Juan 10:10 - Dios Iwene

¹⁰ Ja̧danö, naukwabo̧ma sulabenö ja̧oböda icho̧, o̧bȩja̧dönö önaukwoböbi, kwabö looböbi, jwiinö söbebö looböbi. Jo̧kwaijayonö ötjöma naukwabo̧ sulabenö ja̧oböda ichi̧danöma chichinokobe böjȩnö ju̧kwadö jojodönöma. Jojodö ba̧kwȩlö̧jatebö tjö̧ji̧ chiyobö chichijatö. Ja̧danö, jojodö jwiinö otiwanö tjuju̧kwobö chichijatö ötjöma— yöawinobe Jesúsma.

Juan 10:10 Referans Kwoze

Juan 6:51

Ja̧danö, ötjödasa jojodönö ba̧kwȩlö̧jatebö ja̧kwawa chiyobö mölejȩbetjö ichino̧ma. Ötjönö, kwakwawa wanekwacho̧nö kwadöma isabenö ö'wö batjibökakwedö. Ba̧kwȩlö̧jatebö ja̧kwawa tjujuna̧lakwedö jobadöma. Ötjöma ötjödada chiyawakwo̧sa jojodö Dioskwö ba̧kwȩlö̧jatebö tjuju̧kwobö— yöawinobe Jesúsma.

Juan 12:47

Ötjö yötawi̧ a̧ja̧kwö ja̧böködönö lȩekwa yötawokobe. Jejenö lȩekwa jawa yötawoböma chichijökötö böjȩkwöma. Böjȩ jojodö tjö̧jibinö pjatatoböda chichijatö.

Juan 6:33

Ja̧ Dios iyi̧, mölejȩbe jawa kwakwawama, ba̧kwȩlö̧jatebö ja̧kwawa iyi̧ kwakwawa— yöawawö̧:

Juan 3:17

Diosma itji̧nöma, böjȩnö ju̧kwadönö lȩeboböma weinokobe. Tjö̧jibinö pjaatoböda weinobe Diosma itji̧nöma, jo̧banö ösödadö tjö̧jibinö pjaatobö.

1 Timoteo 1:15

Jau Timoteo, Cristo Jesúsma böjȩkwö ichinobe sulabenö ja̧badönö tjö̧jibinö ja̧obö. Ja̧ wenema isabenö wene Timoteo, okobe deinö ja̧ wene tjösödobö jo̧be. Ja̧danö, ökwönö yötawa, jobadö sulabenö ja̧badötjö, o̧penönö sulabenö ja̧bö ji̧achijatö ötjöma.

Juan 10:1

Jesúsma wanedö yöawinobe jojodönöma: —O̧bȩja̧dönö te'ada̧lo̧ma o̧bȩja̧dö tjabȩko̧ apjudenö tebacho̧, o̧bȩja̧dönö a̧petube öibobö—jö̧a̧linobe—. Jo̧kwaijayonö jelo̧, apjudenö tebachökönö, mönö nöchö tebacho̧ma o̧bȩja̧dönö naukwabo̧. Isabenö yötawa, jo̧bama naukwabikwawa jojo, o̧bȩja̧dönö te'ada̧lo̧bö̧kö̧. Ja̧danö, o̧bȩja̧dönö te'ada̧lo̧ma apjudenöda tebacho̧.

Mateo 20:28

ötjö jojo baibanö jeminökwe ju'wedönö pjabatö chö̧ji̧danö. Jau chömöledö, ju'wedö ötjönö pjatjato jö̧ba̧löma ichinö̧kö̧sa. Ötjöda jojodönö pjabatö ichinasa, ja̧danö ba̧jekwadö tjö̧jibo jö̧ba̧lö midawö wotobö ichinasa— jö̧ba̧lö yöawinobe Jesúsma.

Hebreos 7:25

Jo̧kwaobetjö̧ Jesúsda jojodö Dioskwö ichibö tjö̧jibinö pjabato̧, Jesúsma dö̧jibinö pjabato̧, jö̧ba̧ladönöma. Ja̧danö, jobadö tjö̧ji̧bi okobe jwiinö pjaatinobe Jesúsma, ja'yubebi ji̧bökönö. Ja̧danö, Jesúsma jo̧banö ösödadönöma ba̧kwȩlö̧jatebö tjö̧jibinö pjabato̧, Jesúsma ba̧kwȩlö̧jatebö Diosnö abebö jobadönö pjaatobö ö̧jobetjö̧.

Isaías 56:11

Ju'wibi awilidö a̧wi̧chikwadödanö ichejekwadö, israel jojodönö ötjibo jö̧ba̧ladöma. Awi̧li̧dö omeawachibökönö, tupakwönönö kabatibökönö tjukwobö jö̧ba̧ladödanö, idöda tjösödi̧da ja̧tjo̧bö isakwadö. Obejadönö teada̧ladö otiwanö tjajwimunö ötjibi̧danö, tjömöledö israel jojodönö jwebebö ötjibo jö̧tja̧lijayonö, wajwibö, okwa jawa omukwatöködö. Jobadöma otiwanö jwebebökönö, bakwo̧nökwena idöda tjujuna̧lotö jö̧ba̧lö isakwadö.

2 Pedro 1:11

Jau chömöledö, kwöwaisaduwa, dö̧jibinö pjabato̧ Duluwo̧ Jesucristoma, la'aka luwo̧ ja̧nö yöbawö ö̧jakobe, ja̧danö ökwödö jo̧banö ösödadöma jo̧bakwö dö̧jakwedösa, ¿jö̧tö? Ja̧danö chömöledö, ju'wibi yötawaduwakwö, yötawaja̧danö jwaikwöda ja̧bö kwö̧jaduwobö kwisakwaduwitjö̧ma, jobe tekachaduwenama Diosma isabenö jwiinö otiwanö ökwödönö iyakobe, ina böjȩnö kwö̧jaduwayi chösödi̧danö otiwanö ja̧bö ji̧nadöja jö̧ba̧lö.

Hebreos 6:17

Ja̧danö Diosbi jejenö i̧sebobö jö̧a̧linobe, jojodö tjöwaisachibinö, Isabenö Dios yöbawö ujuninadanö badekwachakobe, jo̧ba omukwati̧ balewachökönö, jö̧ba̧lö. Jo̧kwaobetjö̧ Diosma da'dödöminenö, Chiyakwo̧sa, jö̧ba̧lö, yöbawö junö jö̧a̧lena ju'wibi jö̧a̧linobe,Yöbawö junö jö̧ta̧li̧danö badekwachökötjö̧ma ötjödada lȩtebakwawakwo̧sa, jö̧ba̧lö. Jejenö Diosma i̧sebinobe, Yöbawö chujuni̧ma isabenö badekwachakobe, jö̧ba̧lö.

Mateo 23:13

Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.

Romanos 2:21

Ökwödöma, ju'wedönö jweinö ba̧ja̧dadösa jö̧ka̧laduwijayonö, ökwödöda jawama la'akatjöda waisachiböködöja. Ökwödöma, ju'wedönö kwönaukwaduwa jö̧ka̧laduwijayonö, naukwabidöja.

Mateo 18:10

Jau chömöledö, omukwatönö kwö̧jaduwo, bidö tjemunö mikwawöködö jö̧ba̧lö kwöpöjödaduwapji jö̧ba̧lö. Jau chömöledö, isabenö yötawaduwakwö, bidö tjemunö te'ada̧ladö ángelesdöma tjö̧jobe, ja̧danö jobadöma ba̧kwȩlö̧jatebö mölejȩbe Chabe'do öba a'o tjuju̧kwobe— jö̧ba̧lö yöawinobe Jesúsma.

Marcos 11:17

Ikenama jojodönö yöbawö jö̧ba̧lijetö Jesúsma: —Isabenö baikwö laebobe Dios iwenetjö: Ötjö chejuma okobe deinö böjȩnö ju̧kwadöma ötjönö aekweju, jö̧ba̧lö, laebobe. Jejenö laebijayonö ökwödöma sulabenö ja̧köbaduwobe. Ökwödö iyabidöma, kwo̧'wo̧duwi sulabenö omukwatö, balada nöinö tjimidobö webö diyabo, jö̧ba̧lö, nöinö mikwawö webö kwiyabiduwobetjö̧ ökwödöma, Dios ejuma naukwabidö iyawejudanö ichejekwa—jö̧ba̧lijetö.

Juan 12:6

Jejenö jö̧a̧lijayonö Judasma usulasedönö pjaatoböma omukwatinokobe. Itedada emobö omukwatinobe, naukwabo̧obetjö̧. Jo̧bama ömöledö tju̧kwa balada te'ada̧lö jo̧obetjö̧, itedada ösödena baladama emiainobe, balada anawapjotjö.

Mateo 21:13

Jejenö a'dewo lobö, Jesúsma jobadönö yöawinobe: —Dios iwenesa'yetjö Dios yöawi̧ laebobe: Dios ejuma, Diosnö aekweju jö̧ba̧lö ötjabikweju, jö̧ba̧lö laebobe, jo̧kwaijayonö ökwödöma naukwabidö tjejudanö waedadöja, jo̧kwajabetjö̧ ökwödö naukwabidönö a'dewö lotaduwakwö— jö̧ba̧lö yöawinobe Jesúsma.

Juan 5:40

Jo̧kwaijayonö ötjönö edö kwöwaisachibaduwokobe, Jo̧bada, jö̧ba̧lö. Kwichibaduwokobe ötjökwö, ba̧kwȩlö̧jatebö ja̧kwawa kwujuna̧laduwoböma— yöawinobe Jesúsma judío la'aka luwedönöma.

Juan 10:11

Ina yöawinobe: —Ötjödasa, o̧bȩja̧dönö otiwanö te'ada̧lo̧ma. Ja̧danö chöpöjojodö tjichitjö̧bi kabatibö̧kö̧sa chite'ada̧lawö̧nöma, chöpöjojodö ötjönö kwabö lotjenatjö̧bi. Te'ada̧lo̧sa, kwabö lotjenatjö̧bi.