Juan 17:3 - Dios Iwene

³ Ja̧danö, ba̧kwȩlö̧jatebö ja̧kwawa juna̧ladöma, ökwönö waisö, Diosma Isabenö Jo̧, jö̧ba̧lö, ösödadö. Ja̧danö, ba̧kwȩlö̧jatebö ja̧kwawa juna̧ladöma ötjö, Jesucristonöbi waisö ösödadö, ökwö weköbinökwenöma— aebinobe—.

Juan 17:3 Referans Kwoze

1 Juan 5:20

Ja̧danö chö̧ja̧wo̧dö, ju'wi jawabi döwaisa, biya̧: Dios Itji̧ Jesucristoma böjȩnö ichinobe Isabenö Jo̧ Diosnö döwaisachibanö yöbawö. Ja̧danö, babema Dioskwöbi Itji̧ Jesucristokwöbi bakobe dötewinö 'ya̧dösa. Chö̧ja̧wo̧dö, Jesucristoma isabenö jo̧ Diosda. Ja̧danö, jo̧ba Jesucristoma ökwödönö pjaatinobe, do̧'wo̧ luwo̧nö ba̧kwȩlö̧jatebö dö̧jobö.

Juan 17:25

Jweinöda Omukwato̧ Chabe'do, sule bö̧jȩda jojodöma ökwönö wajwibadö. Jo̧kwaijayonö ötjöma chöwaisa ökwönöma. Ja̧danö, böjȩ jojodöma wajwitjijayonö, bidö, chöba̧ja̧di̧ waisachadöma tjöwaisobe, Diosma Jesúsnö weinobe, jö̧ba̧lö.

Juan 3:17

Diosma itji̧nöma, böjȩnö ju̧kwadönö lȩeboböma weinokobe. Tjö̧jibinö pjaatoböda weinobe Diosma itji̧nöma, jo̧banö ösödadö tjö̧jibinö pjaatobö.

1 Juan 4:6

Jo̧kwaijayonö ökwödö Jesús webawedö yödawi̧ma tjöpöjödobe, böjȩ jawa yödawokobetjö̧. Ökwödöma Dios i̧tji̧mubedösa, ja̧danö, Dios jawada yöbawadösa. Jo̧kwaobetjö̧ Diosnö waisadöma ökwödö yödawi̧ tjösödobe. Isabenö yötawa chö̧ja̧wo̧dö, Diosnö öpöjödadöma böjȩ jawa yötjawi̧ ösödadö. Ja̧danö, Diosnö ösödadöma ökwödö yödawi̧ ösödadö, yödawi̧ma Dios O̧'wo̧ Luwo̧tjö ichobetjö̧. Chö̧ja̧wo̧dö jejenö öwawobe ti o̧'wo̧ luwo̧ öibawö̧ tjö̧jojobö, jö̧ba̧lö. Yödawi̧ tjösöditjö̧ma Dios O̧'wo̧ Luwo̧ öibawö̧. Jo̧kwaijayonö yödawi̧ tjöpöjöditjö̧ma jelo̧ o̧'wo̧ luwo̧ öibawö̧, Cristo öpöjojo o̧'wo̧ luwo̧da.

1 Crónicas 28:9

Ja̧danö, ökwö chitji̧ Salomonnö baikwö yötawakwö: Ötjö kwabe'dö chösödökwe Diosnö otiwanö kwöwaisobö kwisakwo, ja̧danö jwaikwöda okobe jwiinö kwomajadenö, öpöjödökönö jo̧ba wei̧ ösödö a̧ja̧kwö kwö̧jo. Jau chitji̧, Isabenö Jo̧ma okobe deinö tjomajade okwanö tjomukwati̧ edö waiso̧, ja̧danö okobe jwiinö omukwatö tjujuni̧ jawama, öwawinö edö waiso̧. Ja̧danö, jo̧banö kwisakwitjö̧ma, kwöbadekwajobö weakwo̧ chitji̧, jo̧kwaijayonö jo̧batjö 'da̧bachibö kwi̧'yitjö̧ma, ökwönö kabatibö ikwö loakwo̧, ba̧kwelöjatebö loawa baibanö.

Juan 17:23

Chabe'do, ötjökwö ökwökwö dötewinö bakwaibedösa. Ja̧danö, ökwöma ötjö cho̧'wo̧ luwo̧ okwa kwö̧jobe. Ja̧danö, ötjöma jobadö tjo̧'wo̧ luwo̧ okwa jo̧sa. Ja̧danö, jobadö tjo̧'wo̧ luwo̧ okwa chö̧jobetjö̧ bakwaibedödanö omukwatö tjuju̧kwobe. Jejenö, bakwaibedödanö omukwatö tjö̧jiawö̧ böjȩnö ju̧kwadöma, jobadönö edö tjöwaisachibakobe, Aaa, Diosma bidönö ile niebobe. Itji̧ Jesús, böjȩkwö weinökwenö ile niebi̧danö isabenö ile niebobe bidönö, Jesúsnö ösödadönöma, jö̧ba̧lö— jejenö Jesúsma aebinobe Abe'donö.

Isaías 61:1

Isabenö Jo̧ O̧'wo̧ Luwo̧ma ötjökwö jo̧, Isabenö Jo̧ Diosda ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, tjo̧'wo tjo̧bekwö ju̧kwadönö tjo̧'wo ösöwachibanö pjatatobö, ja̧danö ölakwabikwawö juluwajö do̧tja̧tajawönö tjetjatakwa̧ yötawobö, ja̧danö ka̧lena ba̧jadönö ka̧lenatjö tjö̧jibakwa̧ wene yötawobö.

Juan 17:21

Chabe'do, ökwönö ateba okobe deinö böjȩnö ju̧kwadö ötjönö ösödadöma bakwaibedödanö batjibobö, bakwainö omukwatö. Ötjökwö, ökwökwö bakwainö omukwatadösa. Ja̧danö, bakwaibedösa ökwödöma. Ötjöma ökwödanö bakwainö jo̧sa. Ja̧danö, ökwöma ötjödanö bakwainö jo̧ja. Ja̧danö, jobadöbi, bakwaibedödanö batjibobö pjakato. Jejenö bakwaibedödanö tjö̧jitjö̧ma böjȩ jojodö tjomukwatakobe, Isabenö Diosma weinobe Jesúsnö, jö̧ba̧lö— aebinobe—.

Juan 3:34

Ja̧danö, Dios weinökwema Dios iweneda yöbawo̧. Ja̧danö, Diosma iyijetö weinökwenö iteda O̧'wo̧ Luwo̧nöma, jo̧ba ujulu okobe jwiinö iyö.

2 Tesalonicenses 1:8

Diosnö wajwibadönö lȩebo jö̧ba̧lö, ja̧danö Duluwo̧ Jesús jawa otiwa jawa wene öpöjödadönö lȩebo jö̧ba̧lö.

Juan 17:8

Ja̧danö ökwö yökawi̧ yötawawö̧ tjösödijatö. Isabenö tjöwaisachibijatö, Jesúsma Dios ö̧jobetjö ichina, jö̧ba̧lö. Jejenö waisö ötjönö tjösödijatö, Bitema Dios weinökwe, jö̧ba̧lö—aebinobe Jesúsma Abe'donö.

Juan 14:26

Ja̧danö, chȩwa̧jabe okobema Dabe'do Dios, ötjö Chabe'doma ökwödönö weakobe jelo̧nö, ötjönö balekwo̧nö, Pjabato̧nöma. Jo̧bama Dios O̧'wo̧ Luwo̧. Ökwödönö okobe jwiinö öba̧ja̧da̧lakwo̧. Jo̧bama ötjö chöba̧ja̧dinabi kwomukwataduwobö pjaatakwo̧— yöawinobe Jesúsma—.

Juan 8:19

Jejenö jö̧a̧liawö̧: —¿Kwabe'doma daida?— atjebiökwe: —Ökwödöma yelösöda ötjönöbi, Chabe'donöbi wajwibadöja. Ötjönö kwöwaisaduwitjö̧ma Chabe'donöbi kwöwaisaduwena— jö̧a̧linobe Jesúsma,

1 Corintios 15:34

Sulabenö ja̧köbaduwi̧ kabatibö, tjekachajaduwo chömöledö, yemidanö jweinö kwomukwataduwo jö̧ba̧lö. Isabenö yötawaduwakwö chömöledö, ökwödötjö ju'wedöma Diosnö wajwibadöja chömöledö, ja̧danö jo̧banö wajwiköbaduwobetjö̧, kwötabakwaduwobö jo̧be.

Isaías 53:11

Ja̧danö, usula emawajo̧, otidaja̧ omukwatakobe Dios ömöayo̧ma, ja̧danö otidaja̧ okwa jawa omukwatö, o̧'wo ösöwanö omukwatakwo̧, —Chotidaja̧ma, otiwanö chotidajabe, —jö̧ba̧lö. Baikwö yöa̧lobe Diosma, iteda ömöayo̧nö: Chömöayo̧ma ba̧jȩkwadö tjusula emawajabe, jo̧kwajabetjö̧ iteda ida̧'ökö emawajobetjö̧, jobadönö lȩekwa yöawakwo̧, —Bidöma wene jwibadö, —jö̧ba̧lö.

1 Tesalonicenses 1:9

Jau chömöledö, ökwödödama jobadönö yödawököjayonö, ökwödönö yöbawö di̧'yina wene yötjawobe. Baikwö yötjawobe chömöledö: Tesalónicabe yöbawö di̧'yenama, ökwödönö kwösödinaduwobe, jö̧ba̧lö, ja̧danö o̧'wo̧ jawa kwösödinaduwawö̧nö kabatibö, Diosnö kwösödinaduwobe, jö̧ba̧lö. Jau chömöledö, ökwödönö yötjawobe, Tesalónicanö ju̧kwadöma o̧'wo̧ jawa kabatibö, isabenö Dios jo̧, 'yaba̧lo̧ Dios jo̧ wei̧ ja̧bö ju̧kwadötö, jö̧ba̧lö.

Isaías 48:16

Chö̧jobekwö yöne ichibö, yötawi̧ kwa̧ja̧kwaduwo chömöledö. Ötjöma la'akatjöda tja̧ja̧kwokonö yöbawö̧kö̧sa, öwawinö baledakwa̧ yöbawo̧sa, ja̧danö ba̧kewelöjatebö yötawaja̧danö badekwachinö otidö lobo̧sa, jö̧ba̧lö yöawobe Diosma, Juda jojodönö. Ja̧danö chömöledö, babema Isabenö Jo̧ Diosma ötjönö weajabe, Dios O̧'wo Luwo̧ma ötjönö weajabe, iteda yöawi̧ ökwödönö yötawobö.

Juan 10:36

¿tajawedö, Ötjöma Dios Itji̧sa, jö̧ba̧lö yöta̧lena jwökeba̧laduwobeda, Ökwöma sulabenö yöka̧la, jö̧ba̧lö? Ötjöma Dabe'do Dios omudawö böjȩkwö weinökwesa, jo̧ba wei̧ otidö chö̧jobö.

Juan 7:29

Isabenö ötjöma chöwaisökwe jo̧banö, Diosnöma, jo̧ba ö̧jobetjö baikwö chichinobetjö̧. Ötjöma jo̧ba weinökwesa—yöawinobe.

Juan 6:57

Dabe'do Dios, ötjönö webinama, ba̧kwȩlö̧jatebö ja̧kwawa iyo̧. Ja̧danö jo̧bama, ba̧kwȩlö̧jatebö ja̧kwawa iyo̧obetjö̧ ötjöbi ba̧kwȩlö̧jatebö ja̧kwawa iyo̧sa. Ja̧danö, ötjö chiteba'o kwadöbi ba̧kwȩlö̧jatebö ja̧kwawa juna̧ladö batjibakwedö, jobadönö ba̧kwȩlö̧jatebö ja̧kwawama chiyobetjö̧.

Juan 5:44

Ja̧danö, ökwödöma ¿dakwö kwöwaisachibaduwobö ötjönöma? Ju'wi jawa kwisakwaduwobe. Jojodö ökwödönö tjösödi̧da, pjatjati̧da kwisakwaduwobe. Dios jawa, bakwo̧da Dios jwiinö otiwi̧ jawama kwisakwaduwokobe— yöawinobe Jesúsma judío jojodö la'aka luwedönöma.

Juan 11:42

Chöwaisa, ökwöma ötjö atebi̧ma ba̧kwȩlö̧jatebö a̧ja̧kwo̧ja. Ja̧danö, babema bidö, bena ju̧kwadö ökwönö atebi̧ tja̧ja̧kwobö ateba tjöwaisachibobö, Isabenö bitema Dios weinökwe, jö̧ba̧lö. Jo̧kwaobetjö̧ bidö tja̧ja̧kwa̧lonö pjakatobö atebakwö— aebinobe Jesúsma Abe'do Diosnöma.

Lucas 9:48

iteda öba̧ja̧di̧ waisachadönö yöawinobe: —Chömöledö, okobe deinö bite tjemunö, Jesús ömöledöso̧ jö̧ba̧lö ichobe ösödadöma, isabenö ötjö chichobebi ösödadö, ja̧danö okobe deinö ötjö chichobe ösödadöma ötjönö webo̧ Diosnö ösödadö. Jau chömöledö, böjȩ jojodöma wamenö edö tjomukwatena, Aaa, bitema juluwo̧obetjö̧ ju'wedötjö bajalekwönönö mikwawo̧ jö̧ba̧lö, ja̧danö bitema juluwö̧kö̧obetjö̧ mikwawö̧kö̧ jö̧ba̧lö tjomukwatena, ¿jö̧tö? Jo̧kwaijayonö jejenöokobe ökwödönöma chömöledö. Ökwödötjö jelo̧nötjö nijakwönönö mikwawö̧kö̧ jö̧ba̧lö kwomukwataduwökwema, jo̧bada isabenö ökwödötjö inesö mikwawo̧ma. Jo̧kwajabetjö̧ ökwödötjö isabenö mikwawadöma bite tjemudanöbedöda— jö̧ba̧lö yöawinobe Jesúsma.

Marcos 9:37

—Edaduwi. Bakwo̧, tjemunö ösödo̧, bitejayo̧danö tjemunö ösödo̧ma, ja̧danö, ötjönöbi ösödo̧. Ja̧danö, jejenö ötjönö ösödo̧ma ötjönö la'aka webinanöbi ösödo̧— jö̧ba̧lijetö Jesúsma öba̧ja̧di̧ waisachadönö.

1 Corintios 8:4

Ja̧danö, baikwö yötawa ju'wedö tjösödawö̧ o̧'wo̧ jawa iyawa kwakwawa jawama, ja̧ kwakwawa dukwojobö dukwokojobö jö̧ba̧lö. Ökwödöma döwaisobe, o̧'wo̧ jawama, Diosbö̧kö̧ jö̧ba̧lö. Ja̧danö, Diosma bakwo̧da, jelo̧ma deobe jö̧ba̧lö döwaisobe chömöledö.

Proverbios 8:35

Isabenö yötawaduwakwö: Ötjönö badekwajo̧ma lekwe mölȩ ö̧jakwo̧. Ja̧danö, ötjönö badekwajo̧nöma Isabenö Jo̧ma ösödö pjaatakwo̧.

Juan 17:18

Ökwöma, ötjönö böjȩkwö weköbinadanö, jobadönö wetobe böjȩnö yöbawö kwetjachobö.

Filipenses 3:8

Jau chömöledö, ja̧ jawabi, okobe jwiinö ju'wi jawabi mikwawökö ji̧ jö̧ba̧lö, inesö mikwawi̧da chisakwobe chömöledö, jwaikwöda Chuluwo̧ Cristo Jesúsnö chöwaisobö chisakwobe babema chömöledö, ja̧da inesö mikwawi̧ jö̧ba̧lö. Wanedö yötawa: Sula'wo tjikwi̧danö ikwö lotinobedanö ichejekwa, mikwawökö ji̧ jö̧ba̧lö, Cristonöda chemo jö̧ba̧lö,

Filipenses 3:10

Jwaikwöda Cristonö chöwaisobö chisakwobe chömöledö, ja̧danö jo̧ba ujulu chöwaisobö chisakwobe. Jau chömöledö, Cristoma isabenö juluwo̧obetjö̧, woawatjö tjeachajinobe, ¿jö̧tö? Ja̧ Cristo ujulu chöwaisobö chisakwobe. Jo̧kwajabetjö̧ chömöledö, wanedö yötawa: Jo̧bakwö bakobe usula chemawobö chisakwobe, ja̧danö jo̧ba woinama, jo̧bakwö bakobe batibobö chisakwobe, jo̧ba woawatjö tjeachajinadanö ötjöbi tjetachajobö.

Hebreos 3:1

Isabenö, Jesúsma jwaikwöda i̧'yinobe Dios wei̧ a̧ja̧kwö. Jo̧kwaobetjö̧ chö̧ja̧wo̧dö, ökwödönö, Dios mölejȩbe kwö̧jaduwobö 'da̧batö ujuninawö̧nöma yötawaduwakwö. Dios Itji̧ Jesúsnö omukwata̧lö kwö̧jaduwo. Omukwataduwi. Jo̧ba Jesús yödawökweda, Bitema dö̧jibinö pjabato̧, jö̧ba̧lö. Chömöledö, Jesús, Dios yöawi̧ yöawobö weinökwema Diostjö jojodötjö ö'weje la'aka pjabato̧ baibanö jo̧. Jo̧banö omukwata̧lö kwö̧jaduwo chömöledö.

2 Pedro 1:2

Böjatjö jamatö, wȩyudö yötawaduwakwö chömöledö, tupakwönönö Diosnöbi, Duluwo̧ Jesúsnöbi kwöwaisachibaduwonö, Dios ajayitjö bajalekwönönö ökwödönö lȩlö̧jinö iyobö chösöda. Ja̧danö ajayitjö bajalekwönönö ökwödönö pjaatobö chösöda, kwo̧'wo̧ luwo̧ ösöwachibanö kwö̧jaduwobö.

2 Pedro 1:3

Chömöledö, Duluwo̧ma Diosdaobetjö̧, okobe jwiinö juluwo̧, ¿jö̧tö? Jau chömöledö, okobe jwiinö juluwo̧ duluwo̧ma, ja̧danö, ju'wibi, iteda ujulu ökwödönö iyobe, jo̧ba ujulunö Dios ösödi̧danö ja̧bö dö̧jobö. Jau chömöledö, Duluwo̧ma ökwödönö jwöinobe, iteda dejatinö ujulu ökwödöbi dujuna̧lobö, ja̧danö iteda inesö otiwi̧ ökwödöbi dujuna̧lobö. Ja̧danö chömöledö, jo̧banö waisadö dö̧jobetjö̧, iteda ujulu ökwödönö iyobe, jo̧kwajabetjö̧ ina böjȩnö dö̧jayi, okobe jwiinö juna̧ladösa, böjȩnö ina dö̧jayi Dios ösödi̧danö ja̧bö dö̧jakobetjö̧.

2 Pedro 1:8

Jejenö ja̧bö ja̧kwawama inesö mikwawi̧ chömöledö, ja̧danö jejenö ja̧bö kwö̧jaduwitjö̧ma, ja̧danö wanedö yötawa, jejenö ja̧bö ja̧kwawa ökwödönötjö nöachitjö̧ma, kwö̧jaduwi̧ma isabenö waekwökena, ja̧danö Duluwo̧ Jesucristonö isabenö otiwanö kwöwaisachibaduwena chömöledö.

1 Juan 1:3

Chö̧ja̧wo̧dö, ökwödö dedina, da̧ja̧kwina kwöwaisaduwobö böjanö yöbawö chiwȩyuda. Ja̧ yötawi̧ma a̧ja̧kwö kwösödaduwobö yötawa chö̧ja̧wo̧dö, kwomajadeduwinö ökwödökwö bakobe dötekwö kwö̧jaduwakobetjö̧. Ja̧danö, ökwödökwödamaökö chö̧ja̧wo̧dö. Ökwödö Jesúsnö ösödadöma Dabe'do Dioskwöbi, Itji̧ Jesucristokwöbi domajadenö bakobe dötekwö ja̧dösa. Chö̧ja̧wo̧dö, böjanö yötawi̧ kwösödaduwobö yöbawö chiwȩyuda, kwomajadeduwinö bakobe ökwödökwöbi, Dabe'do Dioskwöbi, Itji̧ Jesucristokwöbi dötekwö kwö̧jaduwakobetjö̧.

1 Juan 2:23

Chömöledö jejenö omukwato̧ma, Jesús Dios Itji̧bö̧kö̧, jö̧ba̧lö, Dioskwö dötewinö 'yö̧kö̧. Jo̧kwaijayonö Jesúsnö ösödo̧ma, Jesúsma Dios Itji̧, dö̧jibinö imidawobö weinökwe, jö̧ba̧lö, Dioskwö dötewinö 'yo̧.