Juan 11:46 - Dios Iwene

⁴⁶ Jo̧kwaijayonö ju'wedöma fariseo jojodönö yöbawö tji̧'yinobe okobe jwiinö Jesús otidi̧, La̧zaronö tjebachajinö otidi̧ tjedaja̧ma.

Juan 11:46 Referans Kwoze

Juan 9:13

Jejenö balediawö̧ jojodöma öbajale otiwanö baibinökwenö öbibö tji̧'yinobe fariseo jojodö tjö̧jobekwö, jo̧banö tjedobö.

Hechos 5:25

Ikenama, jelo̧ tebachö jö̧ba̧lijetö: —Duluwedö, yöbawö chichatö. Jobadö ka̧lena ba̧kwaweju okwa tjödinawö̧ma Dios eju okwada tjuju̧kwobe, jojodönö ba̧ja̧dö— jö̧ba̧lijetö.

Juan 12:37

Ja̧danö, Jesúsma jojodönö Dios ujulu nöinö i̧sebinajayonö ina tjösödinokobe jo̧banöma. Ina, Biteda Dios weinökwe, jö̧ba̧lö, tjomukwatinokobe.

Juan 7:32

Ja̧danö, jojodöma ba̧jekwadö idödada sewobakwawöda yötja̧lakwawinobe, Bite Jesúsma, Dios weinökwe, jö̧ba̧lö. Jejenö yötja̧lakwawijayonö, fariseo jojodöma tja̧ja̧kwinobe jojodö yötja̧lakwawi̧ma. Jejenö a̧ja̧kwö, fariseo jojodöma, Diostjö jojodötjö ö'weje pjabatadötjö la'aka luwedökwö, bakwainö omukwatö, Jesúsnö do̧tjatobö tjomukwatinobe. Jejenö omukwatö wetjinobe Dios eju te'ada̧ladö guardia jojodönö Jesúsnö do̧tjatobö.

Juan 7:45

Ja̧danö, guardia jojodö, Jesúsnö do̧batö tje'ewobö wetjajawö̧ma Jesúsnö do̧batökönö tjȩwa̧jinobe webajadö tjö̧jobema. Ja̧danö webajadöma, Diostjö jojodötjö ö'weje pjabatadötjö la'aka luwedöbi, fariseo jojodöbi ȩwa̧jadönö edö abebö tja̧ja̧kwinobe: —¿Daida Jesúsma? ¿Tajawedö jo̧banö do̧batö kwichejebaduwököda?—

Juan 11:57

Ja̧danö, fariseo jojodöma, Diostjö jojodötjö ö'weje pjabatadötjö la'aka luwedökwö ajayinö webö tjujuninobe judío jojodönö, Jesúsnö kwedaduwitjö̧ma yökawaduwo, jö̧ba̧lö. Jejenö webö tjujuninobe Jesúsnö do̧atakwawa jö̧tja̧lobetjö̧.