Juan 13:36 - Dios Iwene

³⁶ Jesús yöawi̧, Chi̧'yakobema kwi̧'yaduwokobe, jö̧ba̧lö, yöawiökwe Simón Pedro: —Chuluwo̧ ¿kwi̧'yakobema daida?— Jesúsnö abebö a̧ja̧kwiökwe: —Babema chökömanö kwi̧'yoböma jwiobe. Jo̧kwaijayonö ju'winö kwichakobe— yöawiökwe:

Juan 13:36 Referans Kwoze

2 Pedro 1:14

Chöwaisa chömöledö, ö'wö batibakwa̧ma yöneawachibobe ida̧ökö jö̧ba̧lö, Duluwo̧ Jesucristoma ötjönö jejenö i̧sebinobetjö̧.

Juan 13:33

Ina yöawinobe: —Chösödawö̧, ökwödökwö chö̧ji̧ma lekwökö. Chȩwa̧jocha. Chȩwa̧jabe okobema ötjönöma isakwö kwöbadekwajaduwökakobe. Belö yötawijatö la'aka luwedönö, Ötjö chi̧'yakwa̧ma kwi̧'yaduwoböma jwiobe, jö̧ba̧lö. Jejenö yötawa ökwödönöbi. Kwi̧'yaduwokobe chȩwa̧jobema.

Juan 16:17

Ikenama öba̧ja̧di̧ waisachadötjö ju'wedöma yötja̧lakwawinobe, idödada: —¿Tajawedö yöbawo̧, Yöneawacha ötjönö kwedaduwökakwa̧ mölema, jö̧ba̧lö? Ja̧danö, ikenama lekwökö yemidanö kwedaduwakobe ötjönöma, jö̧ba̧lö, ¿tajawedö yöbawo̧da? ¿Tajawedö yöbawo̧, Chabe'do ö̧jobekwö chȩwa̧jocha, jö̧ba̧löma?— yötja̧lakwawinobe.

Juan 14:2

Chabe'do ö̧jobema jojodö tjuju̧kwakwemima nöinö jo̧be. O̧di̧ju nöobe, jojodö tjö̧jakwemima. Jejenöökötjö̧ma yöta̧lökena, Chabe'do ö̧jobema o̧di̧ju nöobe, jö̧ba̧lö. Ja̧danö, jobekwö chi̧'yakobe ökwödö kwuju̧kwaduwakwa̧ omudawö chujunobö— yöawinobe—.

Juan 16:5

Jo̧kwaijayonö, babema ötjönö webina ö̧jobekwö chȩwa̧jakwa̧ yöneawachobetjö̧ ja̧ baledakwa̧ yötawa. Ja̧danö, ötjönö webina ö̧jobekwö chȩwa̧jocha, jö̧ba̧lö, jö̧ta̧lena, ökwödötjö bakwo̧bi deobe ötjönö abebö a̧ja̧kwo̧ma, ¿Daikwö kwȩwa̧jakwa̧da? jö̧ba̧lö.