Juan 11:3 - Dios Iwene

³ Jo̧kwaiawö̧, Lázaro öpöodöma bakwo̧nö yöbawö i̧'yobö wetjinobe, jelobe, Jesús ö̧jobekwö, jo̧banö yöawobö, Duluwo̧ kwömöledöso̧ Lázaro, kwösödökwema nöinö ö'wöchobe, jö̧ba̧lö. Yöawobö wetjajökwema Jesús ö̧jobekwö 'ya̧jo̧ ichibö wetjaja̧danö yöawinobe.

Juan 11:3 Referans Kwoze

Juan 11:5

Ja̧danö, Jesúsma Martanöbi, jöjawujunöbi, jöjawo̧ Lázaronöbi jwiinö ösödinobe.

Apocalipsis 3:19

Chömöledö, ötjöma ile nitebawö̧nöma, jelobekwö tjomukwatitjö̧ma pjabatö lȩbebo̧sa, sulabenö tjomukwati̧ kabatibö tjöbalewachoböma. Jo̧kwaobetjö̧ babeda, te'ada̧lökönö, sulabenö kwomukwataduwi̧ma kabatibö balewachaduwi, ökwödönö lȩtebapji, jö̧ba̧lö.

2 Timoteo 4:20

Erasto mikwo̧ma Corintio comunidadnö ö̧jibinobe, ja̧danö Trofimo mikwo̧ ö'wöchobetjö̧, Mileto comunidadnö chujunibinobe Trofimonö.

Juan 13:23

Ja̧danö, jobadötjö bakwo̧, Jesús ile niebökwema, Jesús ipjeanö ö̧binobe.

Juan 11:36

Jejenö ubudekwiawö̧ judío jojodöma jö̧ja̧linobe: —Edaduwi, jwiinö ösödinökwewe—jö̧tja̧linobe.

Juan 11:11

Jejenö jö̧a̧linobe wanedö yöbawö. Jemi ikena jobadönö jö̧a̧linobe: —Dömöledöso̧ Lázaroma abibajo̧. Ötjöda jo̧ba wiluiboböma chi̧'ya— jö̧a̧linobe Jesúsma, Lázaroma ida̧ökö ö'wö baibajabe, jö̧ba̧lö.

Génesis 22:2

Ja̧danö, Diosma webijetö Abrahamnö: —Abraham, ökwö kwitji̧ Isaacnö, jo̧dawo̧nö, ile nikebökwenöma e'ewö 'ya̧wi Moria nijibe. Jobe mö'ösa'otjö, ökwönö chi̧sebakwa'otjö, juwö iyawobekwö 'ya̧wi. Jobetjö kwitji̧nö, ökwösobu ebawinö ö̧kwö̧la̧ 'wibebö loköbajökwenö juwö kwiyo, ötjönö ösödö— webijetö.

Juan 11:1

Ja̧danö bakwo̧ ji̧nobe, Lázaro mikwo̧ma. Jo̧ba Lázaroma Betania comunidadnö öpöodökwö, Maríakwö, Martakwö ö̧jinobe. Ja̧danö, Lázaroma jwiinö ö'wöchinobe.

Lucas 7:13

Ja̧danö, Jesús wobajo̧ ojo'donö edenama, jobujunö lȩlö̧jinö edinobe, ja̧danö jobujunö: —Budekwökönuwi— jö̧ba̧lö yöa̧linobe.

Juan 11:2

Jo̧ba öpöodötjö bakwuju, Maríama, ju'wi möle, omeasobu Duluwo̧ ömasapanö tobebö jöwö'yenö 'do̧jakwujuma. Ja̧danö, jöjawo̧ Lázaroma jwiinö ö'wöchinobe.

Juan 11:21

Ikenama Martama Jesús ichobekwö 'ya̧wibö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe—.

Juan 13:13

Yötawaduwakwö. Ökwödöma ötjönö ökabiduwobe, Ba̧ja̧dakwawa jojo, jö̧ba̧lö. Ja̧danö, Duluwo̧, jö̧ba̧lö, ökabiduwobe. Jejenö ökabiduwi̧ma otiwanö ökabiduwobe. Ötjöma ökwödönö ba̧ja̧dakwawa jojosa. Ja̧danö, ökwödö kwuluwo̧duwisa ötjöma. Jo̧kwaobetjö̧ otiwanö ökabiduwobe, Ba̧ja̧dakwawa jojo, jö̧ba̧lö— yöawinobe Jesúsma—.