Juan 20:2 - Dios Iwene

² Jejenö jo̧be edö ö'öjajinobe Simón Pedro, jelo̧, Jesús ile niebökwe öba̧ja̧di̧ waisacho̧ tjö̧jobekwö, jobadönö yöjawobö. Jobadönö yöjawinobe: —Duluwo̧nö jelobe tje'ewinobe. Wajwidobe— yöjawinobe.

Juan 20:2 Referans Kwoze

Juan 13:23

Ja̧danö, jobadötjö bakwo̧, Jesús ile niebökwema, Jesús ipjeanö ö̧binobe.

Juan 20:13

Jobadöma María Magdalenanö edö abebö tja̧ja̧kwinobe: —¿Tajawedö kwubudekwabi?— abebö tja̧ja̧kwioko: —Chuluwo̧nö e'ewö tjödinemima wajwitobetjö̧ chubudekwa— jö̧ja̧linobe.

Juan 21:24

Chömöledö, ötjö, Juan, yötawaduwakwö: Ötjödasa Jesús öba̧ja̧di̧ waisacho̧ma, Jesús Pedronö jö̧a̧linökwe. Okobe jwiinö biya̧ yöbawö chiwȩyudi̧ma edöbi chedijatö. A̧ja̧kwöbi cha̧ja̧kwijatö. Ja̧danö, biya̧ chiwȩyudi̧ma jweinö yöbawö chiwȩyuda.

Juan 21:7

Jejenö baibiökwe jobadötjö bakwo̧, Jesús ile niebökwema Pedronö jö̧a̧linobe: —Jo̧bada Duluwo̧ma— jö̧a̧linobe. Jejenö jö̧a̧liökwe Pedroma, omönanö, ba̧i̧ jwoobö 'yo̧ekwaja̧do̧, wamesa̧do̧ma yemidanö 'dubawibö ojwe okwa söibinobe, Jesús ö̧jobekwö kwöbö edö.

Juan 19:26

Ja̧danö, Jesúsma, jo̧ba ipjeanö ja̧dö, ojo'donöbi, ile niebökwe öba̧ja̧di̧ waisacho̧nöbi edö jö̧a̧linobe ojo'donö: —Chojo'do, bite chömöayo̧, ökwö kwipjeanö jo̧ma, ökwö kwitji̧danö baibakwo̧ —jö̧a̧linobe, Ökwönö ite'ada̧lakwo̧, jö̧ba̧lö.

Juan 21:20

Ikenama Pedro jalachibö edinobe jelo̧ ömöayo̧nö, Jesús ile niebökwenö. Jo̧bama Jesús öbube'onö waneba̧lö bi̧abina, bakobe kwanö tjö̧bajena. Jo̧bama Jesúsnö abebö a̧ja̧kwina, Chuluwo̧ ¿tida ökwönö iyö loakwo̧ma? jö̧ba̧lö.

Juan 20:15

Ikenama Jesúsma abebö a̧ja̧kwinobe: —¿Tajawedö kwubudekwabi? ¿Tinö kwisakwa?— abebö a̧ja̧kwinobe. Ja̧danö Maríama jomukwatinobe, Jo̧bama jenada te'ada̧lo̧kö̧, jö̧ba̧lö. Ja̧danö, jö̧ja̧linobe: —Jesúsnö chisakwa— jö̧ja̧linobe—. Ökwöma ¿jo̧banö jelobe kwe'ewaji̧? ¿Dai kwe'ewaja̧da jo̧banöma? Yöbawitjö, yemidanö baikwö chichejebo— jö̧a̧linobe.

Juan 20:9

Jejenö jö̧a̧lijayonö ina omukwatinokobe Dios iwenetjö ajayinö, Jesús wobajaletjö tjeachajakwa̧ tjiwȩyudinama.