Juan 19:17 - Dios Iwene

¹⁷ Jejenö weawö̧ guardia jojodöma Jesúsnö öbibö tji̧'yinobe. Jesúsma jobe 'ya̧nö towisa'o e'ewinobe, itenöda bȩbö tjujunakwötema. Jöte e'ewö i̧'yinobe, mö'ösa'obe, hebreo tjiwenenö Gólgota mikwa'obe, tjuusöseba'o, jö̧ba̧lö.

Juan 19:17 Referans Kwoze

Lucas 23:33

Ja̧danö, tjuusösesa'o mikwa'obe ichibö, Jesúsnö towisa'onö bȩtjinobe, ja̧danö sulabenö ja̧badönöbi tjölakwa'okwena bȩtjinobe, Jesús öwaisobekwöchobe bakwo̧, ja̧danö wajwiobekwöchobe jelo̧.

Lucas 14:27

Ja̧danö chömöledö, bakwo̧ towisa'o, iteda woakwa'o kabeibö, ötjö chökömanö ichobö öpöjöditjö̧ma, isabenö chöba̧ja̧di̧ waisacho̧ ö̧joböma jwibo̧.

Lucas 23:26

Jesúsnö öbibö tji̧'yinobe, towisa'onö nönö kwabö lotjobö, ja̧danö 'ya̧nö bakwo̧ Cirene jojo Simón mikwo̧nö, tebotjö ȩwa̧jo̧nö do̧tjatinobe, pjabatö Jesús ö̧lakwa'o e'ewobö. Ja̧danö, Simónnö wetjinobe, pjabatö Jesús ökömanö 'ya̧nö towisa'o e'ewobö.

Hechos 7:58

'Ya̧wibö Estebannö jibö döbeba̧lö öbibö Jerusalén ö'öböbe junijadötö. Junajadö inawiyanö ikwawijadötö. Jobadö ikwawadöma tjökamisi wamesado̧ 'yo̧bekwö, jelo̧, möayo̧, Saulo mikwo̧ ö̧jemi ö'öbö lödajadö ikwawijadötö Estebannöma.

Marcos 15:32

Ökwö, Dios weinökwesa, jö̧ba̧lo̧ma, Israel jojodö tjuluwo̧sa, jö̧ba̧lo̧ma, i'otjö meibi dedo. Meibö kwöjamatitjö̧da dösödakwedösa ökwö yöka̧li̧ma— obö jö̧ba̧lijadötö. Ju'wedö, Jesúskwö towisa'iju bȩbö tjujunajawö̧bi sulabenö obö jö̧ba̧lijadötö Jesúsnöma.

Lucas 23:38

Ja̧danö, Jesús uu wame, bȩkwöte ji̧nobe: Bitema judío jojodö la'aka tjuluwo̧, jö̧ba̧lö wȩyukwötema.

Lucas 9:23

Jesúsma jojodönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö e'ewobö jo̧be, Aaa, wotapji jö̧ba̧lö chi̧'yökena, jö̧ba̧lö omukwatökönö.

Marcos 15:26

Jesús uu möakwöchobe ösötenö, ja'yuwötenö wȩyukwöte bȩbebö junijadötö, Bitema judío jojodö tjuluwo̧, jö̧ba̧lö, wȩyukwöte uu möakwöchobe.

Marcos 10:21

Jejenö jö̧a̧lökwe Jesúsma isabenö ile nibebijetö jo̧banöma. Jo̧banö edö jö̧ba̧lijetö: —Ökwöma, Okobe jwiinö ja̧bajibo̧sa jö̧ka̧lijayonö ina, yada bakwöta jawa ja̧bököja. A̧ja̧kwitjö. Kwu̧kwa tea okobe jwiinö kwujuna̧li̧ kwiyabija̧ mikwawama usulasedönö kwiyo. Jejenö kwiyobetjö̧ isabenö ju'winö mölejȩbe ja̧nö Diosma jwiinö otiwa jawa iyakwo̧ja. Usulasedönö kwiyo. Kwiyaja̧ ikena ötjökwö kwicho— jö̧ba̧lijetö Jesúsma jo̧banöma.

Marcos 8:34

Ikenama Jesúsma jwöbijetö okobe deinö ichajadönöbi, iteda öba̧ja̧di̧ waisachadönöbi iteda ö̧jobekwö tjichobö. Ichajadönö jö̧ba̧lijetö: —Chömöledö baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö e'ewobö jo̧be, Aaa, wotapji jö̧ba̧lö chi̧'yökena, jö̧ba̧lö, omukwatökönö— yöbawijetö—.

Mateo 27:37

Jesús uu wame wȩyukwöte bȩbebö tjöninobe: —Bite Jesúsma, judío jojodö la'aka tjuluwo̧obetjö̧, towisa'onö bȩbö dönökwe— jö̧ba̧lö.

Mateo 16:24

Ikenama Jesúsma iteda öba̧ja̧di̧ waisachadönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö ichobö jo̧be.

Mateo 10:38

Ja̧danö chömöledö, bakwo̧ towisa'o, iteda woakwa'o kabeibö, ötjö chökömanö ichobö öpöjöditjö̧ma, chöba̧ja̧di̧ waisacho̧ ö̧joböma mikwawö̧kö̧, isabenö chöba̧ja̧di̧ waisachadö woawa yetjabobö jwiobetjö̧.

1 Reyes 21:13

Ikenama du̧ju̧taja sulabedöma ichibö, öba a'o tjöbamatinobe, jadanö jojodö tjöba a'o yötja̧linobe Nabotnö, —Bite Nabotma jwiinö sulabenö yöa̧linobe Diosnöbi, inesö la'aka duluwo̧nöbi, —jö̧ba̧lö omöna yötjalinobe. Ikenama, Nabotnö tjötjebinobe comunidad apjude a'obe, ja̧danö comunidadtjö labebajadö, inawiya ikwawö lotjinobe Nabotnö.

Génesis 22:6

Ikenama Abrahamma Isaac öböbe'onö kabebö wanijetö. Wanajo̧ i̧sa̧pi̧, ökwöla juawa 'dö̧tekwa e'ewö 'yi̧jetö, itji̧ Isaac imi e'ewo̧kwö.

Juan 5:2

Jobe, Jerusalénnöma, ojwese'dodanö ji̧nobe, ojwe ibawe'doma. Je'do imima Betzatá, hebreo tjiwenenö. Je'doma töekwemi apjude ji̧nobe, o̧bȩja̧dö teachakwawade mikwade. Ja̧danö, jade tebachö ibawe'do ödökwönönö löwötebiya ji̧nobe, bakwamu jawa ötebiya, jali̧ löwötebiyama.

Juan 19:13

Pilatoma jejenö a̧ja̧kwaja̧ ikena Jesúsnö tjichejebobö jwöinobe. Ja̧danö, Pilatoma wa̧kwawakanö ö̧binobe, lȩekwa yöbawo̧ wa̧kwawakanö. Jena, ba̧kwawaka jenama, inawiyatjö otikwemi. Griego tjiwenenö, El Enlosado, jö̧ba̧lö, mikwemi. Ja̧danö, hebreo tjiwenenö, Gábata, jö̧ba̧lö, mikwobe.