Juan 16:1 - Dios Iwene

¹ Ja̧danö, Jesúsma ina yöawinobe öba̧ja̧di̧ waisachadönö: —Okobe jwiinö biya̧ yötawi̧, ökwödönö inia tjököbaduwinö baledakwa̧ma, ajayinö kwöwaisaduwobö yötawobe. Ja̧ baledakwa̧ abönö yötawobe kwöwaisaduwobetjö̧, ja̧ baledakwa̧ baledenama wajwibö kwö̧jaduwökakobetjö̧. Ja̧danö, ja̧ baledakwa̧ baledena, otiwanö, ötjönö kabatibökönö, kwo̧'wo̧duwi̧ wana̧löda kwö̧jaduwobö yötawobe ökwödönö baledakwa̧ma—yöawinobe—.

Juan 16:1 Referans Kwoze

1 Pedro 2:8

Ja̧danö jelobe baikwö laebobe Dios iwene: Biwa inawama jojodö töbö metjakwawa baibanö ja̧kobe, jö̧ba̧lö laebobe. Jau chömöledö, jobadö Jesúsnö tjöpöjödijayonö, Diosma jo̧banöda ujuninobe inesö la'aka luwo̧ baibanö, ja̧danö jo̧banö öpöjödadöma Dios lȩebakwawö̧ tjö̧jobe. Jau chömöledö, Dios iwene tjöpöjödinobetjö̧, Jesúsnö öpöjödö töbö metjinobe, iteda iwene öpöjödadö töbö metjobö Dios omukwatö ujuninadanö.

Mateo 13:21

Jobadöma ajayinö tjo̧'wo̧ ösöwachibanö tja̧ja̧kwijayonö, okwanö söibokobe a̧ja̧kwadö, ja̧danö lekwema ösödöködö. Wene baibena, ja̧danö usula tjemawenama, juluwanö kabatibadö.

Juan 16:4

Ja̧danö, ja̧ ökwödönö baledakwa̧ yötawobe, ja̧ möle, ökwödönö inia tjököbaduwinö baledi̧ möle ichena, kwomukwataduwobö, Aaa, jejenö Jesús jweinö yöawijatö, jö̧ba̧lö— yöawinobe Jesúsma öba̧ja̧di̧ waisachadönö. Jesúsma ina yöawinobe öba̧ja̧di̧ waisachadönö: —Ajayinö ökwödönö yöbawiachijökötö chi̧'yakobe okobetjö baledakwa̧ma— yöawinobe—.

Mateo 24:10

Ja̧ möle, ba̧jekwadö katjatibakobe, ja̧danö tjömöledönö tjöpöjojodönö iyö lotjakobe, ja̧danö tjömöledönö tjöpöjödakobe.

Romanos 14:21

Kwöwaisaduwena, Aaa, biya̧ itebiya chukwitjö̧ma, biya̧ ubasobu chowitjö̧ma, chöjawo̧nö suli̧ chöwaedena, jö̧ba̧lö. Jejenö kwöwaisaduwitjö̧ma, yelösöda kwukwaduwoko, yelösöda kwowaduwoko, ja̧danö ju'wi jayebi yelösöda ja̧köbaduwoko, kwöjawo̧duwi töbö meapji jö̧ba̧lö.

Mateo 13:57

Jejenö tjöpöjödiökwe, Jesúsma jobadönö yöawinobe: —Okobe deinö jelobetenia jojodöma otiwanö tjomukwatobe Dios yöawi̧ yöbawo̧nö, sule iteda a̧dekwanö itebo jojodöda, ja̧danö yöne ömöledöda jo̧banö otiwanöma omukwatöködö, Dios yöawi̧ yöbawö̧kö̧, jö̧ba̧lö— yöawinobe Jesúsma.

Mateo 11:6

Ja̧danö tupakwö yökawaduwonö Juannö: Aaa, Jesúsma isabenö Dios weinökwe jö̧ba̧lö ötjönö ösödö kabatiböködöma, isabenö tjo̧'wo̧ ösöwanö ja̧dö jö̧ba̧lö— atadinobe Jesúsma.

Juan 15:11

Ja̧ yötawaja̧ma, kwo̧'wo̧duwi̧ ötjö cho̧'wo̧ ösöwanö chö̧ji̧danö jwiinö ösöwanö kwö̧jaduwobö yötawaduwakwö, Ötjökwö dötewinö ja̧duwi, jö̧ba̧lö.

Filipenses 1:10

Jejenö atebobe chömöledö, isabenö otiwi̧ jawa kwösödaduwakobetjö̧. Jo̧kwajabetjö̧, iya̧da möle Cristo yemidanö ichakwa̧ möle badekwachenama, bakwainö sulabe jwiinö, ja̧danö wene jwiinö kwö̧jaduwakobe, ja̧danö Jesucristoma ökwödönö sulabe jwibadö bakibaduwanö ja̧inobetjö̧, otiwanö ja̧bö kwö̧jaduwakobe. Ja̧danö chömöledö, jejenö kwö̧jaduwobetjö̧, Diosnö otiwanö tjomukwatakobe, ja̧danö jo̧banö ösödö yötja̧lakobe chömöledö.