Juan 15:24 - Dios Iwene

²⁴ Ja̧danö, jojodökwö ja̧nö juluwi̧ jawa i̧sebiachijatö, jelo̧ la'akatjöda i̧sebajiökö jawama. Ja̧ chi̧sebi̧ edö, Ayö bitema Dios weinökwe, jö̧ba̧lö, tjösödobö ji̧jayonö tjöpöjödijatö ötjönöbi, Chabe'donöbi. Jo̧kwaobetjö̧, jobadönöma lȩebakwawö̧.

Juan 15:24 Referans Kwoze

Juan 14:9

Jejenö jö̧a̧liökwe: —Felipe ¿ötjönö wajwiköbiji̧?— jö̧a̧linobe Jesúsma Felipenöma—. Ökwödökwö lekwe möle chö̧jijayonö ina kwöwaisachibaduwokobe ötjönöma. ¿Tajawedö yöka̧laduwa, Dabe'donö i̧sebi dedo, jö̧ba̧lö? Yötawaduwakwö. Ötjönö edo̧ma Dabe'do Diosnöbi edobe.

Juan 5:36

Ina yöawinobe: —Ja̧danö, Juan Ojwenö Bu̧dato̧ma ötjönö jweinö yöawijayonö ju'wi jawa Juan yöawi̧nötjö o̧penönö yöawobe ötjönöma, jojodö tjöwaisachibanö i̧sebö. Ötjö Chabe'do ujulunö chi̧sebi̧ jawada yöawobe ötjönöma, Bitema Dios weinökwe, jö̧ba̧lö. Ja̧ chi̧sebi̧ma Chabe'do weinobe, iteda ujulunöda chi̧sebobö.

Juan 10:37

Chabe'do wei̧ chotidökötjö̧ma kwöpöjödaduwotjö.

Juan 10:32

Jejenö ja̧tjökwe: —Ötjöma Dabe'do Dios ujulunö i̧sebö otiwanö pjabatö chotidobe kwedaduwijatö. Ötjö otiwanö chotidinama ¿diya̧ kwöpöjödaduwa, ötjönö kwikwawaduwobö jö̧ka̧laduwi̧ma?— abebö a̧ja̧kwawö̧:

Juan 9:32

Jo̧ba Jesús otidö loina, chöbajale otiwanö baibanö otidö loinama jelo̧ma la'akatjöda otidinokobe jejenöma. La'akatjöda, böjȩ ajayinö ji̧natjö tupakwö baibanö jejenö yötjawi̧, öbajale otiwanö baibanö otidö loinobe, jö̧ba̧lö, yötjawinokobe.

Juan 7:31

Ja̧danö, jojodötjö ju'wedöma tjöpöjödijayonö, ba̧jekwadö Jesúsnö tjösödinobe. Jobadöma ösödö jö̧tja̧linobe: —Bitema Dios ujulu nöinö i̧sebobe dedijatö. Ja̧danö, Dios weinökwe, jojodö tjö̧jibinö pjaatobö weinökwema, jejenö i̧sebo̧ ¿jö̧tö? Jo̧kwaobetjö̧ dedemi biteda Dios weinökwema— ösödö jö̧tja̧linobe.

Juan 3:2

Ja̧danö, jo̧bama Jesús ö̧jobekwö i̧'yinobe, yö̧te ja'ö. Ichibö jö̧a̧linobe Jesúsnö: —Ba̧ja̧dakwawa jojo, döwaisa ökwönöma, Dios weinökweja, jö̧ba̧lö, jojodönö kwöba̧ja̧dobö weinökweja, jö̧ba̧lö, ökwöma— jö̧a̧linobe—. Ökwöma Dios ujulunö i̧sebo̧ja, Diosma ökwökwö pjabatö ö̧jobetjö̧. Jelo̧ Dios weinökökwema, jejenöma i̧sebö̧kö̧, ökwö kwi̧sebi̧danöma— jö̧a̧linobe Nicodemoma.

Mateo 9:33

Jesús o̧'wo̧ luwo̧nö sulabo̧nö a'dewö loaja̧ ikenama, jo̧ba yöba̧lö̧kö̧ma yöa̧linobe. Ja̧danö okobe deinö edadöma tjöbajale jalaka baibanö tjö̧jinobe: —¡La'akatjöda biya̧jaye baledi̧ma ditebo Israel nijitjöma edajidökötö! — jö̧ba̧lö yötja̧linobe.

Deuteronomio 5:9

La'akatjöda o̧'wo jawa bȩbachibö kwösödaduwoböma jwiobe, baikwö yötawa: Ötjödasa Isabenö Jo̧ Diosma, ja̧danö kwösödaduwi̧ a̧'delo̧sa, ötjönöda kwösödaduwo jö̧ba̧lö. Ju'wibi isabenö lȩbebo̧sa, baikwö yötawa: Ötjönö öpöjödadönö isabenö lȩbebo̧sa̧, öpöjödadönöbi, tji̧tji̧munöbi, tjö̧'dödönöbi, tjö̧'dö̧dö tji̧tji̧munöbi lȩbebo̧sa, tja'dödö ötjönö tjöpöjödobetjö̧.

Santiago 4:4

Chö̧ja̧wo̧dö, kwo̧'wo̧ luwo̧duwi jawa omukwatökönö böjȩ jawa kwösödaduwi̧da omukwatö kwöwanekwachaduwobe bakwuju jilekwenö omukwatökönö, jelo̧nö alewujudanö. Diosnö dösöda, jö̧ba̧lö, yöka̧laduwijayonö böjȩ jawabi jwiinö kwösödaduwobe. ¿Kwöwaisaduwököji̧? Bakwo̧ böjȩ jawa, Dios öpöjödi̧ jawa ösödo̧ma Diosnöbi ösödö̧kö̧ ¿jö̧tö? Böjȩ jawa ösödo̧ma Dios öpöjojo babibo̧ chö̧ja̧wo̧dö.

2 Timoteo 3:4

Ja̧danö, tjömöledönö iyö lotjakobe tjöpöjojodönö, ja̧danö baledakwa̧ omukwatökönö idöda tjösödi̧da juluwanö ja̧tjakobe, ja̧danö nöinö mikwawadösa jö̧ba̧lö omukwatö tjö̧jakobe, ja̧danö Diosnö ösödökönö, jwaikwöda tjo̧'wo̧ ösöwachibobö ji̧ jawada tjösödakobe.

Romanos 1:30

ju'wedönöma sulabenö omöna yöba̧ladö. Jobadöma Diosnö jwiinö öpöjödadö. Ja̧danö, ju'wedönö sulabenö yöba̧ladö, Ökwöma mikwawö̧kö̧ja, jö̧ba̧lö. Ja̧danö, Ötjöma juluwo̧sa, jö̧ba̧lö omukwatadö, ju'wedönöbi tjujulu i̧sebö yöbawadö, Ötjönö juluwo̧nö edi, jö̧ba̧lö. Ja̧danö, jemi tupakwö suli̧ tjöwaedotö jö̧ba̧lö omukwatadö, ja̧danö tjabe'donöbi, tjojo'donöbi a̧ja̧kwöködö.

Hechos 10:38

Ja̧danö, kwöwaisaduwa Diosma webijetö iteda O̧'wo̧ Luwo̧nö Jesús, Nazaretnö da̧peachinakwö ö̧jobö. Ujulubi iyijetö Diosma Jesúsnöma. Ja̧danö, Diosma Jesúskwö ö̧jobetjö̧, Jesúsma okobe jwiinö i̧'yobema otiwanö pjabatö 'yi̧jetö. Otiwanö otidiabijetö okobe deinö Awetja sulabenö ja̧inawö̧nöma, Diosma jo̧bakwö ö̧jobetjö̧.

Hechos 2:22

Ina yöbawijetö Pedroma: —Chömöledö israel jojodö, ötjö yötawi̧ma a̧ja̧kwaduwi. Jesús Nazaretnö da̧peachinama Dios ujulu i̧sebiaijatö ökwödö kwö'da̧deduwitjö— jö̧ba̧lijetö—. Jo̧bama jojodö la'akatjöda edajitjökö jawa i̧sebiaijatö. Jejenö i̧sebinama Diosma ökwödönö jweinö i̧sebijatö, Bite Jesús Dios ujulunö i̧sebo̧, jö̧ba̧lö— yöbawijetö Pedroma.

Juan 12:45

Ja̧danö, ötjönö edadöma, sule ötjönödama edöködö, ötjönö webinanöbi edadö—yöawinobe Jesúsma, ötjö, Chabe'do Dios, bakwo̧dabedösa, jö̧ba̧lö.

Juan 6:36

Ina yöawinobe Jesúsma kwakwawa iyinawö̧nöma: —Ja̧danö, ötjönö ichibadöma a̧wi̧chi̧ tjöbö, ojwiyo o̧ti̧ tjöbö tjuju̧kwökakwedö, jö̧ba̧lö, yötawijayonö ökwödöma kwösödaduwokobe ötjönö, Bitemaökö Dios weinökwema, jö̧ba̧lö. Ida̧ökö yötawatö ökwödönöma, Ötjönö kwedaduwijayonö kwösödaduwokobe, jö̧ba̧lö.

Lucas 24:19

Yöa̧liökwe: —¿Diya̧ jawa? Yöbawitjö— jö̧ba̧lö atadinobe Jesúsma. Abebö a̧ja̧kwawö̧ yötjawinobe: —Jesús Nazaret jojonö baledina yöda̧lakwawobe. Jo̧ba Jesúsma Dios yöawi̧ yöbawo̧ juluwo̧ ö̧jinobe. Yöbawöbi otiwanö ujulunö yöawinobe, ja̧danö jojodö edajitjökö juluwi̧ jawabi i̧sebinobe. Isabenö Diosbi edemi, ja̧danö jojodöbi tjedemi jo̧ba Jesúsma Dios yöawi̧ yöbawo̧ juluwo̧inobe.

Marcos 2:12

Jejenö weökwe, 'wabo̧ma omönanö a̧laibö, wa̧kwawapjo emibö ȩwa̧jijetö, jojodö tjeda̧lonö. Jojodöma jo̧ba ȩwa̧jobe edö omukwatijadötö, ¡Ayö! La'akatjöda ja̧jayema edajidökötö, jö̧ba̧lö. Ja̧danö, jobadö Jesús otidö loi̧ edajadöma Diosnö otiwanö omukwatö ösödijadötö, Ja̧ma Diosda ja̧ajabe, jö̧ba̧lö.

Mateo 21:32

Jau, Juanma ökwödönö ja̧kwawa jawa mana i̧sebö yöawinajayonö, jo̧ba yöawi̧ öpöjödinadöja, jo̧kwaijayonö jobadö sulabedö impuesto ötjabi̧ balada emadöbi, putabedöbi Juan yöawi̧ tjösödinobe. Ja̧danö, jobadö Juan yöawi̧ tjösödi̧ kwedinaduwijayonö, sulabenö kwomukwati̧ kabatiböma kwöbalewachinaduwokobe, ina jo̧ba yöawi̧ kwösödinaduwokobe. Jo̧kwajabetjö̧, jobadö sulabedö Dios la'aka luwo̧ ö̧jakwa̧ tetjachijayonö, jobema tebachöködöja— jö̧ba̧lö yöawinobe Jesúsma, ö'weje pjabatadönöbi, Moisés iwȩyudina ba̧ja̧dadönöbi.

Mateo 11:5

tjöbajale tjewawinadöma babema edadö, ja̧danö kwebachinöködöma babema kwebachadö, ja̧danö tji̧sȩdo̧ sulinadöma, babema tji̧sȩdo̧ otiwadö, ja̧danö a̧ja̧kwinöködöma babema a̧ja̧kwadö, ja̧danö ö'wö babibajadöma yemidanö 'yabibajadö, ja̧danö usula jojodöma otiwa jawa wene yöawakwawa a̧ja̧kwadö jö̧ba̧lö Juannö yökawaduwo, ja̧ baledi̧ a̧ja̧kwö ötjönö öwaisakobetjö̧.

Proverbios 8:36

Jo̧kwaijayonö jelobekwö omukwatö 'yo̧ma, ötjönö öpöjödö itedada söbekwö loakwo̧. Isabenö, ötjönö öpöjödo̧ma woawa ösödöda jo̧— jobekwö yöbawuju isudada jweinö omukwatö ja̧kwawa wanekwachujuma.

Éxodo 20:5

Ja̧jaye otikwa tjöba a'otjö kwöbaduwi bȩbachibö nijakwö kwuuduwinö kwösödaduwoko ötjöda Isabenö Jo̧chobetjö̧, Kwösödaduwökwe Dioschobetjö̧. Ile nibebo̧sa ökwödönöma, Ötjönöda kwösödaduwo, jö̧ba̧lö. Isabenö, o̧'wo jawa ösödadönöma lȩtebakwo̧sa, ja̧danö jobadönödamaö̧kö̧, ba̧kwȩlö̧jatebö̧ lȩtebakwo̧sa jobadötjö tupadanö jojodönöbi. Jao, ötjönö öpöjödö o̧'wo jawa ösödadö tji̧tji̧munöbi, tjö̧'dö̧dönöbi, ja̧danö tjö̧'dö̧dö tji̧tji̧munöbi, ja̧danö tupakwö, tjö̧'dö̧dö tjö̧'dö̧dönöbi lȩtebakwo̧sa.

Juan 12:10

Ja̧danö, Jesúsma Lázaro yemidanö 'yaibajinö ja̧inobetjö̧ ba̧jekwadö judío jojodöma tjösödinobe Jesúsnöma, Bitema Dios weinökwe, jö̧ba̧lö. Jejenö ba̧jekwadö judío jojodö Jesúsnö tjösödiawö̧ Diostjö jojodötjö ö'weje pjabatadötjö la'aka luwedöma tjomukwatinobe, Lázaronöma kwabö lodonö, jö̧ba̧lö.

Juan 9:41

—Ökwödöma jweinö kwomukwataduwitjö̧ma, Wajwibadösa, tjöbajale tjewawawö̧danöbedösa, jö̧ba̧lö, wene kwujuna̧laduwökena Dios öba a'otjö. Jo̧kwaijayonö ökwödöma, Waisadösa, tjöbajale tjewawawö̧danöböködösa, jö̧ba̧lö, kwomukwataduwobetjö̧ Dios öba a'otjö wene juna̧ladöja— yöawinobe Jesúsma fariseo jojodönöma.

Juan 15:21

Jau, ökwödöma ötjö chömöledököbaduwobetjö̧ ötjönö öpöjödadöma inia tjököbaduwinö ja̧tjakwedö ökwödönöma. Ja̧danö, jobadöma, ötjönö webinanö wajwitjobetjö̧ inia tjököbaduwinö ja̧tjakwedö— Jesúsma yöawinobe öba̧ja̧di̧ waisachadönöma.

Juan 15:22

Ina yöawinobe: —Jobadö sulabenö ja̧tji̧ma öwawinö i̧sebö yötawijatö, tjöwaisachibinö. Chichinökötjö̧ma tjöwaisachibokotjinena. Ja̧danö, chichinökötjö̧ma jojodönö lȩeboböma jwiena, sulabenö ja̧tji̧ chi̧sebokobetjö̧. Jo̧kwaijayonö sulabenö ja̧tji̧ i̧sebö yötawi̧ tja̧ja̧kwinobetjö̧ tjuju̧kwawoböma jwiobe. Bakwo̧, Ötjöma otiwanö ja̧bo̧sa, Dios lȩebakwa̧ baledökakwo̧sa, jö̧a̧loböma yelösöda jwiobe, jojodö sulabenö ja̧tji̧ i̧sebö yötawinobetjö̧— yöawinobe Jesúsma—.

Juan 15:23

Ja̧danö, ötjönö öpöjödadöma ötjö Chabe'donöbi öpöjödadö.

Juan 16:9

Ja̧danö, Dios O̧'wo̧ Luwo̧ma, öwaitjöda jojodö tjo̧'wo̧ luwo̧nö i̧sebakobe, Jesúsnö kwösödaduwokobetjö̧ ökwödöma sulabe juna̧ladöja, jö̧ba̧lö. Ja̧danö, Sulabe juna̧ladököbaduwobetjö̧ Dios lȩebi̧tjö baledakwawö̧ja, jö̧ba̧lö, i̧sebakobe.