Juan 18:5 - Dios Iwene

⁵ —Jesús, Nazaret jojonö disakwa— tjatadiökwe: —Ötjödasa— jö̧a̧linobe Jesúsma. Ja̧danö, Judas, Jesúsnö iyö lobo̧ma jobadökwö ö̧jinobe, Jesúsnö do̧batö ichajadökwö.

Juan 18:5 Referans Kwoze

Juan 19:19

Ja̧danö, Pilato ja'yuwötenö iwȩyudaja̧ma, Jesús imi jawa, bȩbebö tjuninobe Jesúsnö bȩtjajötenö, Jesús uu möakwöchobe. Baikwö wȩyudina ji̧nobe: Bite Nazaret jojo Jesúsma judío jojodö tjuluwo̧, jö̧ba̧lö, iwȩyudaja̧ bȩbebö tjujuninobe.

Juan 1:46

Jejenö yöawökwe: —¿Dakwö baibajö?— jö̧a̧linobe Natanaelma—. Nazaretnöma jo̧kwadabedöda tjuju̧kwobe— jö̧a̧linobe. Ja̧ jö̧ba̧löma, Jobe jö̧kö̧ Moisés iwȩyudinökwema, Dios yöawi̧ yöbawinadö tjiwȩyudinökwema, jö̧ba̧lö, omukwatinobe Natanaelma. Jejenö jö̧a̧lökwe Felipema Natanaelnö öibinobe: —Kwedo ichi— jö̧ba̧lö. Ja̧danö, Natanaelma Felipekwö Jesús ö̧jobekwö i̧'yinobe.

Mateo 21:11

Atjebawö̧, Jesúskwö kwebachadö jojodöma tjatadinobe: —Jo̧bama Dios yöawi̧ yöbawo̧ Jesús, Galilea nijitjö Nazaret comunidad jojo— jö̧ba̧lö tjatadinobe.

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

Isaías 3:9

Isabenö wene juna̧ladö Juda jojodöma, tjöba edöbi öwaetjöda öwawobe, wene tjujuna̧li̧ma. Jau, taba jwiinö, sulabenö ja̧bö tjö̧ji̧ i̧sebadö, inesö sulabedö Sodoma jojodö tji̧sȩbinadanö. Ayö, isabenö Dios lȩebakwawö̧ Juda jojodönö, jadanö jobadönö lȩebakwa̧ma baikwö yötawa, Idöda wene jwötjekwobetjö Dios lȩebakwa̧ tjemakwedö.

Juan 18:4

Ja̧danö, Jesúsma ida̧ökö öwaisinobe itenöda ja̧tjakwa̧ma. Ja̧danö, jobadö tjichobekwö 'ya̧wibö abebö a̧ja̧kwinobe: —¿Tinö kwisakwaduwa?— abebö a̧ja̧kwawö̧:

Juan 18:6

Jesús jejenö, Ötjödasa, jö̧ba̧lö, yöawiawö̧ jo̧banö do̧batö ichajadöma omönanö tjökömakwö ji̧bachibö metjinobe nijibe.