Juan 2:12 - Dios Iwene

¹² Ikenama, Jesúsma ojo'dokwö, ö̧ja̧wo̧dökwö, iteda öba̧ja̧di̧ waisachadökwö Capernaúmbe i̧'yinobe. Jobema tjö̧jinobe, juluwanöda, wa̧pötakwa mölebi, ö'wejemu mölebi.

Juan 2:12 Referans Kwoze

Mateo 12:46

Jesús jojodö ko̧ko̧kwajadönö yöawonö, Jesús ojo'dobi, ö̧ja̧wo̧döbi a̧petube tjö̧jinobe, ja̧danö jo̧banö yötja̧lakwawobö tjösödinobe.

Gálatas 1:19

Ja̧danö, jobe Pedronö edö chi̧'yenama, ju'wedö Jesús webawedönö chedijökötö, jobadötjö sule Pedronöda, Duluwo̧ Jesús yöne öjawo̧ Jacobonöda chedijatö.

1 Corintios 9:5

Ju'wibi yötawa: Ju'wedö Duluwo̧ webawedö, Duluwo̧ Jesús böjȩtjö yöne ö̧ja̧wo̧döbi, Pedrobi, yöbawö kwetjachenama, tji̧lȩkwa̧mukwö kwetjachobe, ¿jö̧tö? Ja̧danö, ötjöbi jejenö ötjökwö kwejacho jö̧ba̧lö Jesúsnö ösöduju chilekwonö chemobö jö̧ta̧litjö̧ma, otiwo jö̧a̧lena chömöledö, sulökena.

Marcos 6:3

Bitema döwaisökwe, bemida jojo. Towitjö otikwa jojoda. Bemida ju̧ju María jitji̧. Bemida jojo Jacobo, José, Simón, jobadö tjöpöe, bitema. Öjawujudöbi bemida ju̧kwadö— yöba̧lakwawijadötö idödada. Jejenö jö̧ba̧lö tjo̧'wo̧ sulinö öpöjödijadötö Jesús yöawi̧ma.

Mateo 4:13

Ajayinöma Nazaret comunidadbe ȩwa̧jinobe, ikenama jobetjö labebö Capernaúm comunidadbe ja̧nö i̧'yinobe. Jobe Capernaúmma, o̧pesobu nöobu Galileasobu ö'öbö comunidad, ja̧danö Israel jojodötjö Zabulónsaso, ja̧danö Neftalísaso jojodö tjitebo.

Juan 6:17

isowinö a̧jibö ojwe pebibö tji̧'yinobe, Capernaúmkwöchobe. Ja̧danö, ida̧ökö yi̧ibajayonö Jesúsma ina jobadö tji̧'yobekwö i̧'yinokobe.

Mateo 11:23

Ja̧danö ökwödö Capernaúm jojodöma, ¿kwedaduwemi mölejȩbe kakekwaduwakwa̧ji̧? ¡Kakekwaduwökakwedöja, Dios ökwöla nöolabe ikwö loakwa̧wö̧ja! Isabenö jojodö edajitjökö jawa kwö'da̧deduwitjö chi̧sebinadanö Sodomatjö chi̧sebinatjö̧ma, Sodoma jojodöma sulabenö tjomukwati̧ kabatibö tjöbalewacho jö̧tja̧linena, ja̧danö Diosma la'akatjöda jobadönö söbebö looko jö̧a̧linena, ja̧danö tjiteboma ina jo̧ jö̧a̧lena.

Juan 2:2

Jesúsbi, iteda öba̧ja̧di̧ waisachadöbi tja̧debajawö̧ma jobekwö tji̧'yinobe pjiesta baledö.

Juan 4:46

Ja̧danö, Jesúsma Galilea niji comunidad, Caná mikwemi ichibinobe, ojwiyotjö ubasobu o̧'do̧bu baibanö ja̧inemima. Jobe ichonö, jelobe, Capernaúm mikwobe, jobetjö bakwo̧ la'aka luwo̧ itji̧ma nöinö ö'wöchinobe.