Juan 2:9 - Dios Iwene

⁹ Ja̧danö, tjiyobu ojwiyoma ubasobu o̧'do̧bu baibajobuda tjiyinobe kwakwawa owawa iyabo̧nö ubatö edobö, otiwojobu, sulojobu edö. Jo̧bama jobu ubatö, Jwiinö o̧ta. ¿Delö watjajobuda? jö̧ba̧lö, omukwatinobe, wajwiobetjö̧. Jo̧kwaijayonö jobu wa'yebö iyajadöma tjöwaisinobe, ojwiyotjöda baibajobu, jö̧ba̧lö. Iyabo̧ma jwöinobe ilekwonö emo̧nö yöawobö.

Juan 2:9 Referans Kwoze

Juan 4:46

Ja̧danö, Jesúsma Galilea niji comunidad, Caná mikwemi ichibinobe, ojwiyotjö ubasobu o̧'do̧bu baibanö ja̧inemima. Jobe ichonö, jelobe, Capernaúm mikwobe, jobetjö bakwo̧ la'aka luwo̧ itji̧ma nöinö ö'wöchinobe.

Juan 7:17

Ja̧danö, Dios ösödi̧ ösödadöma, ötjö yötawi̧ a̧ja̧kwö, ötjö chomukwati̧ yötawojobö, Dios omukwati̧da yötawojobö, tjöwaisachibakobe.

Mateo 9:15

Jejenö atjebökwe, Jesúsma atadö wanedö yöawinobe: —Kwöwaisaduwa, tji̧lȩkwa̧munö emawa pjiesta tjujunenama, iteda ilekwonö emajo̧ ömöledöma jo̧bakwö pjiesta tjujunena. Ja̧danö, jejenö pjiesta tjujunenama o̧'wo̧ tjo̧achöma budekwöködö, ¿jö̧tö? Ötjöma ilekwonö emajo̧danö ichejekwo̧sa, ja̧danö jobadökwö chö̧jayi, o̧'wo̧ tjo̧achöma ö̧tö̧chö ja̧böködö chöba̧ja̧di̧ waisachadöma. Jo̧kwaijayonö ju'wi möle detakobe, ja̧danö detena baibenama jobadöbi o̧'wo̧ tjo̧achö tju̧kwa ö̧tö̧chö ja̧tjakwedö— jö̧ba̧lö atadinobe Jesúsma.

Mateo 27:34

Jobe ichibö, nii̧ jowobudanö owawa Jesúsnö tjiyinobe, ubasobu o̧'dobukwö, lei̧ jawakwö. Jo̧kwaijayonö, nebawö edö öpöjödinobe Jesúsma, ja̧danö owinokobe.

Juan 2:8

Ikenama Jesús weinobe: —Babema wa'yebö iyaduwi kwakwawa, owawa iyabo̧nö— weawö̧, wa'yebö e'ewö tjiyinobe iyabo̧nö.