Juan 2:1 - Dios Iwene

¹ Ja̧danö Jesúsma jejenö Natanaelnö yöawaja̧ tupakwö, dötölataja möle baledajena, ju'wedöma, jobe niji, Galilea niji Caná comunidad jojodöma, pjiesta tjujuninobe, bakwo̧ ilekwonö emi̧ pjiestama. Jesús ojo'do Maríama jena jö̧jinobe.

Juan 2:1 Referans Kwoze

Juan 4:46

Ja̧danö, Jesúsma Galilea niji comunidad, Caná mikwemi ichibinobe, ojwiyotjö ubasobu o̧'do̧bu baibanö ja̧inemima. Jobe ichonö, jelobe, Capernaúm mikwobe, jobetjö bakwo̧ la'aka luwo̧ itji̧ma nöinö ö'wöchinobe.

Juan 21:2

Jesús öba̧ja̧di̧ waisachadötjö ju'wedöma jobe, Tiberias tjolanö tjö̧jinobe. Jobadöma bidö: Simón Pedro, Tomás, Morocho ötjabökwe, Galilea niji Caná comunidad jojo Natanael mikwo̧, Zebedeo itji̧mu du̧ju̧taja, ju'wedö öba̧ja̧di̧ waisachadö du̧ju̧taja jobe tjö̧jinobe.

Juan 1:43

Ju'wi dewachö, Jesúsma, Aaa, Galileabe chi̧'ya, jö̧ba̧lö omukwatajo̧ i̧'yinobe, Galileabe. 'Ya̧jo̧, Felipe mikwo̧nö öbadekwajinobe. Badekwajö Felipenö yöawinobe: —Ötjökwö ichi chömöayo̧ bakibo— jö̧ba̧lö.

Mateo 12:46

Jesús jojodö ko̧ko̧kwajadönö yöawonö, Jesús ojo'dobi, ö̧ja̧wo̧döbi a̧petube tjö̧jinobe, ja̧danö jo̧banö yötja̧lakwawobö tjösödinobe.

Proverbios 18:22

Ja̧danö, ju'wibi yötawa, ömAdönöma: Kwilekwo otiwanö omukwatujunö kweminatjö̧ma jwiinö otiwanö kwemena. Jobekwö kwemina wajuwanö i̧sebobe, Isabenö Jo̧ma otiwanö pjaatinobe ötjönöma, jö̧ba̧lö.

Juan 1:29

Ju'wi dewachö Juanma edinobe iteda ö̧jobekwö Jesús ichobe. Jesúsnö edö jö̧a̧linobe itekwöda ju̧kwadönö: —Edaduwi. Ite baikwö icho̧ma, Dios weinökwe obeja itji̧danö jo̧. Diosma jo̧banö ö'wöchinö midawö, jojodö tjusuli̧ söbebö loobö weinobetjö̧, obeja itji̧danö jo̧, ötjabökwe.

Hebreos 13:4

Ja̧danö chömöledö, ju'wibi yötawaduwakwö. Ökwödötjö kwilekwonö kwemobö, ja̧danö kwilekwenö kwemobö omukwatadönö yötawa. Yebabinö omukwatö kwemaduwo kwilekwonö, ja̧danö kwilekwenö. Ja̧danö, eminadönöbi yötawa. Yebabinö omukwatö kwuju̧kwaduwo kwilekwokwö, ja̧danö kwilekwekwö. Ja̧danö, okobe deinö yötawaduwakwö. Emökönöma kwalewaduwa, Diosma emökönö alewadönö lȩebakobetjö̧. Ja̧danö, Diosma jeluju jilekwenö alewujunö, jelo̧ ilekwonö alewo̧nö lȩebakwo̧.

Juan 1:35

Ja̧danö, ju'wi dewachö, yemidanö, Juan Ojwenö Bu̧dato̧ma iteda ömöayedö du̧ju̧tajakwö ö̧jinobe.

Proverbios 19:14

Ja̧danö, ju'wibi yötawa: Tjitji̧mu̧ma idöda tjabe'do, tjojo'do debö tji̧'yaja̧ okobema ajayinö tjiyobö tju̧junina jawa tjȩmakwedö, o̧do, balada, tjiteabi. Jao, tjabe'do tjojo'do jobekwö iyadö. Jobekwö tjiyijayonö Isabenö Jo̧da bakwo̧ ilekwo̧nö, ö'wiyawakwawönö omukwatujunö iyakwo̧ma.

Josué 19:28

ja̧danö jemi tupakwö Abdon comunidadbebi, Rejob comunidadbebi, Hamon comunidadbebi, Cana comunidadbebi dötewinobe Aser niji bakwachobema, bajalianö inesö jalobe comunidad Sidon ö'öböbe ichibanö.

Juan 2:11

Ja̧ baledinama Jesús iteda ujulu i̧sebi̧tjö ajayi i̧sebina, jobetjö, Galilea nijinö Caná comunidadtjö. Jejenö iteda jwiinö ujuluma i̧sebiawö̧ iteda öba̧ja̧di̧ waisachadöma jo̧banö tjösödinobe, Bitema Dios weinökwe jojodö tjö̧jibinö pjaatobö, jö̧ba̧lö.