Juan 12:1 - Dios Iwene

¹ Ja̧danö, Dios mönö öbaledina tjomukwati̧ pjiesta baledakwa̧ jelemutjö bakwöta möle abönö Jesúsma Betania comunidadnö ichibinobe. Betania comunidadma Lázaro, Jesús wobajaletjö yemidanö tjeatinökwe itebo.

Juan 12:1 Referans Kwoze

Lucas 24:50

Jesúsma jobadönö öbibö Jerusaléntjö labebö i̧'yinobe, Betania comunidad ö'öböbe i̧'yinobe, ja̧danö ömamu kabebö Diosnö aebinobe, jobadönö pjaatobö.

Juan 12:20

Ja̧danö, Diosnö ösödö Jerusalénnö ichajadötjö ju'wedöma tjö̧jinobe, judío jojodöböködö.

Juan 11:55

Ja̧ mölema, judío jojodö pjiesta tjujunakwa̧ yöneawachinobe, Dios damötjö mönö öbaledina tjomukwati̧ pjiesta. Jo̧kwaobetjö̧ ba̧jekwadö judío jojodöma tji̧'yinobe Jerusalénbe tjotikwobö, Dios öba a'otjö otiwanö tjö̧jobö.

Juan 11:1

Ja̧danö bakwo̧ ji̧nobe, Lázaro mikwo̧ma. Jo̧ba Lázaroma Betania comunidadnö öpöodökwö, Maríakwö, Martakwö ö̧jinobe. Ja̧danö, Lázaroma jwiinö ö'wöchinobe.

Mateo 21:17

Atadajo̧, tjö̧jelö laebinobe Jesúsma, ja̧danö Jerusaléntjö labebö, Betania comunidadbe i̧'yinobe, jobetjö abobö.

Juan 11:44

Jejenö jwöökwe jo̧ba ö'wö babibinama laebinobe ömamijubi ömasapiyabi öbabi kamijido̧ jwabawo̧da. Jesúsma jenada ju̧kwadönö weinobe: —Ejatö lobaduwinö icho— weinobe.

Marcos 11:11

Ja̧danö, Jesúsma Jerusalénnö ichibö, Dios ejunö tebachö eda̧lijetö okobe jwiinö eju okwama. Ida̧ökö yi̧bena baibiökwe, eda̧lajo̧ labebijetö Betania comunidadbe i̧'yakwo̧ma öba̧ja̧di̧ waisachadökwö, a̧li̧nösamutjö du̧ju̧tajabedökwö.

Lucas 7:37

Ja̧danö, ja̧ comunidadnö bakwuju jö̧jinobe, sulabenö ja̧bö ji̧nujuma, ja̧danö ja̧ja̧kwinobe, Jesúsma fariseoso̧ ejutjö ba̧nö ukwobe jö̧ba̧lö. Jejenö a̧ja̧kwö, isa̧yu̧ otiwayu̧ nöinö mikwawi̧ omewasobu jawasayu̧ e'ewö jichejebinobe,

Juan 11:43

Jejenö abebö kabatö, Jesúsma labinö jwöinobe: —Lázaro jobetjö labebi—jwöinobe.

Juan 12:9

Ja̧danö judío jojodöma ba̧jekwadö ju'wedö yötjawi̧ tja̧ja̧kwinobe, Jesúsma Lázaro ejunö ö̧jobe, jö̧ba̧lö, yötjawi̧ma. Jejenö yötjawiawö̧ Lázaro ejube tji̧'yinobe Jesúsnö tjedobö. Lázaronöbi tjedobö tji̧'yinobe, Jesús wobajaletjö yemidanö tjeatinökwenö

Juan 12:12

Ja̧danö, ju'wi dewachö, Jerusalénnö pjiesta baledö ichajadöma tja̧ja̧kwinobe, Jesúsma bai Jerusalénbe ichakobe, jö̧ba̧lö, yötjawi̧ma.