Juan 14:30 - Dios Iwene

³⁰ Tjo̧wi̧, babema yötawökö nöinöma. Ida̧ökö böjȩ la'aka luwo̧ Awetja weajawö̧ ötjönö do̧batö tjicha. Jo̧kwaijayonö jo̧ba Awetjama ötjönöma juluwö̧kö̧.

Juan 14:30 Referans Kwoze

1 Juan 5:19

Ja̧danö chö̧ja̧wo̧dö döwaisa, Ökwödöma Dios i̧tji̧mu babibinadösa, jö̧ba̧lö. Ja̧danö, böjȩnö ju̧kwadö Jesúsnö öpöjödadöma Dios i̧tji̧muböködö. Jobadöma sulabo̧ Awetja sulabenö ja̧tjobö öibawö̧, jo̧ba i̧tji̧mubedö.

1 Juan 4:4

Chi̧tji̧mu, isabenö ökwödöma Dios i̧tji̧mubedöja. Ja̧danö, ökwödökwö dötewinö jo̧ma Diosda. Ja̧danö, Diosma jwiinö juluwo̧. Böjȩnö ju̧kwadötjö Diosnö öpöjödadö tjuluwo̧ Awetjatjö o̧penönö juluwo̧ Diosma. Chi̧tji̧mu, Diosma ökwödönö pjaatobetjö̧ omöna yöbawadö yötjawi̧ma kwöpöjödinaduwobe, Jweinö yöbawöködö, jö̧ba̧lö. Jejenö kwöpöjödaduwobetjö̧ jobadönö kwujuluwinaduwobe.

Apocalipsis 12:9

Ikenama nöbo̧ toba'dadanöso̧nöma mölejȩbetjö böjȩkwö labinö jabö lotjobe chedijatö. Jo̧bama damötjö, a̧ko'da ji̧na, Awetja mikwo̧, böjȩnö ju̧kwadönö okobe deinö omöna yöba̧lo̧, jö̧ba̧lö, ötjabökwe. Ja̧danö, iteda ömöayedö, sulabedö ángelesdönöbi labinö jabö lotjinawö̧, mölejȩbetjö böjȩkwö.

Juan 12:31

Ida̧ökö Dios yöawi̧ möle badekwacha, jojodönö edö, otiwanö tjö̧jinojobö, sulabenö tjö̧jinojobö yöawi̧ mölema. Ja̧danö, Diosma, ujulu i̧sebö, böjȩnö ju̧kwadönö tjuluwo̧nö söbebö loi̧ möle badekwacha— yöawinobe Jesúsma—.

Efesios 6:12

Chömöledö, ökwödönö tjujuluwo jö̧ba̧ladöma böjȩ jojodöböködö. Awetja ömöayedötjö la'aka luwedö, mölejȩbe ju̧kwadö öwawöködö. Jobadöma ba̧jekwadö. Yelösöda juluwadö. Jojodö, böjȩtjö yȩa'wo okwa kwebachadö tjuluwedö.

1 Pedro 2:22

Jo̧bama usula emawijayonö la'akatjöda sulabenö ja̧inokobe, ja̧danö la'akatjöda omöna yöa̧linokobe.

Efesios 2:2

Jejenö ja̧böda ju̧kwiaköbinaduwobe ökwödöma, Diosnö wajwibadö sulabenö ja̧tji̧danö ja̧bö. Ja̧danö, Awetja ösödi̧da ja̧bö ju̧kwiaköbinaduwobe. Jo̧bama iteda ömöayedönö, öwawöködönö webo̧. Ja̧danö, babema böjȩnö ju̧kwadönöbi webo̧, Dios wei̧ öpöjödadönö.

2 Corintios 4:4

Jau chömöledö, yödawi̧ma isabenö öwawinö yödawobe, jo̧kwaijayonö öpöjödadöma böjȩ jojodö tjösödökwe Awetja omöna yöa̧li̧ tjösödobetjö̧ yödawi̧ tjöpöjödobe chömöledö. Jau chömöledö, wanedö yötawa: Awetjama jobadönö ja̧obe, tjomukwati̧nö yȩa'wo okwa tjö̧ji̧danö tjomukwatobö, otiwa jawa wene dejati̧ tjedapji jö̧ba̧lö. Jau chömöledö, Duluwo̧ Cristoma iteda Abe'do Diosdanö bakwainö jo̧, ja̧danö jojodönö salöinö idejatobö ösödo̧, jo̧banö ösödö tjö̧jibakobetjö̧. Jo̧ba salöinö idejati̧ wene otiwa jawa weneda yödawobe jojodönö chömöledö, jo̧kwaijayonö ja̧ salöinö dejati̧ tjedapji jö̧ba̧lö, Awetjama öpöjödadönö omöna yöa̧lobe.

Hebreos 4:15

Ja̧danö Jesús, Diostjö jojodötjö ö'weje la'aka pjabato̧ baibanö jo̧ma, jojodö tjime'dawi̧ baledi̧ma waiso̧. Ja̧danö jo̧banöbi, böjȩnö ö̧jena ime'dawinö baledijayonö la'akatjöda sulabenö ja̧inokobe. Chömöledö, Jesúsma jojodö tjime'dawi̧ma öwaisobetjö̧ ökwödönö pjaatobö waiso̧. Jejenö Jesúsda ökwödönö lȩlö̧jino edö Diostjö jojodötjö ö'weje la'aka pjabato̧ baibanö jo̧ma.

Lucas 22:53

Mölekwena Dios ejutjö ökwödö kwö'da̧de ba̧nö jojodönö chöba̧ja̧dijatö, isabenö sulabo̧chitjö̧ma, jobetjö möle jojodö tjedonö do̧kataduwobö ji̧nena. Jo̧kwaijayonö inesö sulabo̧ yȩa'wo okwa jo̧ ömöayedöja, ja̧danö kwuluwo̧ omukwati̧danö omukwatö, yö̧te yȩa'wo okwada sulabenö ötjönö do̧kataduwobö omukwatadöja— jö̧ba̧lö yöa̧linobe Jesúsma.

Colosenses 1:13

Jo̧ba Diosma yȩa'wotjö, Awetja ujulutjö dö̧jibanö ja̧inobe, ja̧danö iteda ösödökwe Itji̧ la'aka luwo̧ ö̧jobe dichibanö ja̧inobe.

Hebreos 7:26

Jo̧kwaobetjö̧ chömöledö, Jesúsda Dios 'da̧batö ujuninökwema Diostjö jojodötjö la'aka pjabato̧ baibanö, ökwödö jojodönö pjaatobö. Ja̧danö, jo̧bama la'akatjöda jojodönö o̧'wo̧ sulinö edö̧kö̧. Ja̧danö chömöledö, jo̧bama la'akatjöda taba̧lö̧ji̧ jawa ja̧bö̧kö̧. Ja̧danö, jo̧bama sulabedökwö pjabacha̧löma jö̧kö̧. Ja̧danö chömöledö, jo̧bama Dios öwaisachobekwöchobe ö̧bemi, inesö la'aka luwo̧ ö̧bena bo̧, mölejȩbe.

2 Corintios 5:21

Jau chömöledö, otiwa jawa wenema baikwö laebobe: Cristoma la'akatjöda sulabenö ja̧inököjayonö, Diosma weinobe, ökwödö sulabenö ja̧di̧ma Cristonö baibobö, jo̧bada midawö woobö. Jejenö weinobe chömöledö, ökwödöma Cristokwö dötewanö ja̧nö, Cristonötjö Dios sulabe jwii̧ ökwödöbi dujuna̧lakobetjö̧.

Hechos 1:3

Ja̧danö, Jesúsma, usula emawö wobajo̧ yemidanö tjebachajo̧ma öwawachibijetö iteda öba̧ja̧di̧ waisachadönö, iteda yöawi̧ yötjawobö weawö̧nöma. Tjöwaisachibobö, ¡Edaduwi, Duluwo̧ yemidanö tjeachajinobe, ina 'yaba̧lo̧!, jö̧ba̧lö öwawachibijetö jobadönöma. Yemidanö tjeachajina tupakwöbi, cuarenta möle jenanö Jesúsma öwawacha̧liabijetö jobadönöma. Öwawachajawö̧nö Jesúsma Dios jawa yöbawijetö, Dios La'aka Luwo̧ ö̧jena wenema.

Lucas 1:35

Ajebiökwe ángelma atadinobe: —Dios O̧'wo̧ Luwo̧ma ökwönö ichakobe, ja̧danö okobe jwiinö juluwo̧ Dios ujuluma ökwönö ja̧kobe. Jo̧kwajabetjö̧ kwitji̧ma isabenö suli̧ jwibö ö̧jakobe, ja̧danö jo̧banö Dios Itji̧ jö̧ba̧lö ötjabikobe.

1 Pedro 1:19

inesö mikwawi̧ jawanö, obeja sulabe jwibo̧danöbo̧ Cristo ökwösobunöda ökwödönö midö eminobe.

1 Juan 5:18

Chö̧ja̧wo̧dö döwaisa. Dios i̧tji̧mu babibinadöma suli̧ jawa ja̧bö 'yö̧ködö. Ja̧danö, Dios Itji̧ Jesúsma jobadö Dios i̧tji̧mu babibinadönö Awetjatjö tjöbeba̧lö te'ada̧lo̧, Awetjama jobadönö jelobekwö tjomukwatobö öibökönö.