Juan 21:3 - Dios Iwene

³ Ja̧danö, Simón Pedro jö̧a̧linobe: —Ba̧i̧ jwotaja mayanö— jö̧a̧liawö̧: —Ökwökwö jobe dicha— jö̧tja̧linobe ju'wedö Jesús öba̧ja̧di̧ waisachadöma Pedronö. Jo̧kwaobetjö̧ okobe deinö isowinö tja̧jibinobe. A̧jibajadöma yö̧te baledibanö maya jwotjijayonö bakwo̧nöbi jwotjinokobe.

Juan 21:3 Referans Kwoze

Lucas 5:5

Weökwe, Simónma atadinobe: —Chuluwo̧, ida̧ökö yö̧te baledibanö nöinö ba̧i̧ jwodijayonö, da̧bulewatö. Bakwo̧bi ö̧libökötö. Jo̧kwaijayonö ba̧i̧ jwotobö weköbitjö̧ma, yemidanö maya lobö jwotocha— jö̧ba̧lö.

1 Tesalonicenses 2:9

Jau chömöledö, kwomukwataduwena ökwödökwö ja̧nö dotidinama. Ökwödönö Dios jawa otiwa jawa wene yöbawö dö̧jonö, ju'wibi ökwödöda du̧kwa kwakwawa demo jö̧ba̧lö dotidijatö chömöledö, usula emawö. Jau chömöledö, ökwödönö te'ada̧lakwawama ökwödö Tesalónica jojodönö baibapji jö̧ba̧lö, mölebi yö̧tebi dotidijatö.

1 Corintios 3:7

Ja̧danö, önebiya lödo̧bi, ojwiyo sa̧sa̧bo̧bi kwösödaduwoböma mikwawöködö chömöledö, sule pokwobö ja̧binada mikwawo̧ma, Diosda mikwawo̧ma kwösödaduwobö chömöledö.

1 Corintios 9:6

Jau chömöledö, ju'wedö Jesús webawedöma ju'wi jaye otidöködö, tju̧kwa tjukwo jö̧ba̧lö, sule yöbawö tjotidi̧ mikwada tju̧kwa tjukwobe. Ja̧danö, ¿dakwö kwomukwataduwa, ötjöbi, Bernabébi, jejenö yöbawö dotidi̧ mikwa du̧kwa dukwoböma jwienaji̧? Ja̧maökö chömöledö, ökwödöbi yöbawö dotidi̧ mikwa du̧kwa dukwobö jo̧be.

Hechos 20:34

Kwöwaisaduwa ötjöma chotidijatö ötjöda baladatjö emö ja̧nöda. Ötjökwö ichinadö tju̧kwabi pjabatö emiachijatö.

Hechos 18:3

Jobadöma, Pablo otidi̧, i̧sa̧do̧tjö o̧di̧ju otidi̧danö otidijadötö, i̧sa̧do̧tjö otikwejuma. Bakwainö otidadötjobetjö̧ Pabloma jobadökwö ji̧jetö bakobe otidö, balada iyö emobö.

Juan 21:4

Ja̧danö, dewachena Jesúsma so̧bi̧ya̧pu̧ ö'öbö ö̧jinobe. Jobe ö̧jijayonö öba̧ja̧di̧ waisachadöma, ¡Edi, itema Jesús!, jö̧ba̧lö, tjomukwatinokobe, wajwitjobetjö̧.