Juan 14:5 - Dios Iwene

⁵ Tomás jö̧a̧linobe: —Chuluwo̧ ¿dakwö yöka̧la, Chi̧'yakwemi 'ya̧kwawama kwöwaisaduwobe, jö̧ba̧lö? Wajwibadösa. Jobekwö 'ya̧kwawa döwaisoböma jwiobe— jö̧a̧liökwe:

Juan 14:5 Referans Kwoze

Juan 11:16

Jemi ikena Tomás, Morocho ötjabökwema jö̧a̧linobe ju'wedö Jesús öba̧ja̧di̧ waisachadönö, a̧li̧nösamutjö bakwo̧nö: —Jesúskwö di̧'yaduwo jo̧bakwöda debö di̧'yakobetjö̧— jö̧a̧linobe.

Marcos 9:19

Jejenö jö̧a̧lökwe Jesúsma okobe deinö jö̧ba̧lijetö: —Ökwödö babe möle ju̧kwadöma isabenö ötjönö kwo̧'wo̧duwi wana̧löködöja. ¿Dokwa lekwe ja̧nö yemidanö, yemidanö yötawakwa̧jö kwo̧'wo̧duwi kwöwana̧laduwenanö baibanöma? Ökwödökwö lekwe chö̧jijayonö ina tjölakiyu a̧ja̧kwöködödanö ichejekwadöja. ¿Dokwa lekwe ja̧nö yötawakwa̧jö kwöwaisachibaduwenanö baibanöma?—jö̧ba̧lijetö— Tjemunö ichejebaduwitjö— webijetö Jesúsma.

Juan 15:12

Ja̧danö, ökwödönö wetaduwakwö. Ötjö ökwödönö ile nitebi̧danö kwömöledöduwinö ile nibekwö kwö̧jaduwo.

Lucas 24:25

Yötjawiökwe, Jesúsma jobadönö yöa̧linobe: —Chömöledö, isabenö wajwibö omukwatadöja, ja̧danö ökwödönö waiyobe okobe jwiinö Dios yöawi̧ yöbawinadö tjiwȩyudina kwösödaduwobö.

Mateo 10:3

Ja̧danö Felipebi, Bartolomébi, Tomásbi, Mateo, la'aka luwo̧ itea balada emö otido̧bi. Ja̧danö Alfeo itji̧ Jacobobi, Tadeobi.

Juan 14:4

Ja̧danö chömöledö, chi̧'yakwemi 'ya̧kwawama kwöwaisaduwobe— yöawinobe Jesúsma. Jejenö yöawiökwe,

Juan 16:5

Jo̧kwaijayonö, babema ötjönö webina ö̧jobekwö chȩwa̧jakwa̧ yöneawachobetjö̧ ja̧ baledakwa̧ yötawa. Ja̧danö, ötjönö webina ö̧jobekwö chȩwa̧jocha, jö̧ba̧lö, jö̧ta̧lena, ökwödötjö bakwo̧bi deobe ötjönö abebö a̧ja̧kwo̧ma, ¿Daikwö kwȩwa̧jakwa̧da? jö̧ba̧lö.