Juan 10:27 - Dios Iwene

²⁷ Ötjö cha̧jwi̧muma ötjö chiwene a̧ja̧kwö waisadö, ja̧danö, jobadönö chöwaisawö̧. Ja̧danö, jobadöma chökömanö ichadö.

Juan 10:27 Referans Kwoze

Juan 10:16

Ja̧danö, ju'wedöbi tjö̧jobe, ötjö cha̧jwi̧mu o̧bȩja̧döma, jelobe ju̧kwadö. Jobadönöbi öbibö chichejebobö jo̧be, ötjö chiwene tja̧ja̧kwobö. Ja̧danö, jobadöma chiwene tja̧ja̧kwakwedö. Bidö cha̧jwi̧mukwö, jelobe ju̧kwadö cha̧jwi̧mu chichejebakwawö̧kwö bakwo̧ iteba'odanö tjuju̧kwakwedö, tjajikwo̧ma bakwo̧da, ötjödachobetjö̧— yöawinobe Jesúsma jojodönö.

Juan 10:14

Ja̧danö, ötjöma, jejenömabö̧kö̧sa. Otiwanö te'ada̧lo̧sa. Ötjö cha̧jwi̧munöma chöwaisawö̧. Ja̧danö, cha̧jwi̧muma ötjönö waisadö.

Apocalipsis 3:20

A̧ja̧kwaduwitjö chömöledö. Wanedö yötawa: Ötjöma apjude a'o ja̧nö, apjudenö 'do'doba̧lö te'ada̧lo̧sa, ötjönö ösödö tekataduwobö. Ja̧danö, bakwo̧ ötjö chiwene a̧ja̧kwö ösödo̧ma, apjude po̧bebö teatena tetachakwo̧sa, jo̧bakwö chukwobö.

1 Corintios 8:3

Jo̧kwaijayonö Diosnö ösödo̧ma, Dios öwaisökwe ö̧jobe jo̧bama.

Hebreos 3:7

Jo̧kwaobetjö̧ chömöledö, jwaikwöda Diosnö do̧'wo̧ wana̧lö di̧'yobö jo̧betjö̧ Dios O̧'wo̧ Luwo̧ yöawina, da'dödöminenö sulabenö tjö̧jina yöawinama tjöbeba̧lö̧jönö domukwatobö jo̧be. Isabenö chömöledö, Dios O̧'wo̧ Luwo̧ yöawina domukwatobö jo̧be, döwaisachibobö, Ökwödöma da'dödömine tjö̧ji̧danö dö̧joböma yelösöda jwiobe, jö̧ba̧lö. Baikwö laebobe Dios iwenetjö, Dios O̧'wo̧ Luwo̧ yöawina: Babema ötjö yötawi̧ kwa̧ja̧kwaduwena

Juan 5:25

Isabenö yötawa. Böjȩnö ju̧kwadö, tjo̧'wo̧ luwo̧ okwanö wobinadödanö ju̧kwadötjö ju'wedöma, Dios Itji̧ yöawi̧ a̧ja̧kwö tjösödakwedö, ötjöda yötawi̧ma. Ja̧danö, babebi ötjö, Dios Itji̧ yötawi̧ a̧ja̧kwö tjösödobe. Ja̧danö, ötjö yötawi̧ a̧ja̧kwö ösödadöma, wobajaletjö tjebachajadödanö ja̧nö, ba̧kwȩlö̧jatebö ja̧kwawa juna̧ladö batjibakwedö— yöawinobe Jesúsma.

Juan 8:12

Ikenama, Jesúsma yemidanö yöawinobe jojodönö: —Wanedö yötawa: Ötjödasa dewinö jo̧ma. Ja̧danö, ötjödasa jojodönö öbibo̧ma, dewa'wo okwanö kwetjachobö. Ja̧danö, böjȩ jojodö tjo̧'wo̧ luwo̧ okwanö dewinö chidejatobe, tjo̧'wo̧ luwo̧ jawa tjöwaisachibanö. Ja̧danö, ötjökwö ichadöma yȩa'wo okwanö kwebachöködö, kwetjachobema dewinö chidejatobetjö̧. Ja̧danö, ötjökwö ichadönöma, tjo̧'wo̧ luwo̧ okwanö dewinö dejatö chi̧sebakwo̧sa, ba̧kwȩlö̧jatebö ja̧kwawa tjujuna̧lobö tjöwaisachibanö— yöawinobe Jesúsma.

Gálatas 4:9

Jo̧kwaijayonö babema ida̧ökö Diosnö kwöwaisaduwobe, Aaa, baikwö yötawa, Diosma ida̧ökö ökwödönö waiso̧ chömöledö, jo̧kwajabetjö̧ ¿tajawedö yemidanö suli̧ jawa, julu jwii̧ böjȩ weawa jawakwö tjekachajaduwobö kwösödaduwobeda chömöledö? ¿Tajawedö yemidanö ja̧ jawa ömöayedödanö bakibaduwobö kwösödaduwobeda?

Juan 10:8

Ja̧danö, ötjö chichakwa̧ abönö ju'wedö tjichinobe, o̧bȩja̧dönö te'ada̧löködö, jelobekwö yöbawadö. Jobadöma o̧bȩja̧dönö jwöbö tjichinobe, naukwabidödanö. Jo̧kwaijayonö o̧bȩja̧döma tja̧ja̧kwinokobe jobadö jwötji̧ma.

Juan 12:26

Ja̧danö, ötjö chöba̧ja̧di̧ waisachadö tjö̧jo jö̧ba̧ladöma ötjökwö tjichobö jo̧be. Jejenö, ötjö chö̧jobema chöba̧ja̧di̧ waisachadöbi tjö̧jakwedö. Ja̧danö, Chabe'do Diosma ötjö chöba̧ja̧di̧ waisachadönö edö, Bidöma jwiinö mikwawadö, jö̧ba̧lö, omukwatakwawö̧— yöawinobe Jesúsma.

Juan 8:43

Ina yöawinobe: —Ökwödöma ötjö yötawi̧ a̧ja̧kwö jwiinö kwöpöjödaduwobetjö̧ kwöwaisachibaduwokobe.

1 Reyes 18:21

Ja̧danö, israel jojodö Carmelobe tjichibiökwe, tjöba a'o yö̧ne ichibö, jojodönö yöa̧linobe Eliasma: —Chömöledö, ökwödöma lekwe möle kwösödaduwakwo̧nö omudawö junöködöja, –Isabenö dösödo jö̧da̧lökwema, ditejö, Isabenö Jo̧ö̧kö̧, Baal ötjabökweö̧kö̧, diteda isabenö dösödo jö̧da̧lökwema? –jö̧ba̧lö, lekwe möle kwösödaduwakwo̧nö omudawö junökönö ja̧döja. Isabenö kwösödaduwakwo̧nö omudawö kwujunaduwobö jo̧be chömöledö, baikwö yöta̧la: Isabenö Jo̧ mikwo̧da isabenö Diosbo̧ ö̧jitjö̧ma, jo̧banöda ösödö kwö̧jaduwo, ja̧danö Baal mikwo̧da isabenö Diosbo̧ ö̧jitjö̧ma, jo̧banöda ösödö kwö̧jaduwo. Kwösödaduwakwo̧nö omudawö kwujunaduwo chömöledö, —jö̧ba̧lö yöa̧linobe Eliasma. Jo̧kwaijayonö, jejenö yöa̧lijayonö, atadökönö, 'wi̧inöda tjö̧jinobe israel jojodöma.

Lucas 9:23

Jesúsma jojodönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö e'ewobö jo̧be, Aaa, wotapji jö̧ba̧lö chi̧'yökena, jö̧ba̧lö omukwatökönö.

Mateo 17:5

Pedro ina jejenö yöa̧lonö, ojwiyo'wo dewinö dejata'wo jobadö tjöwamenö öwawachinobe, ja̧danö ja'wotjö̧ iwene ökwöinobe baikwö ökwöi̧ma: —Bitema ötjöda chösödökwe chitji̧, cho̧'wo̧ ösöwanö chedobe jo̧banö. Jo̧banö kwa̧ja̧kwaduwo— jö̧ba̧lö iwene ökwöinobe.

2 Timoteo 2:19

Jo̧kwaijayonö, ju'wedö tjösödi̧ waekwijayonö, Dios yöbawö ujunina wenema waekwokobe, la'akatjöda söawachokobe. Jau Timoteo, Diosma isabenö wene ujuninobe, inawa pjolachibököwadanö. Wanedö yötawa: Diosma isabenö wenesawa inawa ujuninobe, ja̧danö jawanö seyudanö wȩyukwawa jo̧be, ja̧danö baikwö laebobe wȩyukwi̧ma: Diosma iteda ömöledönö waiso̧, jö̧ba̧lö laebobe, ja̧danö ju'wibi laebobe: Okobe deinö Duluwo̧ ömöledösa jö̧ba̧ladöma, sulabetjö 'da̧bachibö tji̧'yobö jo̧be, jö̧ba̧lö laebobe.

Juan 21:22

—¿Tajawedö jejenö abebö kwa̧ja̧kwada? Ökwö jawamaökö Pedro. Yemidanö chichenama, ite Juanma, ina ö'wö baibökönö ö̧jobö chösöditjö̧ma jejenö ja̧tena. Jo̧kwaijayonö ja̧ma ökwö jawamaökö. Ötjökwö ichi. Di̧'yaduwo— jö̧a̧linobe Jesúsma Pedronöma.

Lucas 13:27

Jo̧kwaijayonö jejenö yöka̧laduwijayonö, ökwödönö yöa̧lakobe: Yötawaduwakwö, isabenö wajwitawö̧ja, detjö ichadöjö, jö̧ba̧lö. Tetatökö ökwödönöma. Chö̧jelö da̧ja̧duwi okobe deinö ökwödö sulabenö ja̧badöma, jö̧ba̧lö atadakobe.

Marcos 8:34

Ikenama Jesúsma jwöbijetö okobe deinö ichajadönöbi, iteda öba̧ja̧di̧ waisachadönöbi iteda ö̧jobekwö tjichobö. Ichajadönö jö̧ba̧lijetö: —Chömöledö baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö e'ewobö jo̧be, Aaa, wotapji jö̧ba̧lö chi̧'yökena, jö̧ba̧lö, omukwatökönö— yöbawijetö—.

Mateo 25:12

Jwötjeba̧lökwe, ilekwonö emajo̧ma atadinobe: Wajwitawö̧ja. Ökwödönö tetatökö, jö̧ba̧lö.

Mateo 16:24

Ikenama Jesúsma iteda öba̧ja̧di̧ waisachadönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö ichobö jo̧be.

Mateo 7:23

Jejenö yötja̧lijayonö, baikwö chatadakwo̧sa jobadönö: Chö̧jelö döbibajaduwi, la'akatjöda wajwitawö̧ja ökwödö sulabenö ja̧badönöma, jö̧ba̧lö chatadakwo̧sa— jö̧ba̧lö yöawinobe Jesúsma.

Apocalipsis 14:4

Jobadö ciento cuarenta y cuatro ömadöma, isujukwö la'akatjöda jö̧ködö. Jobadöma, Diosnöda ösödö, jo̧ba wei̧da a̧ja̧kwö, ju̧kwadö. Ja̧danö, jobadöma Obeja Itji̧danö Jo̧ ökömanö kwebachadö. Ja̧danö, jobadöma böjȩnö ju̧kwadötjö ajayinö Dios omudawö eminawö̧. Batjo junawatjö ajayinö wa̧ji̧, damötjö wainö Diosnö tjiyinadanö, jobadöma Diosnöbi, Obeja Itji̧danö Jo̧nöbi ajayinö omudawö iyawinadö.

Hechos 3:23

Ja̧danö, jo̧ba yöawi̧ a̧ja̧kwö̧kö̧ma, Dios i̧tji̧mutjö 'da̧batö lobawo̧ baibakwo̧. Jo̧banö lȩebi̧ma jwiinö labi̧ jawa baledakwo̧. Jejenö yöbawijetö Moisésma— yöbawijetö Pedroma.

Marcos 10:21

Jejenö jö̧a̧lökwe Jesúsma isabenö ile nibebijetö jo̧banöma. Jo̧banö edö jö̧ba̧lijetö: —Ökwöma, Okobe jwiinö ja̧bajibo̧sa jö̧ka̧lijayonö ina, yada bakwöta jawa ja̧bököja. A̧ja̧kwitjö. Kwu̧kwa tea okobe jwiinö kwujuna̧li̧ kwiyabija̧ mikwawama usulasedönö kwiyo. Jejenö kwiyobetjö̧ isabenö ju'winö mölejȩbe ja̧nö Diosma jwiinö otiwa jawa iyakwo̧ja. Usulasedönö kwiyo. Kwiyaja̧ ikena ötjökwö kwicho— jö̧ba̧lijetö Jesúsma jo̧banöma.

Isaías 66:22

Tupakwö yöawobe Isabenö Jo̧ma: Chömöledö, mölejȩ 'yayöjȩbi, bö̧je 'yayöjȩbi chotidocha, ja̧danö chotidaja̧ma, ba̧kwelöjatebö 'dö̧bibajökönö chöba a'o ja̧kwö̧jȩ. Ja̧danö, ja̧ ba̧kwelöjatebö ji̧danö, baikwö yöbawö chujunaduwakwö, ökwödö kwi̧tji̧muduwibi ba̧kwelöjatebö chöba a'o tjö̧jakwedö, ja̧danö ba̧kwelöjatebö ökwödö israel jojodönö otiwanö tjomukwatakwedö.