Juan 2:5 - Dios Iwene

⁵ Jejenö jö̧a̧lijayonö Jesús ojo'doma wejinobe jobe otidadönö: —Chitji̧ wei̧ma okobe jwiinö kwa̧ja̧kwaduwo— wejinobe.

Juan 2:5 Referans Kwoze

Génesis 6:22

Ja̧danö, Noéma okobe jwiinö Dios weaja̧danö a̧ja̧kwijetö, ja'yubebi ji̧bökönö.

Juan 15:14

Ina yöawinobe: —Ja̧danö, ökwödöma ötjö weti̧ ja̧bö kwö̧jaduwitjö̧ma ökwödönö ötabiwö̧ja, Chömöledöja, jö̧ba̧lö.

Hebreos 11:8

Ja̧danö, Abrahambi Diosnö o̧'wo̧ wana̧lö ji̧na. Jo̧bama Diosnö o̧'wo̧ öwana̧lobetjö̧ Dios wei̧ a̧ja̧kwinobe, Jelobekwö 'ya̧wi, chiyakwemi jo̧bekwö, jö̧ba̧lö, wei̧ma. Abrahamma i̧'yobema wajwiijayonö, Diosnö o̧'wo̧ öwana̧lobetjö̧ i̧'yinobe.

Hebreos 5:9

Ikena Jesúsma, usula emawö okobe jwiinö Dios wei̧ a̧ja̧kwö kaatinobe, ja'yubebi junibökönö. Chömöledö, Jesús jejenö okobe jwiinö Dios wei̧ a̧ja̧kwö kaati̧ma i̧sebinobe, Tjo̧wi̧, Jesúsma okobe deinö jojodö, jo̧banö ösödadö tjö̧jibinö pjabato̧ baibajabe, jö̧ba̧lö.

Hechos 9:6

Ja̧danö, a̧laibö 'ya̧wi Damascobe. Jobe jo̧ma yöawakobe ja̧köbakwa̧ma— yöbawijetö Jesúsma Saulonöma.

Jueces 13:14

Ja'yubebi uba waji̧ jawatjö jukwobö jwiobe. Ubasobu o̧'do̧bubi, ju'wi 'dukwachinö owawabi jowobö jwiobe. Ja̧danö yȩekwi̧ ji̧ jawa ja'yubebi jukwobö jwiobe. Okobe jwiinö wetina jawa, teada̧lönö ja̧bö jö̧jobö jo̧be, wainö ja̧ja̧pji jö̧ba̧lö, —atadinobe.

Génesis 41:55

Ja̧danö, Egipto niji jojodöma, tjöbatjotjö tju̧kwa kwakwawa okobe jwiinö tjukwajabetjö̧, A̧wi̧chinö dö̧ja, jö̧ba̧lö, faraónönö jwöbijadötö kwakwawa iyobö. Jejenö jwötjökwe: —Josénöda abebajaduwi. Ja̧danö, jo̧ba wei̧ kwa̧ja̧kwaduwo— jö̧ba̧lijetö.

Mateo 12:46

Jesús jojodö ko̧ko̧kwajadönö yöawonö, Jesús ojo'dobi, ö̧ja̧wo̧döbi a̧petube tjö̧jinobe, ja̧danö jo̧banö yötja̧lakwawobö tjösödinobe.