Juan 19:27 - Dios Iwene

²⁷ Ja̧danö jö̧a̧linobe öba̧ja̧di̧ waisacho̧nö: —Chömöayo̧, bisu chojo'doma ökwö kwojo'dodanö baibakwuju— jö̧a̧linobe. Jejenö jö̧a̧lökwe, Jesús ömöayo̧, ja̧ Jesús jejenö jö̧a̧laja̧ tupakwö ba̧kwȩlö̧jatebö ite'ada̧linobe Jesús ojo'donö, jobujunö iteda ejube jö̧jobö öbibö.

Juan 19:27 Referans Kwoze

Juan 16:32

Jejenö ösödö yöka̧laduwijayonö yötawaduwakwö. Tjo̧wi̧, ötjö chö̧jelö dökibaduwakobe, kwejuduwikwena ȩwa̧jö. Jau, ötjönö le'dedibö kwȩwa̧jaduwakwa̧ möle yöneawacha babema. Ja̧danö, döbibajö kwȩwa̧jaduwajabe okobema jo̧dawa'ye chö̧jakwo̧sa. Jo̧kwaijayonö, jo̧dawa'yemaökö, Chabe'do ötjökwö jo̧.

Juan 1:11

Jo̧bama itebonöda ichibö, iteda ömöledönö yöawijayonö jobadöma tjöpöjödinobe jo̧banöbi, jo̧ba yöawi̧bi.

Génesis 45:8

Jo̧kwaobetjö̧ chömöledö, Diosda weinobe bai chichoböma, ökwödö weköbinaduwama̧kö̧. Ja̧danö, Diosma faraón ipjea luwo̧ baibanö ujuninobe ötjönöma, faraónnö pjabatö yötawobö. Diosda weinobe ötjönöma faraón ömöayedö tjuluwo̧bi, Egypto jojodö tjuluwo̧bi baibanö chö̧jobö.

Marcos 3:34

Ja̧danö itekwö ba̧jadönö edö jö̧ba̧lijetö: —A̧ja̧kwaduwitjö. Ökwödöma ötjö chojo'do, ja̧danö chö̧ja̧wo̧dö.

Mateo 25:40

Atjebitjö̧, ötjö la'aka luwo̧ma chatadakwo̧sa: Isabenö yötawaduwakwö, bidö chömöledötjö ju'wedötjö nijakwönönö mikwawö̧kö̧nö jejenö pjakatinaduwenama, ötjönöda pjakatinaduwobe, jö̧ba̧lö.

Génesis 47:12

Ja̧danö, Joséma kwakwawabi iyabijetö abe'donö, öpöedönö, ö̧ja̧wo̧nö, okobe deinö ömöledönö, bakwasokwena, tji̧tju̧mukwena tju̧kwa kwakwawa tjujuna̧lobö.

Lucas 18:28

Yöa̧liökwe, Pedroma Jesúsnö yöa̧linobe: —Ökwödö kwöba̧ja̧di̧ waisachadöma ditea dujuniboböma öpöjödökodösa. Ökwödöma otiwanö okobe jwiinö dujuna̧lina junibö ökwökwö lubibö dichajabe— jö̧ba̧lö.

Hechos 21:6

Ikenama isowinö da̧jibajena jobe ju̧kwadöma tjejube tjȩwa̧jijatö.