Juan 11:16 - Dios Iwene

¹⁶ Jemi ikena Tomás, Morocho ötjabökwema jö̧a̧linobe ju'wedö Jesús öba̧ja̧di̧ waisachadönö, a̧li̧nösamutjö bakwo̧nö: —Jesúskwö di̧'yaduwo jo̧bakwöda debö di̧'yakobetjö̧— jö̧a̧linobe.

Juan 11:16 Referans Kwoze

Juan 21:2

Jesús öba̧ja̧di̧ waisachadötjö ju'wedöma jobe, Tiberias tjolanö tjö̧jinobe. Jobadöma bidö: Simón Pedro, Tomás, Morocho ötjabökwe, Galilea niji Caná comunidad jojo Natanael mikwo̧, Zebedeo itji̧mu du̧ju̧taja, ju'wedö öba̧ja̧di̧ waisachadö du̧ju̧taja jobe tjö̧jinobe.

Juan 13:37

—Chuluwo̧ ¿tajawedö babema kwökömanö chichoböma jwiobeda? Ökwökwö chichobö jö̧ta̧la. Ökwönö jojodötjö 'döbebö pjatatakwo̧sa, ötjönö kwabö lotjonöbi— jö̧a̧liökwe:

Mateo 10:3

Ja̧danö Felipebi, Bartolomébi, Tomásbi, Mateo, la'aka luwo̧ itea balada emö otido̧bi. Ja̧danö Alfeo itji̧ Jacobobi, Tadeobi.

Lucas 6:15

Mateobi, Tomásbi, Alfeo itji̧ Jacobobi, jwaikwöda Romano luwedönö öpöjödo̧ jö̧ba̧lö ötjabökwe Simónbi,

Marcos 3:18

Ju'wedö, Andrés, Felipe, Bartolomé, Mateo, Tomás, Alfeo itji̧ Jacobo, Tadeo, Jesús 'da̧batö ujuninawö̧ma. Jelo̧nöbi, Simón mikwo̧nöbi 'da̧batö junijetö. Jo̧bama Canaán jojo.

Mateo 26:35

Yöawökwe, Pedroma atadinobe: —La'akatjöda jejenöma yöta̧lokocha chuluwo̧, ökwökwö wotitjö̧böbi, ¡la'akatjöda jejenö yöta̧lökakwo̧sa!— jö̧ba̧lö yöa̧linobe. Ja̧danö, okobe deinö ju'wedö Jesús öba̧ja̧di̧ waisachadöbi Pedro yöa̧laja̧danö yötja̧linobe.

Hechos 1:13

Ikenama Jerusalénnö ichibö jobadö tjabeju mösȩko̧nö, idöda tjabȩko̧nö tebachijadötö. Jobadöma bidö: Pedro, Juan, Jacobo, Andrés, Felipe, Tomás, Bartolomé, Mateo, Alfeo itji̧ Jacobo mikwo̧, Simón, jo̧bama romano jojodönö öpöjödo̧, Jacobo itji̧ Judas mikwo̧.

Juan 14:5

Tomás jö̧a̧linobe: —Chuluwo̧ ¿dakwö yöka̧la, Chi̧'yakwemi 'ya̧kwawama kwöwaisaduwobe, jö̧ba̧lö? Wajwibadösa. Jobekwö 'ya̧kwawa döwaisoböma jwiobe— jö̧a̧liökwe:

Juan 11:8

Jejenö jö̧a̧lawö̧ jobadöma jö̧tja̧linobe: —Ba̧ja̧dakwawa jojo. Belö jobetjö judío jojodöma inawiyanö ikwawö ökwönö kwabö lotjo jö̧tja̧lijatö. ¿Tajawedö yemidanö jobema kwi̧'yobö jö̧ka̧la?— jö̧tja̧lökwe

Lucas 22:33

Jejenö yöawiökwe, Pedroma atadinobe: —Chuluwo̧, ötjöma la'akatjöda ökwönö kabatibö̧kö̧sa. Ökwönö ka̧lena tjöditjö̧böbi, kwabö lotjitjö̧böbi yayonö wotenanö kabatö ökwökwö chi̧'yobö omukwato̧sa, la'akatjöda katatibökakwo̧sa— jö̧ba̧lö atadinobe Pedroma.

Juan 11:15

Ö'wö baibena jelobe chö̧jobetjö̧ otiwa, ötjö chujulu chi̧sebobö, ökwödönö pjabatö. Ja̧danö, ökwödöma ötjönö kwomukwataduwobö, Bitema Dios weinökwe, jö̧ba̧lö, chujulu chi̧sebakobe. Tjo̧wi̧ta, dedajaduwo— jö̧a̧linobe iteda öba̧ja̧di̧ waisachadönöma.