Juan 18:25 - Dios Iwene

²⁵ Ja̧danö, Simón Pedro jobe ja̧nö 'yöakwinobe. Jobe ja̧döma Pedronö jö̧tja̧linobe: —Ökwöma, ite tje'ewökwe ömöayo̧köbiji̧?— abebö tja̧ja̧kwiökwe —Ötjömaökö—jö̧a̧linobe Pedroma.

Juan 18:25 Referans Kwoze

Proverbios 29:25

Ja̧danö, ju'wibi yötawa: Jojodö ökwönö tjo̧mukwati̧ma kwomukwatoko, ayö dakwö tjo̧mukwatobejö̧ ötjönöma, jö̧ba̧lö. Jobekwö kwomukwataja̧ma ökwödada 'daliwanö tjö̧li̧bidanö kwö̧libobö wanekwachobe. Jobekwö omukwatökönö, Isabenö Jo̧nöda kwo̧'wo̧ wa̧na̧lö kwö̧jitjö̧ma yebabökönö otiwanö kwö̧jakwo̧ja.

Génesis 18:15

Sarama Isabenö Jo̧ Dios ¿tajawedö obujuda? jö̧a̧lioko yebaibijotö. Jo̧kwaobetjö̧ jö̧ba̧lijotö: —Isaö̧kö̧. Ötjöma otökötö— jö̧ja̧lökwe: —Omöna yöka̧la. Oköbatö— jö̧ba̧lijetö Isabenö Jo̧ Diosma.

Lucas 22:56

Ja̧danö, ökwöla ö'öbö ba̧nö, ökwölama Pedronö dejatinobe öba öwawinö, ja̧danö jejenö öwawioko la'aka luwo̧ ömöayedötjö bakwujuma Pedronö eda̧lö yöja̧linobe: —Bitebi Jesúskwö kwebachina— jö̧ba̧lö.

Mateo 26:69

Pedro ö'weje pjabatadö la'aka tjuluwo̧ eju a̧petutjö ina ö̧bena, la'aka tjuluwo̧ ömöayedötjö bakwuju ichö yöja̧linobe: —Ökwöbi Jesús Galilea jojokwö kwebachinaja— jö̧ba̧lö.

Marcos 14:66

Pedroma ina o̧do a̧petunö ba̧nö te'ada̧lijetö. Jo̧ba ö̧bobekwö jelujuma, Diostjö jojodötjö ö'weje la'aka pjabato̧ ömöayujuma 'ya̧wibijotö.

Lucas 22:55

Ja̧danö, ö'weje pjabatadötjö la'aka tjuluwo̧ eju a̧petusȩko̧ ö'wejetjö, eju luwo̧ ömöayedöma ökwöla tjujuwinobe, ökwöla ö'öbö yötjakwobö, ja̧danö Pedrobi ökwöla ö'öbö yöakwotanö öbamatinobe.

Lucas 22:57

Jejenö yöja̧liökwe Pedroma atadö omöna yöa̧linobe: —Jojosuju, wajwitökwe jo̧ba Jesúsnöma— jö̧ba̧lö.