Juan 1:7 - Dios Iwene

⁷ Jo̧ba Juannö weinobe jojodönö yöawobö dewinö jo̧nö, jojodö tjöwaisachibanö dewinö jo̧nöma. Ja̧danö jojodöma, Juan yöawi̧ a̧ja̧kwö, Jweinö yöbawo̧, dewinö jo̧nö dösödo, jö̧ba̧lö, tjöwaisachibobö weinobe Diosma, Juannöma.

Juan 1:7 Referans Kwoze

Hechos 19:4

Ikenama Pabloma jö̧ba̧lijetö jobadönö: —A̧ja̧kwaduwitjö. Juanma sulabe tjomukwati̧ kabatibö balewachajadönö ojwenö bu̧datiainobe. Ja̧danö yöbawiainobe jelo̧nö, jo̧ba ökömanö ichakwo̧nöma, Jesúsnöma. Jo̧banöda kwösödaduwo, jö̧ba̧lö, yöbawiainobe— jejenö jö̧ba̧lijetö Pabloma jobadönöma.

Juan 1:36

Jobe ja̧nö Juanma Jesús kweachobe edö yöawinobe ömöayedönö: —Edaduwi. Ite baikwö icho̧ma, Dios weinökwe obeja itji̧danö jo̧— ömöayedönö yöawinobe Jesúsnö, Judío jojodö Diosnö iyö ujuwökwedanö iyawö imidawakwo̧, jö̧ba̧lö.

Juan 1:12

Jo̧kwaijayonö jojodötjö ju'wedöma jo̧banö ösödö do̧batö tjeminobe, Biteda, jö̧ba̧lö. Ösödö do̧batö tjemobetjö̧, Bidöma Dios i̧tji̧mu, jö̧ba̧lö, yöawinobe dewinö jo̧ma.

Juan 1:9

Dewinö jo̧ma inesö la'aka dewinö jo̧. Jo̧bama böjȩnö ichinobe okobe deinö böjȩnö ju̧kwadönö tjo̧'wo̧ luwo̧nö dewinö dejatö öibobö, otiwanö omukwatö tjö̧jobö.

Juan 1:15

Juan Ojwenö Bu̧datinama Dios Itji̧nö yöawijatö ökwödönöma. Baikwö jwöbeba̧lö yöawijatö: Ötjö chökömanö icho̧ma yelösöda ötjötjö o̧penönö mikwawo̧, ötjö ina detayi la'akatjöda ji̧naobetjö̧, jö̧ba̧lö. Jejenö yöawijatö Juan Ojwenö Bu̧dato̧ma, Dios Iwene Jo̧, jö̧ba̧lö, ötjabökwenöma.

2 Pedro 3:9

Ja̧danö ju'wedö jo̧banö tjomukwatobe, Aaa, Duluwo̧ma iteda yöbawö ujuninadanöma juluwanö yemidanö ichö̧kö̧, juluwanö ichatjö̧bö, jö̧ba̧lö tjomukwatobe. Jo̧kwaijayonö, ja̧maökö chömöledö, ökwödö böjȩ jojodönö lȩlö̧jinö edobetjö̧, juluwanöma ichokobe chömöledö. Jau chömöledö, bakwo̧bi Dios lȩebi̧tjö emoböma öpöjöda Duluwo̧ma, okobe deinö sulabenö tjomukwati̧ kabatibö tjöbalewachobö ösödo̧. Ja̧danö jejenö ösödobetjö̧ juluwanöma ichokobe, ju'wedöbi sulabenö tjomukwati̧ kabatibö tjöbalewachakobetjö̧.

Tito 2:11

Jau Tito, Dios okobe deinö böjȩ jojodö tjö̧jibobö pjaatenama, öwaetjöda i̧sebinobe, Mikwa jwiinö otiwa jawa iyo̧sa, jö̧ba̧lö.

Efesios 3:9

Ja̧danö, Diosma weinobe ötjönöma okobe jwiinö damötjö tojö junö omukwatinama labebö lobö yötawobö okobe deinö jojodönöma. Chömöledö, Diosma, okobe jwiinö otidina ¿jö̧tö? Ja̧danö, iteda tojö ujuninama tjo̧wi̧, labebö lobö yöbawo̧sa, jojodö tjöwaisachibanö. Jejenö yötawobö weinökwesa.

1 Timoteo 2:4

Jau Timoteo, Diosma jejenö ja̧bö dö̧jobö ösödo̧ okobe deinö böjȩnö ju̧kwadö tjö̧jibobö ösödobetjö̧, ja̧danö okobe deinö isabenö wene tjöwaisachibobö ösödobetjö̧.

Juan 1:19

Ja̧danö, Judío jojodöma wetjinobe Diostjö jojodötjö ö'weje pjabatadönöbi, jobadö ömöayedö, Levítjö tupadanö jojodönöbi Jerusaléntjö labebö Juan ö̧jobekwö tji̧'yobö, Juan Ojwenö Bu̧dato̧nö abeba̧lö. Wetjinawö̧ 'ya̧jadöma ichibö Juannö abebö tja̧ja̧kwinobe: —Ökwöma ¿tida?

Gálatas 3:26

Jau chömöledö, Cristo Jesúskwö bakobe dötewinö ja̧nö, okobe deinö Dios i̧tji̧mubedöja, Jesúsnö kwösödaduwobetjö̧.