Juan 17:17 - Dios Iwene

¹⁷ Chabe'do, jobadönö tjo̧'wo̧ luwo̧nö kwöba̧ja̧dodönö ökwö isabenö kwiwenema, ja̧ kwiwene tjöwaisachibanö. Jejenö jobadönö kwöba̧ja̧do ökwö kwiwene waisö wainö tjuju̧kwobö, suli̧ jawakwö pjabacha̧lökönö— aebinobe—.

Juan 17:17 Referans Kwoze

Juan 15:3

Chömöledö ökwödöbi 'wibebö lobö otidajemi otiwanö wa̧jemi baibi̧danö ida̧ökö otiwanö babibinadöja. Ötjö chiwene a̧ja̧kwö kwo̧'wo̧ luwo̧duwinö ösödö do̧katinaduwobetjö̧ otiwanö babibinadöja, 'wibebö lobö otidajemi otiwanö wa̧jemi baibi̧danö—yöawinobe Jesúsma öba̧ja̧di̧ waisachadönöma—.

Efesios 5:26

Jejenö Cristoma, ökwödönö 'da̧batö ujuninobe, suli̧ jwibadö badibinö. Wanedö yötawa chömöledö: Ökwödöma ojwe dibenama otiwanö didewachibobe. Ja̧danö, Cristoma itedada iwenenö ökwödönö dichö loinobe didewachibinö. Jau chömöledö, Cristo iwene a̧ja̧kwö dösödena ökwödönö dichö loinobe, didewachibinö.

Juan 17:19

Chabe'do, ötjöma ökwö weköbi̧da a̧ja̧kwö iyawo̧sa, bidö chöba̧ja̧di̧ waisachadöbi isabenö, ökwö weköbi̧ a̧ja̧kwö iyawedö batjibanö tjuju̧kwakobetjö̧— aebinobe Jesúsma Abe'donöma.

Juan 8:32

Ja̧danö, ötjö chöba̧ja̧di̧ waisachadö kwö̧jaduwobetjö̧ isabenö ji̧ yötawi̧ma kwöwaisachibaduwakwedöja. Wanedö yötawaduwakwö: Isabenö ji̧ yötawi̧ kwöwaisachibaduwobetjö̧, nu'yö di̧batö tjödinatjö̧ kwö̧jibaduwinö bakibaduwakwedöja, kwuluwo̧duwi wei̧tjö lakebaduwinö— jö̧a̧linobe Jesúsma, wanedö yöbawö.

Santiago 1:21

Jo̧kwaobetjö̧ chö̧ja̧wo̧dö, okobe jwiinö suli̧ ja̧köbaduwi̧ma kakatibaduwo. Yelösöda kwomajadeduwinö suli̧ma su̧'bȩinö jo̧be. Ja̧danö, su̧'bȩinö jo̧betjö̧ suli̧ma kwomajadeduwitjö doibobe, ojwiyo doibi̧danö. Chö̧ja̧wo̧dö, ja̧ suli̧ma kabatibö, Suli̧ wei̧ cha̧ja̧kwökö, jö̧ba̧lö, kwöbalewachaduwo, Dios iwene ösödö, Jwiinö otiwa, jö̧ba̧lö. Wanedö yötawaduwakwö chö̧ja̧wo̧dö: Diosma iteda iwene önebia tjujuni̧danö kwo̧'wo̧ luwo̧duwinö ujuninobe. Ja̧ iwenema pjaati̧ wene, böjȩnö kwö̧jaduwena suli̧tjö kwö̧jibaduwinö pjaati̧ wenema. Ja̧danö chö̧ja̧wo̧dö, suli̧ wei̧ öpöjödö ökwödönöda omukwatökönuwi, Luwedösa, jö̧ba̧lö. Dios iweneda ösödö kwö̧jaduwo, jo̧ba yöawi̧ a̧ja̧kwö.

2 Tesalonicenses 2:13

Chömöledö kabatökönö Diosnö ösödö adebobö jo̧be, ökwödönö pjaatinobetjö̧. Jau chömöledö, ökwödöma Duluwo̧ ile niebawö̧ja, ja̧danö Diosma la'akatjöda ökwödönö omudawö ujuninobe, kwö̧jibaduwobö. Ja̧danö, Dios O̧'wo̧ Luwo̧ ujulunö ökwödönö 'da̧batö ujuninobe, iteda ömöledö bakibaduwanö, isabenö wene kwösödaduwobetjö̧.

Efesios 4:21

Ökwödöma Jesús jawa, isabenö yötjawi̧ wene a̧ja̧kwinadöja. Jo̧banö isabenö yötjawi̧ tjöba̧ja̧dinawö̧ja.

Lucas 8:15

Ja̧danö niji otiwena meaja̧ ödebiya badekwachi̧ma, otiwanö a̧ja̧kwö, tjomajadenö 'diinö do̧ba̧ladönö badekwachobe. Jobadöma sule omöna yöba̧lödama chösöda jö̧ba̧lö yöba̧löködö, tjomajadenö otiwanö omukwatö isabenö ösödadö, ja̧danö wene baledijayonö, tjo̧'wo̧ 'dibachibö ja̧nö tjo̧'wo̧ luwo̧ wa̧ji̧ jawa otiwanö tjöwa̧jobe— jö̧ba̧lö. Jejenö yöbawö Jesúsma iteda öba̧ja̧di̧ waisachadönö labebö lobö yöawinobe jojodönö wanedö yöawaja̧ma.

2 Samuel 7:28

Ja̧danö, baikwö yötawakwö chuluwo̧: Ökwö Isabenö Jo̧ Diosma, isabenö Diosja, jweinö yöbawo̧ja. Ökwöma bi̧ya̧ inesö otiwi̧ma ötjö kwömöayo̧nö yöbawö kwujunajabe,

2 Corintios 3:18

Jo̧kwaijayonö okobe deinö ökwödö Jesúsnö ösödadöma tjöekwado̧ jwibadösa chömöledö, öwaetjöda Dios dejatinö ujulu edadösa. Jau chömöledö, Duluwo̧ salöinö ujulu edadösa, ja̧danö tjöbadekwawöte öwawinö i̧sebi̧danö ja̧ ujulu i̧sebadösa ju'wedönö, jobadöbi tjedakobetjö̧. Ja̧danö ju'wibi chömöledö, Duluwo̧ salöinö ujulu dedenama, Duluwo̧ Dios O̧'wo̧ Luwo̧ma, Duluwo̧danö ichejekwadö badibanö otido̧, jo̧ba salöinö dejatinö juluwo̧danö bakwainö dichejekwakobetjö̧. Jejenö jo̧be chömöledö, jo̧kwajabetjö̧ yödawi̧ wene 'yayi̧ wenema inesö mikwawi̧ jö̧ba̧lö, ja'yubebi salöi̧ dotojoböma omukwatöködösa. Jau chömöledö, jojodö ja̧ salöi̧ öwawinö tjedakobetjö̧, inesö mikwawi̧ wene 'yayi̧ wenema yöbawadösa.

Hechos 15:9

Chömöledö, Diosma judío jojodönöbi ja̧danö, judío jojodöböködönöbi bakwainö edo̧. Ja̧danö, bakwainö edobetjö̧ Diosma judío jojodöböködö tjo̧'wo̧ luwo̧nö dewinö baibanö tjusuli̧ma söbebö lobijetö, Jesúsnö tjösödobetjö̧, ökwödö dusuli̧ söbebö loinadanö.

Lucas 8:11

Ikenama Jesúsma iteda öba̧ja̧di̧ waisachadönö labebö lobö yöawinobe wanedö yöawaja̧ma, baikwö: —Wanedö yötawaja̧ laebachi̧ma biya̧: Ödebiya badekwachi̧ma Dios iwene.

Juan 8:40

Jo̧kwaijayonö ökwödöma jejenöma kwomukwataduwokobe. Jelobekwö omukwatö ötjönö kwabö loköbaduwotö jö̧ba̧lö kwomukwataduwobe. Ötjöma isabenö yöbawo̧sa, Dios yöawi̧ cha̧ja̧kwinama. Jo̧kwaijayonö ökwödöma kwabö loköbaduwobö jö̧ka̧laduwobe ötjönöma. Jejenöma Abrahamma omukwati̧danömaökö omukwatö kwö̧jaduwokobe.