Juan 3:34 - Dios Iwene

³⁴ Ja̧danö, Dios weinökwema Dios iweneda yöbawo̧. Ja̧danö, Diosma iyijetö weinökwenö iteda O̧'wo̧ Luwo̧nöma, jo̧ba ujulu okobe jwiinö iyö.

Juan 3:34 Referans Kwoze

Hechos 10:38

Ja̧danö, kwöwaisaduwa Diosma webijetö iteda O̧'wo̧ Luwo̧nö Jesús, Nazaretnö da̧peachinakwö ö̧jobö. Ujulubi iyijetö Diosma Jesúsnöma. Ja̧danö, Diosma Jesúskwö ö̧jobetjö̧, Jesúsma okobe jwiinö i̧'yobema otiwanö pjabatö 'yi̧jetö. Otiwanö otidiabijetö okobe deinö Awetja sulabenö ja̧inawö̧nöma, Diosma jo̧bakwö ö̧jobetjö̧.

Juan 15:26

Jesúsma ina yöawinobe öba̧ja̧di̧ waisachadönö: —Ötjöma Pjabato̧nö wetakwo̧sa, Dios O̧'wo̧ Luwo̧nöma, ökwö kwö̧jaduwobekwö —yöawinobe—. Jo̧bama jweinöda yöbawo̧. Baikwö ichö ötjönö yöawakobe ökwödönöma.

Mateo 12:18

Bitema ötjöda omudawö chujuninökwe chömöayo̧. Jo̧bama, ötjö ile nitebökwe, ja̧danö cho̧'wo̧ ösöwanö chösödökwe. Jo̧banö chiyocha ötjöda Cho̧'wo̧ Luwo̧nö, ja̧danö jo̧bama tjitebotenia jojodönö lȩtebakwa̧ wene yöawakwo̧.

Colosenses 2:9

Jau chömöledö, jelobetjö Dios jawa kwisakwaduwoböma jwiobe, jojo babibina Cristoma okobe jwiinö Dios jawa ujuna̧lobetjö̧.

Juan 5:26

Ina yöawinobe: —Ötjö Chabe'doma jojodönö ba̧kwȩlö̧jatebö ja̧kwawa iyo̧. Jo̧bama la'akatjöda ji̧naobetjö̧, jo̧batjöda laebinobe ja̧kwawama. Ja̧danö, jo̧bama weinobetjö̧, ötjö, iteda Itji̧bi, bakwainö itedadanö, ba̧kwȩlö̧jatebö ja̧kwawa iyo̧sa.

Lucas 4:18

Duluwo̧ O̧'wo̧ Luwo̧ma ötjökwö jo̧, jo̧bada ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, ka̧lena ba̧jadönö ka̧lenatjö tjö̧jibakwa̧ wene yötawobö, ja̧danö tjöbajale tjewawadönö edadö batjibakwa̧ wene yötawobö, ja̧danö tjujuluwajawönö tjuluwedötjö tjö̧jibakwa̧ wene yötawobö.

Colosenses 1:19

Jau chömöledö, Diosda omukwatö ujuninadanö, okobe jwiinö Dios jawa juna̧lo̧ma Cristoda,

Romanos 8:2

Jau chömöledö, Jesúskwö a̧jö dö̧jobetjö̧, O̧'wo̧ Luwo̧ Dios ujulunöda dö̧jibinobe. Dios O̧'wo̧ Luwo̧ ujulunöda, sulabe dujuna̧li̧tjöbi, woawatjöbi dö̧jibinobe chömöledö. Ja̧danö, jejenö dö̧jibinobetjö̧, ba̧kwȩlö̧jatebö ja̧kwawa dujuna̧lobe babema Cristo Jesúskwö chömöledö.

Juan 7:16

—Ötjö yötawi̧ma ötjö chomukwati̧maökö. Ötjönö webo̧ omukwati̧da yötawobe, Dios omukwati̧ma— yöawinobe Jesúsma—.

Juan 3:17

Diosma itji̧nöma, böjȩnö ju̧kwadönö lȩeboböma weinokobe. Tjö̧jibinö pjaatoböda weinobe Diosma itji̧nöma, jo̧banö ösödadö tjö̧jibinö pjaatobö.

Juan 1:16

Yötawaduwakwö. Dios Itji̧ma ökwödönö jwiinö lȩlö̧jino edo̧obetjö̧, jwiinö lȩlö̧jino edö pjaatobe ökwödönöma. Ja̧danö, ökwödönö jweinöda yöba̧lo̧obetjö̧, jweinöda yöba̧lö pjaatobe ökwödönöma. Ja̧danö, ba̧kwȩlö̧jatebö pjabato̧ ökwödönöma. Isabenö jo̧ba pjaati̧ 'dö̧ibajoböma jwiobe. Ba̧kwȩlö̧jatebö pjabato̧ ökwödönöma, yemidanöbi, yemidanöbi, 'dö̧ibajökönö.

Efesios 3:8

Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.

Juan 8:47

Dios i̧tji̧muma Dios yöawi̧ a̧ja̧kwadö. Ökwödöma Dios i̧tji̧muböködököbaduwobetjö̧ Dios yöawi̧ kwa̧ja̧kwaduwokobe— yöawinobe Jesúsma.

Apocalipsis 22:1

Ikenama ángelma ötjönö ojwe i̧sebijatö. Jödötjö ojwiyoma, ba̧kwȩlö̧jatebö ja̧kwawa ojwiyo. Chedemi jödöma Dios ö̧belö, Obeja Itji̧danö Jo̧ ö̧belö labebö isuwödö. Yelösöda salödö, isa̧yu̧ jwiinö salöayu̧danö.

Juan 16:7

Isabenö yötawa, ökwödönö otiwanö baibakobetjö̧ chȩwa̧jocha. Chȩwa̧jökötjö̧ma Pjaatakwo̧ma ichökena. Jo̧kwaijayonö chȩwa̧jitjö̧ma jo̧bama ichobö wetena— yöawinobe Jesúsma öba̧ja̧di̧ waisachadönöma.

2 Reyes 2:9

Jemi ikenama, ojwe baledajadö, Eliasma Eliseonö abebö a̧ja̧kwinobe: —Eliseo, kwö̧jelö Dios ötjönö emakwa̧ abönö, abebö cha̧ja̧kwakwö, ökwönö pjabatö dakwö ja̧tobö akebobeda? —jö̧ba̧lö. Abebö a̧ja̧kwökwe, —Chuluwo̧ Elias, ökwö lakebaja̧ okobe, abönö pöe dötölatajanö emi̧danö, kwujulutjö dötölatajanö chemobö chösöda, ökwö Dios yöawi̧ yöbawo̧ kwö̧ji̧danö, ötjöbi yöbawo̧ juluwo̧ chö̧jakobetjö̧, —jö̧ba̧lö atadinobe.

Apocalipsis 21:6

Tjo̧wi̧ta, okobe jwiinö 'dö̧ibajabe. Ötjödasa la'akatjöda ji̧nama. Ja̧danö, ötjödasa 'dö̧bibajö̧kö̧ma. Ötjöma ojwiyo o̧ti̧lö̧jökwenöma ojwiyo iyo̧sa, mikwa jwiinö, ba̧kwȩlö̧jatebö ja̧kwawa ojwiyoda.

Juan 8:40

Jo̧kwaijayonö ökwödöma jejenöma kwomukwataduwokobe. Jelobekwö omukwatö ötjönö kwabö loköbaduwotö jö̧ba̧lö kwomukwataduwobe. Ötjöma isabenö yöbawo̧sa, Dios yöawi̧ cha̧ja̧kwinama. Jo̧kwaijayonö ökwödöma kwabö loköbaduwobö jö̧ka̧laduwobe ötjönöma. Jejenöma Abrahamma omukwati̧danömaökö omukwatö kwö̧jaduwokobe.

Isaías 59:21

Ju'wibi yöawobe Isabenö Jo̧ma: Ja̧danö, ötjöma jobadö tjö̧jibinö pjatatajawö̧nö isabenö pjatatakwa̧ wene yöbawö chujunakwo̧sa, baikwö: Ökwödökwö jo̧ cho̧'wo luwo̧ma, la'akatjöda kwö̧jaduwelö laebökakwo̧. Ja̧danö ötjö yötawi̧, yöka̧laduwobö chiyaja̧ chiwenema, ba̧kwelöjatebö yöba̧lö kwö̧jaduwakwedöja, ja̧danö kwitji̧muduwibi ba̧kwelöjatebö yöba̧lö tjö̧jakwedö, ja̧danö tji̧tji̧mu tupadanö jojodöbi ba̧kwelöjatebö chiwene yöba̧lö tjö̧jakwedö. Bemi tupakwö, ba̧kwelöjatebö 'dö̧ibajökönö, jobekwö yöba̧lö kwö̧jaduwakwedöja, jö̧ba̧lö yöawobe Isabenö Jo̧ma.

Hechos 1:2

Dios mölejȩbe kabekwajö ȩwa̧jobö ja̧inenanö kabatö chiwȩyudijatö. Ja̧danö, ja̧ mölema, Dios Jesús kaekwajinö ja̧ina mölema, Jesúsma mölejȩbe ȩwa̧jakwa̧ abönö, webijetö iteda yöawi̧ yötjawobö weinawö̧nö, iteda 'da̧batö ujuninawö̧nöma jo̧ba ȩwa̧jabe okobetjö ja̧bö tjuju̧kwakwa̧. Ja̧danö, Jesúsma, ja̧ weinama, Dios O̧'wo̧ Luwo̧ öba̧ja̧da̧lonö webijetö jobadönö.