Juan 11:41 - Dios Iwene

⁴¹ Ikenama inabama pjolatö tjujuninobe. Jemi ikenama Jesúsma mölejȩbekwö edö aebinobe Diosnö: —Chabe'do, ökwönö yöta̧la. Otiwanö a̧ja̧kwö pjakatajabe— aebinobe—.

Juan 11:41 Referans Kwoze

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Juan 17:1

Jesúsma, ja̧ öba̧ja̧di̧ waisachadönö yöawaja̧ ikena mölejȩbekwö edö iteda Abe'donö aebinobe: —Chabe'do, tjo̧wi̧ baiba, ökwö badedö kwujunina baledi̧ma. Ja̧danö, tjo̧wi̧, ötjö jwiinö chotiwi̧ma kwi̧sebo jojodönö, ja̧danö, ökwö jwiinö kwotiwi̧ chi̧sebobö— aebinobe Jesúsma iteda Abe'donö—.

Lucas 10:21

Jejenö yöa̧linobe Jesúsma setentabedönö. Jemi ikenama, Dios O̧'wo̧ Luwo̧ iteda o̧'wo̧ luwo̧nö ja̧nö, Jesúsma o̧'wo̧ ösöwanö aebinobe Abe'do Diosnö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ isabenö wene jawa kwotoja̧lajabe, waisadöbi, nöinö waisachadöbi tjedapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö, Chabe'do. Jau Chabe'do, ökwöda kwösödi̧danö ja̧bö jejenö i̧sebo̧ja— jö̧ba̧lö Diosnö aebinobe Jesúsma.

Filipenses 4:6

Ja̧danö, okobe jwiinö baledi̧ma, kwo̧'wo̧ tjo̧kekwaduwa chömöledö, dakwö ja̧dakwajö jö̧ba̧löma. Kwo̧'wo̧ tjo̧bekwökönö, Diosnöda akebaduwo chömöledö, jo̧ba pjaatobö akebaduwonö, otiwanö pjabato̧ja jö̧ba̧lö.

Lucas 18:13

Ja̧danö, impuesto ötjabi̧ balada emajibo̧bi Diosnö aebinobe. Jo̧bama sulabo̧sa jö̧ba̧lö, yöne ichibökönö ödökwönönö ja̧nö, mölejȩbema edökönö aebinobe. Jo̧bama o̧'wo̧ tjo̧ekwobetjö omuko 'do'dobakwawö Diosnö aebinobe: Dios, ötjöma sulabenö ja̧bö jo̧sa, lȩlö̧jinö kwedobö ateba, jö̧ba̧lö.

Mateo 11:26

Jau Chabe'do, ökwöda kwösödi̧danö ja̧bö jejenö i̧sebo̧ja— jö̧ba̧lö aebinobe Jesúsma.

Mateo 27:60

iteda itea i̧lȩdo̧ okwa ödinobe, itenöda tjödobö inawatjö sobö tjotidinȩdo̧nö. Ikenama inawa nöawa bu̧lȩdö i̧lȩdo̧ teachakwemi utumatinobe. Tumatajo̧, ȩwa̧jinobe.

Marcos 15:46

Jejenö weökwe, Joséma sawana'wo otiwa'wo, nöinö mikwawa'wo emö 'yi̧jetö. Ikenama, Jesúsnöma towisa'otjö meatö jwabebijetö sawana'wo. Jemi ikenama i̧lȩdo̧, inawa nöawatjö sobö otikwobekwö e'ewö 'ya̧nö lödijetö. Lödajo̧ i̧lȩdo̧ apjudema inawa yelösöda nöawa tumijetö.

Lucas 24:2

Ja̧danö, i̧lȩdo̧be ichibö, inaba i̧lȩdo̧ teachakwemi tumatakwawaba pjolatö junawobe tjedinobe,

Juan 11:22

Jo̧kwaijayonö chöwaisa, Diosma iyakobe babeda okobe jwiinö jo̧banö akebi̧ma— jö̧ja̧linobe, Diosma Jesús aebi̧ a̧ja̧kwö iyo̧, chöjawo̧ Lázaronö yemidanö tjeachajinöbi, jö̧ba̧lö.

Juan 20:1

Ja̧danö, domingo möle, ajayi möle ötjabi̧ möle dewachena María Magdalena ji̧'yinobe, ina yȩa'oayi, Jesúsnö tjödajabe wobiakobe. 'Ya̧nö jedemi inaba, i̧lȩdo̧ a'o tumawaba pjolatö junawobeda jedinobe.

Hechos 7:55

Jo̧kwaijayonö Esteban, Dios O̧'wo̧ Luwo̧ ujulu iyökwema, mölejȩbekwö eda̧lö Dios dewinö idejatobe edijetö. Jobe Dios öwaisobekwöchobe jo̧nö, Jesúsnö edijetö.