Juan 18:12 - Dios Iwene

¹² Ikenama Roma jojodötjö guardiabi, jobadö tjuluwo̧bi, Diostjö jojodötjö ö'weje pjabatadö wetjajawö̧bi, fariseo jojodö wetjajawö̧bi Jesúsnö ömamunö nu'yajadö öbibö tji̧'yinobe.

Juan 18:12 Referans Kwoze

Juan 18:3

Jo̧kwaobetjö̧, Judasma romano jojodötjö guardianöbi, Diostjö jojodötjö ö'weje pjabatadötjö la'aka luwedö wetjajawö̧nöbi, fariseo jojodö wetjajawö̧nöbi öbibö i̧'yinobe jobe batjobema. Ja̧danö, la̧pa̧la̧yu̧biyanöbi, dejewa'yu̧biyanöbi deja̧lö tji̧'yinobe. Ja̧danö, tokwötebiyabi, ö̧'i̧ya kwakwatjakwa̧ ö̧'i̧yabi do̧ba̧lö tji̧'yinobe Jesúsnö do̧tjatobö.

Mateo 26:57

Ö'weje pjabatadö la'aka tjuluwo̧ Caifás mikwo̧ ejutjö, Moisés iwȩyudina ba̧ja̧dadöbi, damöbi ko̧ko̧kwö tjö̧bajinobe, ja̧danö Jesúsnö do̧batajadöma tjö̧bajabekwö jo̧banö öbibö tji̧'yinobe.

Hechos 21:37

Ikenama guardia jojodöma Pablonö kabebö e'ewö tetjatibotö jö̧ba̧lö ja̧tjökwe, apjudenö tjichibena Pabloma abebijetö guardia jojodö tjuluwo̧nöma, griego jojodö tjiwenenö: —¿Ökwökwö yöta̧lakwawobö kwösödobeji̧?— abebijetö. Ja̧danö, jejenö griego jojodö tjiwenenö aebiökwe guardia jojodö tjuluwo̧ma: —¡Ayö! Ökwöma griego tjiwene yöka̧lobe.

Hechos 21:31

Ja̧danö, Pablonö tötöbajadöma, Kwabö lodonö, jö̧ba̧lö, omukwatijadötö. Jo̧kwaijayonö romano jojodö guardia jojodö tjuluwo̧ma ju'wedö yötjawi̧ a̧ja̧kwijetö judío jojodö jwöbeba̧lö tjölakwabi̧ma.

Lucas 22:54

Jemi ikenama Jesúsnö do̧tjatinobe, ja̧danö jo̧banö öbibö tjȩwa̧jinobe Diostjö jojodötjö ö'weje pjabatadötjö inesö la'aka luwo̧ ejube. Ja̧danö, Jesúsnö öbibö tjȩwa̧jonö, ja'yubenö ödökwönönö tjö̧kömanö i̧'yinobe Pedroma.

Marcos 15:1

Ju'wi dewachö yȩayi judío jojodötjö okobe deinö la'aka luwedöma, Diostjö jojodötjö ö'weje pjabatadö tjuluwedöbi, judío jojodötjö la'aka luwedöbi, Moisés iwȩyudina ba̧ja̧dadöbi, te'ada̧lökönö ko̧ko̧kwibö Jesúsnö ja̧tjakwa̧ma okobe deinö bakwainö omukwatijadötö. Jo̧kwaobetjö̧, Jesúsnö nu'yibö öbibö 'yi̧jadötö romano jojodö la'aka luwo̧, Pilato mikwo̧ ö̧jobekwö, jo̧banö iyö lobö. Ichibö Jesúsnö iyö lobijadötö Pilatonöma.

Marcos 14:53

Ikenama Jesúsnö do̧batajadöma Jesúsnö öbibö 'yi̧jadötö Diostjö jojodötjö ö'weje la'aka pjabato̧ ejube. Jeju okwa ba̧jekwadö ko̧ko̧kwö ba̧jijadötö, Diostjö jojodötjö ö'weje pjabatadö tjuluwedöbi, judío jojodö tjuluwedöbi, Moisés iwȩyudina ba̧ja̧dadöbi.

Mateo 27:2

Ikenama, Jesúsnö nu'yibö, jo̧banö öbibö tji̧'yinobe, Roma la'aka luwo̧ ujuninökwe gobernador Pilato mikwo̧nö iyö lotjobö.

Jueces 16:21

Ja̧danö, ujulu jwiiawö̧, filisteo jojodöma Sansonnö do̧tja̧tinobe, ja̧danö do̧batajadö, öbajalebiya kelebö lotjinobe. Ja̧danö, Gaza comunidadbe tje'ewinobe Sansonnö, broncetjö otikwa ka̧lenasonö jo̧banö yö̧tjebinobe, jadanö ka̧lena ba̧kwawejunö tjödinobe. Jobe ka̧lena ba̧kwawejunö ja̧nö, jo̧banö wetjinobe, trigoso̧pja otikwawa inawa jalatö otidobö, trigoso̧pja otidö.

Génesis 22:9

Dios weinemi ichibö Abrahamma Diosnö juwö iyawemi otidajo̧ imi wanabijetö jena. Imi wanajo̧ itji̧nö unu'yaja̧ ikena unu'yajökwenöma imiko wame wanijetö.

Hechos 23:10

Ikenama fariseo jojodökwö, saduceo jojodökwö labijitja o̧penönö labijadötö. Fariseo jojodöma, Pablo jweinö yöba̧lo̧, jö̧ba̧lö, ösödijadötö. Jo̧kwaijayonö saduceo jojodöma, Omöna yöba̧lo̧, jö̧ba̧lö, öpöjödijadötö. Ja̧danö, bakobe bakwachakwadanö do̧batö tötöbijadötö Pablonöma. Guardia jojodö tjuluwo̧ma jobadö tjölabobe edö omukwatijetö, ¡Ayö! Jo̧banö kwabö lotjena, jö̧ba̧lö. Jejenö omukwatö webijetö ömöayedönö Pablonö tetjatobö guardia tjejube. Jejenö weawö̧ma Pablonö do̧batibö öbibö ȩwa̧jijadötö idöda tjejube.

Mateo 27:27

Ikenama gobernador ömöayedö guardia jojodöma Jesúsnö öbibö tji̧'yinobe guardia tjö̧jejube, ja̧danö okobe deinö jobe ju̧kwadö guardia jojodönö jwötjinobe Jesúsnö edö tjichobö.

Hechos 10:1

Bakwo̧ romano jojo, Cesareanö jo̧ma Cornelio mikwo̧ ji̧jetö. Jo̧bama ciennö guardia jojodö, italianos mikwadö tjuluwo̧bijetö.