Juan 1:47 - Dios Iwene

⁴⁷ Ja̧danö, Jesúsma jobadö yöneawinö tjichibajena ju'wedönö yöawinobe Natanaelnöma: —Edaduwi. Bite Natanaelma inesö Israel jojo, Israel jojodö tjö̧jo jö̧tja̧li̧danö omukwatö jo̧. Isabenö otiwanö omukwato̧ itema. Omöna yöba̧lö̧kö̧— yöawinobe Jesúsma Natanaelnöma.

Juan 1:47 Referans Kwoze

Apocalipsis 14:5

Jobadöma yelösöda omönabi yöba̧löködö, suli̧ jwibadötjobetjö̧.

Romanos 9:4

Jobadö ötjöda chömöledöma, Israel jojodö chömöledö. Jobadönöda damötjö 'da̧batö ujuninobe Diosma, iteda ömöledö batjibanö. Ja̧danö, iteda i̧tji̧mu batjibobö ja̧inobe Diosma, ja̧danö jobadönöda iteda dejatinö ujulu i̧sebinobe. Ja̧danö jobadönöda isabenö ja̧akwa̧ wene yöbawö ujuninobe, ja̧danö jobadönöda weinobe, Baikwö ja̧bö kwö̧jaduwo, jö̧ba̧lö. Ja̧danö, jemi tupakwö jobadönöda yöawinobe Diosnö otiwanö ösödakwawa jawa, ja̧danö jobadönöda yöawinobe tjö̧jibinö ja̧akwa̧ wenema.

Romanos 9:6

Chömöledö, Diosma iteda isabenö ja̧akwa̧ wene yöbawö ujuninobe Israel jojodönö, ökwödönö pjatatocha jö̧ba̧lö, ¿jö̧tö? ¿Dakwö kwomukwataduwa? Jö̧a̧li̧danö pjatatocha jö̧a̧linawö̧nö ¿pjaatinökiji̧ Diosma? Ja̧maökö chömöledö, baikwö labebö lobö yötawa: Israel i̧tji̧mu tupadanö jojodötjöma, Israel jojodöböködö tjuju̧kwobe ju'wedöma, Dios ömöledö tjö̧jokobetjö̧.

Juan 8:31

Jemi ikena, Jesúsma yöawinobe jobadönö, judío jojodönö, iteda yöawi̧ ösödadönöma: —Ötjö yötawi̧ a̧ja̧kwö kwö̧jaduwitjö̧ma isabenö ökwödöma ötjö chöba̧ja̧di̧ waisachadö bakibaduwakwedöja.

1 Pedro 2:22

Jo̧bama usula emawijayonö la'akatjöda sulabenö ja̧inokobe, ja̧danö la'akatjöda omöna yöa̧linokobe.

1 Pedro 2:1

Ja̧danö, ja̧ wene ösödö Diosda i̧tji̧mu baibanö kwöbötjachinaduwobetjö̧, okobe jwiinö sulabenö ja̧awama kakatibaduwo chömöledö, okobe jwiinö omöna yöa̧lakwawabi, dötölatajanö yöa̧lakwawabi, ö'wiawinö edawabi, ju'wedönö sulabenö yöa̧lakwawabi.

Juan 8:39

Jejenö yöawiawö̧: —Omöna yöka̧la. Ökwödö da'döminema Abraham—yötjawiökwe: —Ökwödöma Abrahamtjö tupadanö jojodököbaduwitjö̧ma, Abraham omukwatö ö̧jinadanö omukwatö kwö̧jaduwena.

Juan 4:16

Ja̧danö Jesúsma jö̧a̧linobe jobujunöma: —Kwilekwenö öbibaji baikwö icho— jö̧a̧loko: