Biblia Todo Logo
Bib sou entènèt

- Piblisite -




Juan 16:4 - Dios Iwene

4 Ja̧danö, ja̧ ökwödönö baledakwa̧ yötawobe, ja̧ möle, ökwödönö inia tjököbaduwinö baledi̧ möle ichena, kwomukwataduwobö, Aaa, jejenö Jesús jweinö yöawijatö, jö̧ba̧lö— yöawinobe Jesúsma öba̧ja̧di̧ waisachadönö. Jesúsma ina yöawinobe öba̧ja̧di̧ waisachadönö: —Ajayinö ökwödönö yöbawiachijökötö chi̧'yakobe okobetjö baledakwa̧ma— yöawinobe—.

Gade chapit la Kopi




Juan 16:4
15 Referans Kwoze  

Tjo̧wi̧ ökwödönö yötawatö chȩwa̧jakwa̧ abönö. Jejenö chȩwa̧jena omukwatö kwösödaduwakobe, Aaa, Jesúsma jweinö yöawijatö, jö̧ba̧lö.


Otiwanö tjöbeba̧lakwawö kwuju̧kwaduwo, chömöledö. Biya̧ma okobe jwiinö baledakwa̧ abönö ökwödönö yötawa kwöwaisaduwobö, ja̧danö, tjöbeba̧lakwawö kwuju̧kwaduwobö— jö̧ba̧lö yöbawijetö Jesúsma.


Jejenö jo̧ba iyö loakwa̧ abönö yötawaduwakwö, jejenö baledena kwöwaisachibaduwobö, Isabenö Jesúsda Dios weinökwe, jojodö tjö̧jibinö pjaatobö weinökwema, jö̧ba̧lö.


Jejenö atjebökwe, Jesúsma atadö wanedö yöawinobe: —Kwöwaisaduwa, tji̧lȩkwa̧munö emawa pjiesta tjujunenama, iteda ilekwonö emajo̧ ömöledöma jo̧bakwö pjiesta tjujunena. Ja̧danö, jejenö pjiesta tjujunenama o̧'wo̧ tjo̧achöma budekwöködö, ¿jö̧tö? Ötjöma ilekwonö emajo̧danö ichejekwo̧sa, ja̧danö jobadökwö chö̧jayi, o̧'wo̧ tjo̧achöma ö̧tö̧chö ja̧böködö chöba̧ja̧di̧ waisachadöma. Jo̧kwaijayonö ju'wi möle detakobe, ja̧danö detena baibenama jobadöbi o̧'wo̧ tjo̧achö tju̧kwa ö̧tö̧chö ja̧tjakwedö— jö̧ba̧lö atadinobe Jesúsma.


Jejenö abebö tja̧ja̧kwökwe, Jesúsma jobadönö atadijetö, wanedö yöbawö: —Ötjö chöba̧ja̧di̧ waisachadöma bakwo̧ ilekwonö emobe ömöledö pjiesta junö tjukwi̧danö kwanö ju̧kwadö. A̧ja̧kwaduwitjö. Bakwo̧ ilekwonö emenama ömöledöma pjiesta junö otiwanö bakobe ko̧ko̧kwö tjukwobe ömöledöso̧kwö, ilekwonö emajo̧kwö. Jau, ömöledöma ilekwonö emajo̧kwö tjo̧'wo̧ ösöwanö tjuju̧kwobe, jo̧bama ina jobadökwö ö̧jayi. Ja̧ mölema tju̧kwa ö̧tö̧chö ju̧kwöködö. Pjiesta junö bakobe ko̧ko̧kwö kwanöda ju̧kwadö ömöledöso̧kwö.


Jau chömöledö, ja̧ baledakwa̧ abönö, ökwödönö yötawajabe kwöwaisaduwobö.


Chöwaisa chömöledö, ö'wö batibakwa̧ma yöneawachibobe ida̧ökö jö̧ba̧lö, Duluwo̧ Jesucristoma ötjönö jejenö i̧sebinobetjö̧.


Jo̧bama ötjö jawa wene yöawobetjö̧ yelösöda usula emawakwo̧. Ja̧ usula emawakwa̧ öwaisachibobö chi̧sebocha jo̧banöma— jö̧ba̧lijetö Duluwo̧ma Ananíasnöma.


Kwekachaduwonö, baikwö yöbawö kwekachaduwo: Mölejȩbe jo̧ Dios la'aka luwo̧ ö̧jakwa̧ mölema yöneawachibobe, jö̧ba̧lö.


Ja̧ tjiwȩyudi̧ma, ökwödö Jesúsnö ösödadötjö ajayinö ji̧nadö Jesús webawedöma tjedina jawa yötjawinobe, ja̧danö ja̧ yötjawi̧ a̧ja̧kwadö tjiwȩyudinobe,


¿Kwomukwataduwökiji̧ chömöledö? Ina ökwödökwö chö̧jayi, ja̧ wene ökwödönö yötawijatö chömöledö.


Swiv nou:

Piblisite


Piblisite