Juan 14:24 - Dios Iwene

²⁴ Ötjönö öpöjödadöma ötjö yötawi̧ a̧ja̧kwö ja̧böködö. Ja̧danö, ötjö yötawi̧ma ötjö chomukwati̧maökö, Chabe'do, ötjönö webina omukwati̧da.

Juan 14:24 Referans Kwoze

Juan 7:16

—Ötjö yötawi̧ma ötjö chomukwati̧maökö. Ötjönö webo̧ omukwati̧da yötawobe, Dios omukwati̧ma— yöawinobe Jesúsma—.

Juan 14:10

Felipe ¿wajwiköbiji̧? Dabe'do Diosbi, ötjöbi bakwo̧dabo̧sa. Ötjö yötawi̧ma ötjöda chomukwati̧ma yötawokobe. Dabe'do Dios yöawi̧da yöbawo̧sa. Bakwo̧dadobetjö̧ ötjö otidi̧ma Dabe'do Diosda otidobe, iteda ösödi̧ma—yöawinobe Jesúsma—.

Juan 8:42

—Dios ökwödö kwabe'doduwi ö̧jitjö̧ma, ötjönö kwösödaduwena, jo̧ba ö̧jobetjö böjȩkwö ichino̧chobetjö̧. Jo̧ba wei̧da a̧ja̧kwö chichijatö böjȩkwö. Ötjömaö̧kö̧, Jojodö tjujukwobekwö chi̧'yobö jö̧ta̧la, jö̧ba̧lö, omukwatinökösa. Jejenömaökö. Chabe'do Diosda weinökwesa ötjöma— Jesús yöawinobe.

Juan 5:19

Ja̧danö, Jesúsma yöawinobe jobadö judío la'aka luwedönö: —Isabenö yötawa. Ötjödada chomukwati̧ otidö̧kö̧sa. Ötjöma Chabe'do otidi̧ edö, bakwainö otido̧sa ötjöma— yöawinobe—.

Juan 3:34

Ja̧danö, Dios weinökwema Dios iweneda yöbawo̧. Ja̧danö, Diosma iyijetö weinökwenö iteda O̧'wo̧ Luwo̧nöma, jo̧ba ujulu okobe jwiinö iyö.

Juan 14:15

Ina yöawinobe: —Ötjönö ile nikebaduwitjö̧ma ötjö weti̧ kwa̧ja̧kwaduwena.

Juan 5:38

Chabe'do iwene ökwödö kwo̧'wo̧ luwo̧duwi okwanö jwiköbaduwobe. Ja̧danö, jo̧ba iwene kwo̧'wo̧ luwo̧duwi okwanö jweinö kwomukwataduwitjö̧ma, ötjönö, Chabe'do Dios weinökwenö kwösödaduwena— yöawinobe Jesúsma.

Juan 8:38

Ja̧danö, ötjö yötawi̧ma Chabe'do ötjönö i̧sebinama. Ja̧danö, ökwödö ja̧köbaduwi̧ma ökwödö kwabe'doduwi wei̧ a̧ja̧kwö, ötjönö kwabö loköbaduwoböma isakwaduwadöja— yöawinobe Jesúsma, jobadöma Abraham i̧tji̧mudanö jö̧ködö, jelo̧, Awetja i̧tji̧mudanö ja̧dö, jö̧ba̧lö.

Juan 8:26

Ja̧danö, ökwödö kwusuladuwi̧ edö lȩekwa wene yötawobö ji̧jayonö babema jejenöma yötawokobe. Babema ötjönö webinanöda, jo̧ba yöawi̧da yötawobe böjȩ jojodönö. Jo̧ba webinama isabenö jo̧— jö̧a̧linobe Jesúsma.

Juan 8:28

Jo̧kwaobetjö̧ Jesúsma yöawinobe jobadönöma: —Ju'winö kwöwaisachibaduwakobe. Ju'winö, ötjö, jojo babibinanö towisa'onö bȩbö kwujunaja̧duwa ikena kwöwaisachibaduwakobe, Itema Dios weinökwe, jö̧ba̧lö. Kwöwaisachibaduwakobe ötjöda yötawi̧ma yöbawö̧kö̧sa, Chabe'do Dios ötjönö öba̧ja̧di̧da yöbawo̧sa. Kwöwaisachibaduwakobe— yöawinobe—.

Juan 7:28

Ja̧danö Jesús, Dios eju okwa ja̧nö, jojodö tjomukwati̧ waisö labinö yöawinobe: —Isabenö ¿ötjönö kwöwaisaduwiji̧? Ötjö chitebo kwöwaisaduwiji̧, ötjö chichinemima?— abebö a̧ja̧kwinobe—. Ötjö chomukwati̧da ja̧tobö chichinokobe baima. Ötjöma Dios, isabenö jo̧ weinökwesa. Chedemi ökwödöma jo̧banö wajwiköbaduwobe— yöawinobe—.

Mateo 19:21

Aebökwe Jesúsma jo̧banö yöa̧linobe: —Bakwainö otiwanö bakibobö jö̧ka̧litjö̧ma, okobe jwiinö kwujuna̧li̧ iyö lobö, jwibadönö ja̧ balada kwiyo, mölejȩbetjö nöinö mikwawi̧ jawa mölejȩbetjö kwujuna̧lakobetjö̧. Ikenama, jejenö iyö lobajo̧, chökömanö kwicho chöba̧ja̧di̧ waisacho̧ baibanö— jö̧ba̧lö yöawinobe.

Juan 3:11

Isabenö yötawa ökwönö. Ökwödöma isabenö döwaisi̧da yöbawadösa. Yödawi̧ jawama isabenö dedijatö. Jo̧kwaijayonö ökwödöma kwöpöjödaduwobe yödawi̧ma.

Juan 14:25

Ina ökwödökwö chö̧jayi jejenö yötawobe.