Juan 16:26 - Dios Iwene

²⁶ Ja̧ mölema Dabe'do Diosnöda akebaduwakobe, ötjö chiminö. Ötjöma atebokobe Chabe'donö, ökwödönöma. Ökwödöda akebaduwakobe.

Juan 16:26 Referans Kwoze

Romanos 8:34

Ja̧danö, ¿bakwo̧bi ö̧jobeji̧, ökwödönö, Bidöma Dios lȩebakwawö̧, jö̧ba̧lö yöawakwo̧ma? ¿Cristo Jesúsda jejenö yöawenaji̧? Yöbawö̧kö̧ chömöledö, Cristoda midawö woinobe, ökwödö dö̧jibobö. Ja̧danö, midawö wobajo̧, woawatjö tjeachajinobe. Ja̧danö, tjebachajo̧, babema Abe'do Dios öwaisobekwöchobe jo̧ jo̧bama. Ja̧danö, öwaisobekwöchobe ja̧nö, Bidönö ötjönö ösödadönö lȩkeba, jö̧ba̧lö webo̧ chömöledö.

Juan 17:24

Ina aebinobe: —Chabe'do, bidö ökwö kwiyinawö̧ma, ökwö kwö̧jobe, ötjökwö tjö̧joböma jwiinö chösöda. Ja̧danö, jobetjöma ötjö chotiwi̧ tjedobö chösöda, ajayinö kwiyina chotiwi̧ma— aebinobe—. Ajayinö, böjȩ ina jwiayi ötjö chotiwi̧ kwiyijatö ötjönöma, ötjönö jwiinö ile nikebobetjö̧— aebinobe—.

Juan 17:19

Chabe'do, ötjöma ökwö weköbi̧da a̧ja̧kwö iyawo̧sa, bidö chöba̧ja̧di̧ waisachadöbi isabenö, ökwö weköbi̧ a̧ja̧kwö iyawedö batjibanö tjuju̧kwakobetjö̧— aebinobe Jesúsma Abe'donöma.

Juan 17:9

Ina aebinobe: —Chabe'do, ökwönö atebobe pjakatobö bidö chöba̧ja̧di̧ waisachadönöma. Ju'wedönömaökö, böjȩnö ju̧kwadötjö bidönöda atebobe. Ökwö kwiyinawö̧nöda atebobe, ökwö kwömöledö batjibinobetjö̧.

Juan 16:23

Ja̧ möle yemidanö ötjönö kwedaduwi̧ mölema, ötjönö abebö kwa̧ja̧kwaduwi̧ma jwiakobe. Isabenö yötawa. Dabe'do Diosnö okobe jwiinö ötjö chiminö akebaduwi̧ma a̧ja̧kwö pjaatakwo̧.

Juan 14:16

Ja̧danö, ökwödö ötjönö ösödadönöma, Chabe'donö atebocha jelo̧ Pjabato̧nö weobö, ötjö chȩwa̧jabe okobe balekwo̧nö. Jo̧ba pjabato̧ma ökwödökwö ba̧kwȩlö̧jatebö ö̧jakwo̧.

Juan 14:20

Ja̧ mölema, ötjönö yemidanö edö kwöwaisachibaduwakobe, Jesús, iteda abe'do Diosma bakwo̧da, jö̧ba̧lö. Ja̧danö, kwöwaisachibaduwakobe, Ökwödöbi Jesúskwö bakwo̧ iteba'odanö ja̧dösa, jö̧ba̧lö. Ja̧danö, kwöwaisachibaduwakobe, Jesúsma ökwödökwö, bakwo̧ iteba'odanö jo̧, jö̧ba̧lö.

Juan 16:19

Ja̧danö Jesúsma öwaisinobe jobadö yötja̧lakwawi̧ma. Jo̧kwaobetjö̧ jö̧a̧linobe: —Ökwödöma ötjö yötawaja̧ma kwomukwataduwena ¿tajawedö yöbawo̧, Yöneawacha ötjönö kwedaduwökakwa̧ mölema, jö̧ba̧lö. Ja̧danö, kwomukwataduwena ¿tajawedö yöbawo̧, Ikenama lekwökö yemidanö kwedaduwakobe ötjönöma? jö̧ba̧lö— yöawinobe—.

Juan 16:30

Bajaliyanö döwaisachiba, Ökwöma okobe jwiinö waiso̧ja, ja̧danö, jojodö abebö tja̧ja̧kwi̧ma okobe jwiinö waiso̧ja, jö̧ba̧lö. Wajwiköbi̧ jawa jwiobe yelösöda. Jo̧kwaobetjö̧ yöda̧la, Isabenö ökwöma Dios ö̧jobetjö kwichinobe, jö̧ba̧lö— jö̧tja̧linobe Jesús öba̧ja̧di̧ waisachadöma.