja̧danö, ökwödönö weenama, otiwanö Dios ösödinö ja̧doböma weinokobe, jwaikwöda Dios öpöjödi̧ jawada ja̧doböma weinobe ichejekwa. Ja̧danö, okobe jwiinö dö̧jinama, jwaikwöda woawa jawada ja̧bö ji̧adinobe chömöledö.

Génesis 6:5

Jojodöma jwiinö sulabeda ja̧bö ju̧kwijadötö böjȩnö, ba̧kwelöjatebö. Tjomajadenö tjomukwati̧ma sulabeda omukwatijadötö, okobe jwiinö. Isabenö Jo̧ma jobadö jwiinö sulabenö ja̧bö tjuju̧kwobe edijetö.

Génesis 5:3

Ja̧danö, Adánma, ciento treinta a̧yos bo̧ itji̧nö, itedadajayo̧nö 'yabebijetö, iteda ichejekwo̧nö. Jo̧ba itji̧nö Set, jö̧ba̧lö midijetö.

Juan 3:7

Nicodemo, ¿tajawedö kwöbajale jalaka babiböma kwö̧jobö, okobe deinö yemidanö tjemawö̧ babibaduwi, jö̧ba̧lö, yöta̧lenama?