Juan 1:51 - Dios Iwene

⁵¹ Ina yöawinobe okobe deinö: —Isabenö yötawaduwakwö. Ju'winö mölejȩ po̧ibobe kwedaduwakobe. Ja̧danö, Dios ömöayedö ángelesdönö kwedaduwakobe, mölejȩbetjö böjȩkwö jwibachadönöma. Ja̧danö, böjȩtjö mölejȩbekwö kabekwachajadönöbi kwedaduwakobe. Ja̧danö, jobadö ángelesdö böjȩkwö ichö, ötjönö mebibö jamatadönö kwedaduwakobe. Ötjönö, jojo baibanö jeminökwenö mebibö jamatadö ángelesdönö kwedaduwakobe— jejenö yöawinobe Jesúsma jo̧bakwö ichinadönöma.

Juan 1:51 Referans Kwoze

Génesis 28:12

Jejenö abemi okwanö i̧'wi̧di̧nö edijetö Jacobma baikwö: Nöchawaka böjȩtjö̧ mölejebe dötewinö jo̧bekwö edijetö. Ja̧kanö Dios weajawö̧ ángelesdöma nöchöbi tjö̧nöchobekwö edijetö. Ja̧danö, yutubajöbi yututjajobekwö edijetö ja̧kanö.

Hechos 7:56

Ikenama Estebanma jö̧ba̧lijetö: —Edi. Mölejȩ kȩachajobe chedemi jojo baibanö jeminökwe Jesúsma, Dios öwaisobekwöchobe ö̧jobe— jö̧ba̧lö.

Lucas 2:13

Ja̧danö, jejenö yöbawö kaatenama, juluwanö jo̧bakwö yelösöda ba̧jekwadö ju'wedö Dios ömöayedö ángelesdöbi tjöwawachibinobe, ja̧danö Diosnö ösödö baikwö yötja̧linobe:

Marcos 14:62

Jejenö abebö a̧ja̧kwökwe Jesúsma atadijetö: —Jau. Ötjödasa— atadijetö—. Ökwöma ju'winö kwedakobe ötjönöma, jojo baibanö jeminökwenöma okobe jwiinö juluwo̧ Dios öwaisobekwö chö̧bobe. Ju'wibi jö̧ta̧lakwö. Ötjönöma kwedakobe mölejȩtjö ojwiyo'wonö metibobe— jö̧ba̧lijetö Jesúsma.

Marcos 1:10

Ojwenö ubu̧datajökwe Jesúsma ojwe okwatjö a̧laibö möakwö pöbamö edemi mölejȩ po̧ekwachibobe edijetö. Mölejȩ po̧ekwachibobetjö iteda ö̧jobekwö Dios O̧'wo̧ Luwo̧, mö köba̧lo̧ yu̧nu̧ku̧ meibi̧danö, itenö öwamatobö meibobe edijetö.

Mateo 3:16

Jesúsnö ojwenö ubu̧dataja̧ ikena, ojwetjö a̧laibinobe Jesúsma, ja̧danö a̧laibenama, möleje po̧ekwachibobe edinobe, ja̧danö mö köba̧lo̧ yunuku jwiachi̧danö Dios O̧'wo̧ Luwo̧ jwibachö Jesúsnö öjamatobe edinobe.

Hechos 10:11

Ja̧danö, jo̧bama mölejȩ po̧ekwachibobe edijetö, i̧'wi̧di̧danö. Ja̧danö, jobe mölejȩ po̧ekwachibobetjö edijetö sawana'wodanö jala'wo, ö'wejemu jawa 'do̧'do̧kwetenia do̧lachibö böjȩkwö jwiachibobe.

Lucas 3:21

Ka̧lena ö̧bakwa̧ abönö, Juanma jojodönö ojwenö ubu̧datinobe, ja̧danö ju'wi möle jejenö ubu̧datenama, Jesúsnöbi o̧jwenö ubu̧datinobe Juanma. Ja̧danö, ojwenö ubu̧dataja̧ ikena, Jesúsma Diosnö aebinobe, ja̧danö Diosnö aebemi ja'ötjö, mölejȩma po̧ekwachinobe.

Mateo 4:11

Jejenö weökwe, Awetjama laebinobe. Ja̧danö jemi ikenama ángelesdöma ichö Jesúsnö te'ada̧lö pjatjatinobe.

Apocalipsis 19:11

Ikenama mölejȩbe chedemi apjude po̧ekwobe chedijatö. Ja̧danö, po̧ekwobe okwatjö kabayu dewo̧nö chedijatö. Jo̧ba kabayu wamenö bakwo̧ ö̧wo̧nö chedijatö. Jo̧ba imima, Jweinö Yöbawo̧ mikwo̧. Jo̧bama, jojodönö lȩbebö jweinö omukwatö webo̧. Ja̧danö, jweinö omukwatö öpöjojodönö ujuluwobö 'yo̧.

Apocalipsis 4:1

Ikenama, mölejȩbekwö chedemi apjude po̧ekwobe chedijatö. Jobekwö chedemi ötjönö ajayinö yöa̧li̧danö, trompeta pjutji̧danö labinö ökwöinö yöba̧lajo̧ma, ötjönö jwöi̧ cha̧ja̧kwijatö: —Baikwö mö ichi, ju'winö baledakwa̧ chi̧sebokwö—jö̧ba̧lö, jwöi̧ cha̧ja̧kwijatö.

2 Tesalonicenses 1:7

Jo̧kwaijayonö ökwödö Tesalónicanö ju̧kwadönöbi, ökwödönöbi usula demawi̧tjö dö̧jibinö ja̧akwo̧ Diosma, Duluwo̧ Jesús mölejȩbetjö ichö öwawachenama. Jau chömöledö, Duluwo̧ Jesúsma iteda ömöayedö ángelesdö juluwadökwö öwawachö ichakwo̧. Ja̧danö, ökwölakwö ichakwo̧,

Lucas 2:9

Jobe te'ada̧lö tjö̧jemi ja'ötjö, baikwö baledinobe: Dios weökwe ángelma juluwanö öwawachibinobe, ja̧danö Dios ujulu dejatinö dejatinobe jobadö o̧bȩja̧dönö te'ada̧ladönö, ja̧danö jejenö balediawö̧ jwiinö yetjaibinobe o̧bȩja̧dönö te'ada̧ladöma.

Hebreos 1:14

Jejenö weinokobe jobadö isapjobedönöma Dios ömöayedödatjobetjö̧. Jobadöma Dios ömöayedö ja̧nö, jojodönö pjatjatobö Dios weawö̧. Isabenö, ángelesdöma jojodönö pjatjatobö weawö̧, Dios mikwa jwiinö tjö̧jibinö pjaati̧tjö tjemakwedönöma. Isabenö chömöledö, ángelesdöma Dios ömöayedöda, jojodönö pjatjatobö weawö̧. Jo̧kwaobetjö̧ chömöledö, döwaisachibanö wajuwanö i̧sebobe, Dios Itji̧ma ángelesdönötjöbi o̧penönö jwiinö inesö jo̧, jö̧ba̧lö.

1 Timoteo 3:16

Dösödi̧ wenema isabenö otiwa jawa wene Timoteo, jojodö ajayinö wajwitjina wene, Dios i̧sebina wenema. Ja̧danö bakwo̧bi, Aaa, sulabe wene, isa̧ökö wene, jö̧a̧loböma jwia. Ja̧ Cristo Jesús jawa wenema biya̧: Jo̧bama jojo baibanö öwawinobe. Jo̧banö i̧sebinobe Dios O̧'wo̧ Luwo̧ma, sulabe jwibo̧ jö̧ba̧lö. Jo̧banö tjedinobe ángelesdöma. Jo̧banö tja̧ja̧kwinobe böjȩ bakwameachibanö ju̧kwadö jojodöma. Jo̧banö tjösödinobe böjȩ bakwameachibanö ju̧kwadö jojodöma. Jo̧bama mölejȩbe kaekwajinobe.

Juan 10:1

Jesúsma wanedö yöawinobe jojodönöma: —O̧bȩja̧dönö te'ada̧lo̧ma o̧bȩja̧dö tjabȩko̧ apjudenö tebacho̧, o̧bȩja̧dönö a̧petube öibobö—jö̧a̧linobe—. Jo̧kwaijayonö jelo̧, apjudenö tebachökönö, mönö nöchö tebacho̧ma o̧bȩja̧dönö naukwabo̧. Isabenö yötawa, jo̧bama naukwabikwawa jojo, o̧bȩja̧dönö te'ada̧lo̧bö̧kö̧. Ja̧danö, o̧bȩja̧dönö te'ada̧lo̧ma apjudenöda tebacho̧.

Lucas 22:69

Jo̧kwaijayonö yötawi̧ kwösödaduwököjayonö baikwö yötawaduwakwö: Bemi tupakwö ötjö jojo baibanö jeminökwenö kwedaduwakobe, Dios öwaisobekwöchobe juluwo̧ ö̧bemi chö̧bobema— jö̧ba̧lö atadö yöawinobe Jesúsma.

Mateo 25:31

Tupakwö yöawinobe Jesúsma: —Ötjö jojo baibanö jeminökwema, yemidanö chichocha, ja̧danö chichenama, dejatinö chujulunö okobe deinö chömöayedö ángelesdökwö chichocha, inesö la'aka luwo̧ batibanö. Ja̧danö, wa̧kwawaka inesö salöinö dewakanö chöbamatocha,

Judas 1:14

Jau chömöledö, isabenö Dios lȩebakwawö̧ jobadönö, jobadönöda badekwachobe damötjö ji̧na Enoc yöawinama. Jau chömöledö, jo̧ba Enocnö kwöwaisaduwökwe, da'dömine Adántjö baikwö jelemutjö du̧ju̧taja jojo, ja̧danö damötjö jo̧ba Enocda baikwö yöawinobe: —A̧ja̧kwaduwi, Duluwo̧ma yelösöda ba̧jekwadö iteda ömöayedö ángelesdökwö ichakobe,

2 Tesalonicenses 1:9

Jobadönö söbebö loakwo̧, Dios lȩebi̧tjö kabatökönö tjemawinö, ja̧danö Duluwo̧ ö̧jelötjö, ja̧danö jo̧ba dejatinö ujulutjö ba̧kwȩlö̧jatebö 'da̧bachibö tjö̧jakwedö.

Juan 14:12

Isabenö yötawa, ötjönö ösödadöma ötjö juluwinö chotidi̧danö tjotidakwedö. Yelösöda, ötjö juluwinö chotidi̧tjö o̧penönö juluwinö tjotidakwedö. Chabe'do ö̧jobekwö chi̧'yakobetjö̧, jobetjöda pjatatakwo̧sa ötjönö ösödadönöma, juluwinö tjotidobö.

Juan 6:47

Isabenö yötawa. Ötjönö ösödadö, Bitema Dios weinökwe, jö̧ba̧lö, ösödadöma ba̧kwȩlö̧jatebö ja̧kwawa tjujuna̧lakwedö.

Lucas 24:4

Ja̧danö, ¡tajijö! jö̧ba̧lö jobe tjö̧jonö, juluwanö ömadö du̧ju̧taja tjipjeanö tjöwawachibinobe, tjökamijido̧ salöinö dewado̧ 'dubawadöma.

Mateo 26:24

Jau chömöledö, ötjö jojo baibanö jeminökwema, isabenö ö'wö batibobö jo̧be, Dios iwene damötjö tjiwȩyudina laebi̧danö. Jo̧kwaijayonö ötjönö iyö loakwo̧nö, isabenö labinö lȩebakwo̧ Diosma chömöledö, ojo'do jo̧banö la'akatjöda jeminökötjö̧ma, o̧penönö otiwo jö̧a̧linena, Dios lȩebi̧tjö emapji jö̧ba̧lö— yöawinobe Jesúsma.

Juan 21:18

Ina yöawinobe Jesúsma Pedronöma: —Simón Pedro, isabenö yötawakwö. Tjȩmu̧köbayima koleasö̧jȩ nönawibö kwebachiaköbijatö, kwi̧'yobö kwösödenama. Jo̧kwaijayonö jejenömaökö ju'winö, jwiinö pöe bakibenama—yöawinobe—. Ja̧ möle, kwömamijunö debatö kwi̧sekwobö wetjakobe. Ja̧danö, kwömamijunö debatö kwi̧sekwena jelo̧ma di̧batö öibakobe ökwönöma, kwi̧'yobö kwöpöjödobeda— yöawinobe Jesúsma Pedronöma.

Juan 8:51

Isabenö yötawa. Ötjö yötawi̧ a̧ja̧kwadöma la'akatjöda wotjökakwedö.

Juan 6:32

Ikenama Jesúsma yöawinobe: —Isabenö yötawaduwakwö. Moisésma inesö mölejȩbe jawa kwakwawa iyijökötö. Jo̧bama 'dö̧ibaji̧ kwakwawada iyijetö. Jo̧kwaijayonö Chabe'do Diosma inesö mölejȩbe jawa kwakwawada iyo̧, ökwödönöma.

Juan 3:5

—Isabenö yötawakwö. Bakwo̧ Dios O̧'wo̧ Luwo̧tjöbi ojwiyotjöbi baibökökwema isabenö Dios La'aka Luwo̧ ö̧jobekwö teachökakwo̧— yöawinobe Jesúsma—.

Juan 16:20

Chömöledö, biya̧ yötawi̧ma isabenö yötawa: Böjȩ jawa ösödadöma yelösöda tjösödakobe ötjö detobetjö̧. Jo̧kwaijayonö ökwödöma jejenömaökö. Kwo̧'wo̧duwi̧ tjo̧bekwö kwubudekwabiduwakobe detiawö̧. Jo̧kwaobetjö̧, ökwödö kwo̧'wo̧duwi̧ tjo̧kekwaduwi̧ma kwo̧'wo̧duwi̧ ösöwanö kwö̧jaduwi̧da baibanö baledakobe.

Juan 13:16

Isabenö yötawa. Ömöayedöma tjuluwo̧nötjö o̧penönö mikwawöködö ¿jö̧tö? Ja̧danö, weinökwema jo̧banö webo̧nötjö o̧penönö mikwawö̧kö̧, ¿jö̧tö?— jejenö yöawinobe Jesúsma, wanedö yöbawö.

Juan 10:7

Jo̧kwaobetjö̧ Jesúsma yemidanö wanedö yöawinobe jobadönöma: —Isabenö yötawa. Ötjödasa o̧bȩja̧dö tjabȩko̧ apjudema. Ja̧danö, ötjönöda tetjachobö jo̧be—yöawinobe—.

Juan 6:53

Jejenö yötja̧lakwawiökwe: —Isabenö yötawa, ötjö, jojo baibanö jeminökwe chiteba'otjö kwukwaduwökötjö̧ma ba̧kwȩlö̧jatebö ja̧kwawa kwujuna̧laduwökena— yöawinobe Jesúsma—. Ja̧danö, ötjö chökwösobutjöbi kwowaduwökötjö̧ma ba̧kwȩlö̧jatebö ja̧kwawa kwujuna̧laduwökena.

Juan 5:27

Dios, ötjö Chabe'doma, ötjönö kabebö öwaninobe jojodönö lȩtebobö. Ötjöma, jojo baibanö jeminökwechobetjö̧ Chabe'doma ötjönö kabebö öwaninobe jojodönö lȩtebobö.

Juan 5:19

Ja̧danö, Jesúsma yöawinobe jobadö judío la'aka luwedönö: —Isabenö yötawa. Ötjödada chomukwati̧ otidö̧kö̧sa. Ötjöma Chabe'do otidi̧ edö, bakwainö otido̧sa ötjöma— yöawinobe—.

Juan 3:3

Jemi ikenama Jesúsma yöawinobe Nicodemonöma: —Isabenö yötawa ökwönö. Bakwo̧ yemidanö jemökökwema la'akatjöda ichibökakwo̧ Dios La'aka Luwo̧ ö̧jobekwöma— yöawinobe.

Mateo 9:6

Ja̧maökö. Usula söbebö lotobö chujulu jwititjö̧ma, 'wabo̧ ö̧ji̧ otidö lotoböbi chujulu jwitena. Jo̧kwaijayonö, baikwö chi̧sebaduwakwö: Ötjö jojo baibanö jeminökwema isabenö tjusula söbebö lotoböbi juluwo̧sa— jö̧ba̧lö yöa̧linobe Jesúsma. Ja̧danö jö̧ba̧lajo̧ jalachibö 'wabo̧nö weinobe: —A̧laibi. Wa̧kwawapjo do̧latibö e'ewibö da̧ji— jö̧ba̧lö.

Mateo 8:20

Jejenö yöa̧lökwe, Jesúsma atadinobe: —Chömöledöso̧, ötjöma cheju jwibo̧sa. Yo̧lo̧ko̧döma laju sobö tjabakwemi juna̧ladö, ja̧danö pji̧yu̧ma, tja'di̧ju juna̧ladö. Jobadö tjabakwemi tjujuna̧li̧danöma chujuna̧lökö chömöledöso̧. Ötjö jojo baibanö jeminökwema chabakwemi jwibo̧sa. ¿Isabenö chökömanö kwichobö jö̧ka̧liji̧, kwabakwemi jwibo̧ bakibanö?— jö̧ba̧lö atadinobe.

Juan 16:23

Ja̧ möle yemidanö ötjönö kwedaduwi̧ mölema, ötjönö abebö kwa̧ja̧kwaduwi̧ma jwiakobe. Isabenö yötawa. Dabe'do Diosnö okobe jwiinö ötjö chiminö akebaduwi̧ma a̧ja̧kwö pjaatakwo̧.

Juan 13:38

—¿Isaji̧? ¿Ötjönö kwabö lotjonöbi pjakatakwa̧ji̧, jojodötjö 'döbebö? Isabenö yötawakwö Pedro. Jejenömaökö. Ökwöma yebabinö yöka̧lakobe, Jesúsnöma wajwitökwe, jö̧ba̧lö. Wa̧pötakwanö jejenö yöka̧lakobe. Ja̧danö, wa̧pötakwanö yöka̧laja̧ ikena akala jwöakobe—yöawinobe Jesúsma Simón Pedronöma.

Juan 8:58

—Isabenö yötawa. Ötjöma Abrahamma ina deayi ji̧nasa— yöawinobe Jesúsma.

Juan 8:34

—Isabenö yötawa. Suli̧ ja̧badöma, suli̧ ömöayedödanö baibanö ju̧kwadö. Ja̧danö, jobadöma tjuluwo̧ suli̧ wei̧da ja̧bö tjuju̧kwobe— yöawinobe Jesúsma, wanedö yöbawö, suli̧ma ökwödö kwuluwo̧duwidanö ji̧, jö̧ba̧lö—.

Juan 6:26

—Isabenö yötawaduwakwö. ¿Tajawedö kwisakwaduwa ötjönöma? Chujulu chi̧sebobe kwedinaduwa omukwatö ¿kwisakwaduwiji̧? Ja̧maökö. Ökwödöma pan kwukwinaduwada kwomukwataduwobe. Kwomeawaduwinö kwukwinaduwada omukwatö ötjönö kwisakwaduwobe—yöawinobe Jesúsma—.

Juan 1:50

Jejenö jö̧a̧lökwe Jesúsma yöawinobe: —Juluwanö kwöwaisachibajabe ötjönö, Ökwöma Dios Itji̧ja, jö̧ba̧lö, ja'yubeda yötawi̧ a̧ja̧kwö. ¿Ötjönö kwösödiji̧, Higosowi teebe kwö̧jobe chedatö, jö̧ba̧lö, yötawökweda? Natanael, yötawakwö. Ju'wi baledakwa̧ jawa kwedakwo̧ja, ötjö babeda yötawi̧tjö o̧penönö waiyi̧ jawama— yöawinobe Jesúsma Natanaelnö.