Juan 14:1 - Dios Iwene

¹ Ikenama Jesúsma yöawinobe jobadönö: —Kwo̧'wo̧duwi tjo̧kekwaduwa. Diosnöbi ötjönöbi kwo̧'wo̧duwi wana̧lö ja̧duwi— yöawinobe Jesúsma—.

Juan 14:1 Referans Kwoze

Isaías 26:3

Ökwönö omukwatö jo̧nö, otiwanö teada̧lo̧ja duluwo Dios. Ökwönö o̧'wo wa̧na̧lö ösödö ö̧jobetjö̧, bakwainö wene jwiinö ö̧jobö pjabato̧ja.

Juan 12:44

Ikenama Jesúsma yemidanö labinö yöawinobe jojodönöma: —Ötjönö ösödadöma, Bitema Dios weinökwe, jö̧ba̧lö, sule ötjönödama ösödöködö. Ötjönö webinanöbi ösödadö.

Juan 6:40

Ja̧danö ötjö, Dios Itji̧nö tjöwaisachibanö ösödadöma ba̧kwȩlö̧jatebö tjuju̧kwobö ösödobe Chabe'doma. Ja̧danö, 'dö̧ibaji̧ möle badekwachena yemidanö tjetjachajinö chotidobö ösödobe ötjönö webo̧, Chabe'doma—Jesús yöawinobe.

1 Pedro 1:21

Ja̧danö, Cristo ökwödönö pjaatinobetjö̧, Diosnö ösödadöja chömöledö. Jau chömöledö, Diosda Cristonö wobajaletjö tjeachajinö ja̧binama, ja̧danö jo̧banö dejatinö ujulu iyinama, jo̧kwajabetjö̧ Cristonö kwösödaduwenama, Dios yöawi̧ ösödadöja, ja̧danö Diosnö kwo̧'wo̧ wana̧ladöja. Jau chömöledö, Dabe'do Diosma isabenö otiwanö pjaatinobe sulabetjö dö̧jibobö, jo̧kwajabetjö̧ ja̧ pjaatina omukwatö sulabenö ja̧bökönö dö̧jobö jo̧be.

Juan 13:19

Jejenö jo̧ba iyö loakwa̧ abönö yötawaduwakwö, jejenö baledena kwöwaisachibaduwobö, Isabenö Jesúsda Dios weinökwe, jojodö tjö̧jibinö pjaatobö weinökwema, jö̧ba̧lö.

Efesios 1:15

Chömöledö, Duluwo̧ Jesúsnö kwösödaduwi̧bi, ju'wedö Dios ömöledö babibinadökwö ösödabikwawö kwö̧jaduwi̧bi yötjawi̧ cha̧ja̧kwinobetjö̧ ba̧kwȩlö̧jatebö Diosnö ösödö yöta̧lobe, Chabe'do otiwanö pjakatinobe, jö̧ba̧lö. Ja̧danö, Diosnö atebena ba̧kwȩlö̧jatebö ökwödönö pjaatobö atebobe.

Juan 12:27

Ina yöawinobe: —¡Ayö, cho̧'wo̧ tjo̧tekwa!— yöawinobe—. ¿Dakwö atebenada Chabe'donöma? Chabe'do babema pjabatitjö usula chemawinö baledökönö, jö̧ba̧lö, ¿atebenaji̧? Jejenömaökö. Biya̧ usula chemawobö chichijatö böjȩkwö— yöawinobe Jesúsma.

2 Tesalonicenses 2:2

Ju'wedö, Aaa, Duluwo̧ ichi̧ möle ida̧ökö badekwachajabe, jö̧ba̧lö yötjawenama, wajwibö kwomukwataduwa, ja̧danö kwo̧'wo̧ tjo̧kekwaduwa chömöledö. Jejenö yötjawitjö̧böbi, Aaa, Dios O̧'wo̧ Luwo̧ma jejenö i̧sebajabe, jö̧ba̧lö yötjawitjö̧böbi, Aaa, Pabloma jejenö yöbawö iwȩyudajabe, jö̧ba̧lö yötjawitjö̧böbi, yötjawi̧ma kwösödaduwa chömöledö.

2 Corintios 2:7

Babe yemidanö jo̧banö kwösödaduwo, sulabenö ja̧ina omukwatökönö, ja̧danö o̧'wo̧ tjo̧achaja̧ ösödachibanö pjakataduwonö, nöinö o̧'wo̧ tjo̧achapji jö̧ba̧lö.

Juan 11:33

Jesúsma Maríabi, Maríakwö ichajadö judío jojodöbi tjubudekwabobe edinö jwiinö o̧'wo̧ tjo̧ekwinobe.

Juan 5:23

Ja̧danö, jejenö kabebö öwanijatö ötjönö, jojodöma Chabe'do Diosnö otiwanö edö tjomukwati̧danö, bakwainö ötjönöbi tjomukwatobö, iteda itji̧nöma. Bakwo̧, ötjönö, Dios Itji̧nö otiwanö omukwatö̧kö̧ma, Diosnöbi otiwanö omukwatö̧kö̧, ötjönö webinanö, iteda itji̧nö webinanöma— yöawinobe Jesúsma judío la'aka luwedönö.

Juan 16:3

Jobadöma Dabe'do Diosnöbi, ötjönöbi wajwitjobetjö̧ jejenö inia tjököbaduwinö ja̧tjakobe.

Juan 16:6

Ökwödöma kwo̧'wo̧duwi jwiinö tjo̧bekwöda kwö̧jaduwobe, Chȩwa̧jocha, jö̧ba̧lö, yötawiawö̧.

Juan 16:24

Ina la'akatjöda ötjö chiminö akebaduwinokobe. Yötawaduwakwö. Ötjö chiminö akebaduwitjö̧ma Diosma a̧ja̧kwö pjaatakwo̧, kwo̧'wo̧duwi jwiinö ösöwanö kwö̧jaduwobö— yöawinobe Jesúsma öba̧ja̧di̧ waisachadönöma.