Juan 20:22 - Dios Iwene

²² Jejenö jö̧a̧laja̧ ikena, iteda aasapjo jobadönö pjubö jö̧a̧linobe: —Dios O̧'wo̧ Luwo̧ ökwödö kwo̧'wo̧ luwo̧duwinö teachiboböma jo̧be— jö̧a̧linobe—

Juan 20:22 Referans Kwoze

Diosnö ösödo̧ Job mikwo̧ usula emawina jawa 33:4

—Ötjöma Dios O̧'wo Luwo̧ otidinökwesa, ja̧danö ja̧kwawa chujuna̧li̧ma, Okobe Jwiinö Juluwo̧ Dios iyobetjö̧, 'yaba̧lo̧sa.

Génesis 2:7

Ikenama Isabenö Jo̧ Diosma nijitjö jojodanö otidijetö. Otidajökwe isu̧nö ja̧kwawa imiyupjo pjubijetö jojo baibanö.

Hechos 19:2

Jobadönö abebö a̧ja̧kwijetö: —Jesúsnö kwösödaduwena ¿Dios O̧'wo̧ Luwo̧ma tebachibö öjamatinaji̧, ökwödö kwo̧'wo̧ luwo̧duwinö?— abebö a̧ja̧kwiawö̧ atadijadötö: —Wajwida— atadijadötö—. Ina da̧ja̧kwijökötö Dios O̧'wo̧ Luwo̧nöma— jö̧ba̧lö.

Hechos 8:15

'Ya̧nö ichibö Pedro, Juan Diosnö abebijadötö iteda O̧'wo̧ Luwo̧nö weobö jobe ju̧kwadötjö Jesúsnö ösödadönö, jobadönö tebachibö öjamatobö.

Hechos 2:38

Jejenö abebö tja̧ja̧kwiökwe Pedroma atadijetö: —Chömöledö, ökwödötjö, bakwo̧nökwena sulabenö kwomukwataduwi̧ma kabatibö balewachaduwi. Ja̧danö, ojwenö ubu̧datobö abebaduwi, Jesucristonö kwo̧'wo̧ kwöwana̧laduwi̧ i̧sebö. Jejenö ja̧baduwi, Dios ökwödö sulabe kwujuna̧laduwi̧ söbebö loakobetjö̧. Jejenö ja̧köbaduwenama Dios O̧'wo̧ Luwo̧ma tebachibö öjamatakobe ökwödönö— yöbawijetö Pedroma—.

Hechos 2:4

Ikenama jobadönö okobe deinö Dios O̧'wo̧ Luwo̧ma tebachibö jamatijetö. Tebachibö öjamatajawö̧ma ju'wedö tjiwene wajwitjijayonö yöbawijadötö. Ja̧ yötjawi̧ma Dios O̧'wo̧ Luwo̧da pjabatijetö, ju'wedö tjiwenenö yötjawobö.

Juan 7:39

Jejenö yöbawö Jesúsma Dios O̧'wo̧ Luwo̧nö yöawinobe, itenö ösödadö tjo̧'wo̧ luwo̧nö tebachibö öjamatakwo̧nöda. Ja̧danö, ina Dios O̧'wo̧ Luwo̧ma deinobe. Diosma, jobadö tjo̧'wo̧ luwo̧nö tebachibö öjamatobö ina weinokobe. Ina, jejenö weinokobe Diosma, Jesús kabekwachajö mölejȩbekwö ȩwa̧ji̧ ina badekwachokobetjö̧.

Gálatas 3:2

Biya̧da abebö cha̧ja̧kwaduwakwö chömöledö: Dios weina Moisés iwȩyudina ja̧köbaduwiökwe, ¿Diosma iteda O̧'wo̧ Luwo̧nö iyinaji̧? Ja̧maökö chömöledö, otiwa jawa wene a̧ja̧kwö kwösödaduwiökweda iteda O̧'wo̧ Luwo̧nö iyinobe, ¿jö̧tö?

Hechos 4:8

Jejenö atjeba̧lökwe Pedroma, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö atadijetö: —Jojodö tjuluwedöbi, israel jojodötjö damöbi,

Hechos 10:47

—Bidönöma, Israel jojodöböködönöma, Dios O̧'wo̧ Luwo̧ tebachibö öjamatajabe, ökwödönö Israel jojodönö tebachibö öjamatinadanö. Jo̧kwaobetjö̧ ojwenö dubu̧datodönö. Bakwo̧bi deobe, jobadönö ojwenö bu̧datökönuwi yöba̧lo̧ma, Dios O̧'wo̧ Luwo̧ öjamatajobetjö̧— jö̧ba̧lijetö Pedroma.

Juan 15:26

Jesúsma ina yöawinobe öba̧ja̧di̧ waisachadönö: —Ötjöma Pjabato̧nö wetakwo̧sa, Dios O̧'wo̧ Luwo̧nöma, ökwö kwö̧jaduwobekwö —yöawinobe—. Jo̧bama jweinöda yöbawo̧. Baikwö ichö ötjönö yöawakobe ökwödönöma.

Juan 14:16

Ja̧danö, ökwödö ötjönö ösödadönöma, Chabe'donö atebocha jelo̧ Pjabato̧nö weobö, ötjö chȩwa̧jabe okobe balekwo̧nö. Jo̧ba pjabato̧ma ökwödökwö ba̧kwȩlö̧jatebö ö̧jakwo̧.

Juan 16:7

Isabenö yötawa, ökwödönö otiwanö baibakobetjö̧ chȩwa̧jocha. Chȩwa̧jökötjö̧ma Pjaatakwo̧ma ichökena. Jo̧kwaijayonö chȩwa̧jitjö̧ma jo̧bama ichobö wetena— yöawinobe Jesúsma öba̧ja̧di̧ waisachadönöma.

Juan 20:21

Ikenama Jesúsma yemidanö jö̧a̧linobe: —Kwo̧'wo̧duwi ösöwanö ja̧duwi— jö̧ba̧lö—. Chabe'do ötjönö weinadanö ökwödönö wetobe, chiwene yökawaduwobö— jö̧ba̧lö weinobe jobadönö.

Juan 20:23

Ja̧danö, jo̧ba ujulunö, bakwo̧ usuli̧ma söbebö loköbaduwitjö̧ma, Diosma jo̧ba usuli̧ söbebö lobo̧. Ja̧danö, bakwo̧ usuli̧ma söbebö loköbaduwökötjö̧ma, Diosma jo̧ba usuli̧ söbebö lobö̧kö̧— jö̧a̧linobe Jesúsma iteda öba̧ja̧di̧ waisachadönö.