Juan 1:40 - Dios Iwene

⁴⁰ Jobadö du̧ju̧taja, Juan yöawi̧ a̧ja̧kwaja̧ ikena Jesúskwö 'ya̧jadötjö bakwo̧, Andrés mikwinobe, Simón Pedro öjawo̧.

Juan 1:40 Referans Kwoze

Mateo 10:2

Jobadö a̧li̧nösamutjö du̧ju̧tajabedö Jesús öba̧ja̧di̧ waisachadöma, tjimibiya baikwö laebobe: Abönö Simón, ju'wi imi Pedrobi, Pedro öjawo̧ Andrésbi. Ja̧danö Zebedeo i̧tji̧mu Jacobobi, ja̧danö Jacobo öjawo̧ Juanbi.

Hechos 1:13

Ikenama Jerusalénnö ichibö jobadö tjabeju mösȩko̧nö, idöda tjabȩko̧nö tebachijadötö. Jobadöma bidö: Pedro, Juan, Jacobo, Andrés, Felipe, Tomás, Bartolomé, Mateo, Alfeo itji̧ Jacobo mikwo̧, Simón, jo̧bama romano jojodönö öpöjödo̧, Jacobo itji̧ Judas mikwo̧.

Juan 6:8

Ja̧danö, Jesús öba̧ja̧di̧ waisachadötjö jelo̧, Simón Pedro öjawo̧ Andrésma, jö̧a̧linobe Jesúsnö:

Lucas 5:1

Ju'wi möle, Jesúsma Genesaret mikwobu o̧pesobu jalobu ö'öbönö ja̧nö jojodönö yöawinobe. Jejenö yöawonö, ju'wedö Jesús ipjeanö tjö̧jinobe, ba̧i̧ jwobö otidadöma. Jesús yöawonö, jobadö ba̧i̧ jwobö otidadöma, ba̧i̧ jwobö kabatajadö tjisowibiyatjö mebibö mayabiya dichö tjotidinobe. Ja̧danö, jobadö tjotidonö, Jesúsma Dios iwene yöawinobe, ja̧danö ba̧jekwadö jojodö ichö ko̧ko̧kwö tja̧ja̧kwinobe, Jesús yöawonö. Ja̧danö, tjöba̧jekwobetjö̧, Jesús yöawi̧ tja̧ja̧kwotö jö̧ba̧lö ichajadö jojodöma tjöjisabikwawinobe. Jejenö tjöjisabikwawiökwe, Jesúsma omukwatinobe, ja̧danö omukwatö edinobe isowibiya dowilataja öwiya, ba̧i̧ jwobadö tjisowibiyama, ja̧danö a̧jibobö omukwatinobe.

Juan 1:39

—Ichaduwi, kwedaduwo— jwöawö̧ tji̧'yinobe Jesús abejube. Ja̧danö, ida̧ökö yi̧bena baibiawö̧ yada tjabinobe Jesúskwö 'ya̧jadöma.

Juan 2:2

Jesúsbi, iteda öba̧ja̧di̧ waisachadöbi tja̧debajawö̧ma jobekwö tji̧'yinobe pjiesta baledö.

Juan 4:33

Jejenö jö̧a̧lawö̧, Jesús öba̧ja̧di̧ waisachadöma wajwitjinobe wanedöda yöawi̧ma, Kwakwawada yöa̧la, jö̧ba̧lö. Jobadöma abebö tja̧ja̧kwakwawinobe, idödada: —¿Ti iyaja̧da kwakwawa jo̧banöma?—abebö tja̧ja̧kwakwawinobe, idödada.