Juan 11:54 - Dios Iwene

⁵⁴ Jo̧kwaobetjö̧ Jesúsma judío jojodö tjuju̧kwobema i̧'yinokobe. Jelö Betaniatjö ja̧nöma Efraím comunidadbe i̧'yinobe, jojodö deemi yöneawinö. Jobe ö̧jinobe iteda öba̧ja̧di̧ waisachadökwö.

Juan 11:54 Referans Kwoze

Juan 7:1

Jemi ikenama Jesús Galilea niji comunidadesda, ju'wi comunidadbi, ju'wi comunidadbi 'ya̧nö kweachinobe. Ja̧danö, Judea nijibe kwebachö i̧'yinokobe, jobe ju̧kwadö judío jojodötjö la'aka luwedöma jo̧banö kwabö lotjobö tjomukwatobetjö̧.

Juan 7:4

Isabenö bakwo̧, jojodö iteda ujulu i̧sebi̧ma tjöwaisachibobö ösöditjö̧ma jojodö tjedökönö otidökena ¿jö̧tö? Tjedoböda i̧sebo̧, tjöwaisachibanö. Jo̧kwaobetjö̧, ja̧ kwujulu kwotidi̧ma okobe deinö tjedobö kwi̧sebo— jö̧tja̧linobe Jesús ö̧ja̧wo̧döma.

Juan 18:20

Jejenö aeba̧liökwe: —Ötjöma ba̧kwȩlö̧jatebö jojodö tjeda̧lonö yöbawiachijatö. Judío jojodö ba̧nö tja̧ja̧kwa̧leju okwa ja̧nö yötawijatö. Dios eju okwatjöbi ba̧kwȩlö̧jatebö yöbawiachijatö jojodö tjeda̧lonö. Ju̧kwawibö ja̧nöma yötawijökötö.

Juan 10:40

Ikenama yemidanö Jordán ojwe pebibö i̧'yinobe Jesúsma öba̧ja̧di̧ waisachadökwö, Juan Ojwenö Bu̧datina ajayinö ubu̧datinemi. Jobeda ö̧jinobe.

Juan 7:13

Jejenö yötja̧lakwawijayonö, sewobakwawöda, idödada yötja̧lakwawinobe, judío jojodötjö la'aka luwedö tja̧ja̧kwapji jö̧ba̧lö. La'aka luwedönö yetjabinobe.

Juan 7:10

Jesúsma jejenö jö̧a̧lijayonö, ö̧ja̧wo̧dö pjiesta baledö tji̧'yajabe okobetjö jo̧babi i̧'yinobe pjiesta jobe, Jerusalénbe. Jo̧kwaijayonö jojodö jo̧ba i̧'yobema tjöwaisobö öpöjödö, ba̧jekwadökwö i̧'yinokobe.

2 Samuel 13:23

Jemi ikenama, dötölataja o̧biya baledaja̧ ikenama, baikwö baledinobe: Absalon ömöayedöma, Absalon ajwimu obejadö tjöwö'ye 'wibö tjotidinobe, Baal Jazortjö, Efrain niji yöneawinö. Ja̧danö, ja̧ 'wiawa ba'ali tjujunenama, Absalonma okobe deinö la'aka luwo̧ David i̧tji̧mu ömadönö a̧debinobe, ichö jo̧bakwö ba'ali tjukwobö.