Juan 21:7 - Dios Iwene

⁷ Jejenö baibiökwe jobadötjö bakwo̧, Jesús ile niebökwema Pedronö jö̧a̧linobe: —Jo̧bada Duluwo̧ma— jö̧a̧linobe. Jejenö jö̧a̧liökwe Pedroma, omönanö, ba̧i̧ jwoobö 'yo̧ekwaja̧do̧, wamesa̧do̧ma yemidanö 'dubawibö ojwe okwa söibinobe, Jesús ö̧jobekwö kwöbö edö.

Juan 21:7 Referans Kwoze

Juan 13:23

Ja̧danö, jobadötjö bakwo̧, Jesús ile niebökwema, Jesús ipjeanö ö̧binobe.

Juan 20:2

Jejenö jo̧be edö ö'öjajinobe Simón Pedro, jelo̧, Jesús ile niebökwe öba̧ja̧di̧ waisacho̧ tjö̧jobekwö, jobadönö yöjawobö. Jobadönö yöjawinobe: —Duluwo̧nö jelobe tje'ewinobe. Wajwidobe— yöjawinobe.

Juan 19:26

Ja̧danö, Jesúsma, jo̧ba ipjeanö ja̧dö, ojo'donöbi, ile niebökwe öba̧ja̧di̧ waisacho̧nöbi edö jö̧a̧linobe ojo'donö: —Chojo'do, bite chömöayo̧, ökwö kwipjeanö jo̧ma, ökwö kwitji̧danö baibakwo̧ —jö̧a̧linobe, Ökwönö ite'ada̧lakwo̧, jö̧ba̧lö.

2 Corintios 5:14

Jau chömöledö, ju'wedö ökwödönö tjomukwati̧ma mikwawokobe ökwödönö, tjösödi̧danö ja̧bö dö̧jo jö̧ba̧lö, Cristo ösödi̧da mikwawi̧ma. Jau chömöledö, döwaisa, Cristoma böjȩ jojodönö ösödö, okobe deinö pjaatotö jö̧ba̧lö midawö woinobe jö̧ba̧lö, ¿jö̧tö? Jau chömöledö, dö̧jibinö pjabato̧ Cristoma böjȩ jojodönö pjaatobö ösödo̧, ja̧danö ja̧ ösödi̧ma ja̧bö dö̧jakwa̧ jweebobe chömöledö, jojodönö yödawo jö̧ba̧lö. Jau chömöledö, jo̧banö döwaisobe, okobe deinö pjaatotö jö̧ba̧lö midawö woinobe jö̧ba̧lö, jo̧kwajabetjö̧ Cristo ju'wedönöbi pjaatobö ösödi̧ döwaisobetjö̧ kabatibökönö jojodönö yödawobe. Ja̧danö, ju'wibi chömöledö, okobe deinö jo̧banö ösödadöma, ökwödöbi jo̧bakwö wodinobe, ¿jö̧tö?

Juan 21:24

Chömöledö, ötjö, Juan, yötawaduwakwö: Ötjödasa Jesús öba̧ja̧di̧ waisacho̧ma, Jesús Pedronö jö̧a̧linökwe. Okobe jwiinö biya̧ yöbawö chiwȩyudi̧ma edöbi chedijatö. A̧ja̧kwöbi cha̧ja̧kwijatö. Ja̧danö, biya̧ chiwȩyudi̧ma jweinö yöbawö chiwȩyuda.

Juan 21:20

Ikenama Pedro jalachibö edinobe jelo̧ ömöayo̧nö, Jesús ile niebökwenö. Jo̧bama Jesús öbube'onö waneba̧lö bi̧abina, bakobe kwanö tjö̧bajena. Jo̧bama Jesúsnö abebö a̧ja̧kwina, Chuluwo̧ ¿tida ökwönö iyö loakwo̧ma? jö̧ba̧lö.

Hechos 10:36

Kwöwaisaduwa, Diosma yöbawijetö iteda otiwa jawa wene ökwödönöda, Israel jojodönöda. Ja̧ wenema, okobe jwiinö Duluwo̧ Jesucristo ö̧jina wene. Jesucristo, ökwödö Dioskwö otiwanö dichibanö pjaatina wene, ja̧ wenema.

Hechos 2:36

Ina yöbawijetö Pedroma: —Jo̧kwaobetjö̧ babema jweinö yöta̧la ökwödönö, israel jojodönö. Ökwödöda öpöjödö towisa'onö bȩtjobö weköbaduwinökwema Jesúsda. Jo̧kwaijayonö kwöpöjödaduwökwenöma Diosma yöbawö junijetö ökwödö Duluwo̧ baibanö. Ja̧danö, Diosma yöbawö junijetö Jesúsnöma ökwödö dö̧jibinö pjaatobö— jö̧ba̧lijetö Pedroma.

Lucas 7:47

Jau Simón, baikwö yötawakwö: Bisu sulabenö ja̧buju jusula söbebö lotajabe, jo̧kwajabetjö̧ jwiinö ötjönö ösöduju bisuma. Jau Simón, isabenö jwiinö sulabenö ja̧bö jö̧jajabetjö̧ nöinö jusula jujuna̧lajabe, jo̧kwaijayonö nöinö jujuna̧lijayonö söbebö lotajabe. Ja̧danö, nöinö jusula söbebö lotobetjö̧, jwiinö ötjönö ösöduju. Jau Simón, nöinö jusula söbebö lotobetjö̧, jwiinö ösöduju, jo̧kwaijayonö ja'yubeda tjusula söbebö lotajawö̧ma, ja'yubeda ötjönö ösödadö— jö̧ba̧lö yöawinobe Jesúsma Simónnö.

Lucas 2:11

babe yö̧te Davidmine itebo comunidadtjö jojodö tjö̧jibinö pjabato̧nö jemajabetjö̧, Dios weakwo̧ jö̧a̧linökwe Duluwo̧nö.

Marcos 11:3

Ju'wedö ökwödönö edö, ¿Tajawedö kwemaduwa jo̧ba bulunöma? atjebitjö̧ma kwatadaduwodönö, Ökwödö duluwo̧ weatö bulunö dichejebobö, jö̧ba̧lö. Juluwanö baikwö tjeatakwo̧, jö̧ba̧lö, kwatadaduwodönö— webijetö Jesúsma.

Santiago 2:1

Chö̧ja̧wo̧dö, ökwödöma Duluwo̧ Jesucristonö ösödadöja, Jesús ökwöma isabenö jwiinö mikwawo̧ja, jö̧ba̧lö. Ja̧danö, Duluwo̧ Jesucristonö ösödadöma jojodönö okobe deinö bakwainö kwedaduwobö jo̧be, Mikwawadö, jö̧ba̧lö. Jo̧kwaobetjö̧ baikwö lȩtebaduwakwö: Juna̧ladönö edö, Bidöma ju'wedötjö o̧penönö mikwawadö, jö̧ba̧lö, kwomukwataduwoko chö̧ja̧wo̧dö. Jesucristonö kwösödaduwobetjö̧ jejenö kwomukwataduwobö jwiobe.

1 Corintios 15:47

Ajayi jojoma, böjȩ luwo̧inobe, ja̧danö letiatjö otidinökweinobe. Jo̧kwaijayonö ikena luwo̧ma, mölejȩtjö ichina chömöledö.

Juan 20:28

Jejenö jö̧a̧liökwe: —Ökwöma ötjö chuluwo̧ja. Isabenö ötjö cho̧'wo̧ chöwana̧lökwe Diosja— jö̧a̧linobe Tomásma.

Juan 20:20

Jejenö jö̧a̧laja̧ ikena jobadönö i̧sekwinobe ömamijunö bȩtjinabi, ometupanö dotjinabi. Ja̧ edinö waisachibö tjo̧'wo̧ ösöwanö tjösödinobe, Duluwo̧ja, jö̧ba̧lö.

Lucas 12:35

Tupakwö yöawinobe Jesúsma: —Yemidanö chichakwa̧ te'ada̧lö kwö̧jaduwo chömöledö. Baikwö wanedö yötawa: Bakwo̧ luwo̧ma tji̧lȩkwa̧munö emawa pjiesta junö i̧'yena, ja̧danö jejenö i̧'yitjö̧ma, ömöayedöma ȩwa̧jakwa̧ te'ada̧lö tjö̧jena, ¿jö̧tö? Tjuluwo̧ ȩwa̧jakwa̧ te'ada̧lö, otidadö 'dutjawado̧ kamijido̧ 'dubawajadö, ja̧danö dejewa'yu̧ nötedajadö tjite'ada̧lena, tjuluwo̧ ichibenama juluwanö apjude po̧bebö tetjatobö.

Juan 21:8

Kwöonö ju'wedö Jesús öba̧ja̧di̧ waisachadöma, ödöokobe, cien metro jenanö tjö̧lobetjö̧ isowinö tjȩwa̧jinobe, maya töbebö, ba̧i̧ su̧'bȩnö tja̧jayama.