Juan 1:10 - Dios Iwene

¹⁰ Ja̧danö, dewinö jo̧ma böjȩnö ö̧jena böjȩnö ju̧kwadöma tjöwaisachibinokobe jo̧banöma, Bitema Dios, jö̧ba̧löma. Böjȩbi, böjȩnö ju̧kwadönöbi otidinajayonö tjöwaisachibinokobe, Jo̧bada, jö̧ba̧löma.

Juan 1:10 Referans Kwoze

Juan 17:25

Jweinöda Omukwato̧ Chabe'do, sule bö̧jȩda jojodöma ökwönö wajwibadö. Jo̧kwaijayonö ötjöma chöwaisa ökwönöma. Ja̧danö, böjȩ jojodöma wajwitjijayonö, bidö, chöba̧ja̧di̧ waisachadöma tjöwaisobe, Diosma Jesúsnö weinobe, jö̧ba̧lö.

1 Juan 3:1

Chö̧ja̧wo̧dö, Dabe'do Dios ökwödönö jwiinö ile niebi̧ma domukwataduwo. Yelösöda jwiinö ile niebobe ökwödönö. Ja̧danö, jwiinö ile niebobetjö̧ ökwödönö öabobe, Chi̧tji̧mu, jö̧ba̧lö. Isabenö chö̧ja̧wo̧dö, ökwödöma Dios i̧tji̧musa. Jejenöijayonö böjȩ jawa ösödadöma ökwödönö edö omukwatöködö, Idöma Dios i̧tji̧mu, jö̧ba̧lö. Dios i̧tji̧mu döji̧ma wajwitjobe. Jobadöma Diosnöbi wajwitjobetjö̧ ökwödönö, Idöma Dios i̧tji̧mu, jö̧ba̧lö, tjomukwatokobe.

1 Corintios 2:8

Chömöledö, okobe deinö böjȩ luwedöma ja̧ Dios omukwati̧ma la'akatjöda wajwitjinobe. Isabenö yötawa, tjöwaisinatjö̧ma towisa'onö bȩtjoko jö̧tja̧linobe salöinö juluwo̧ Duluwo̧nö.

1 Corintios 1:21

Jau chömöledö, Diosma iteda waisanö omukwati̧ma i̧sebobe, baikwö yötawa. Böjȩ jojodö idöda waisanö tjomukwati̧ omukwatö Diosnö tjöwaisachibinokobe, ¿jö̧tö? Ja̧danö, böjȩ jojodö tjedemi, yödawi̧ wene Jesús midawö woina wenema waisakwawa jwii̧ wene jo̧be, ¿jö̧tö? Jo̧kwaijayonö Diosma waisanö omukwatö, ja̧ Jesús midawö woina wene ösödadönöda dö̧jibinö ja̧bo̧ chömöledö.

Mateo 11:27

Jojodönö yöawinobe Jesúsma: —Chömöledö, chabe'doma okobe jwiinö ötjönö iyajabe, la'aka luwo̧ batibanö. Ötjönö Dios itji̧nö isabenö waiso̧ma bakwo̧da chömöledö, Chabe'do Diosda, ja̧danö Chabe'do Diosnö waisadöma, sule ötjö Dios itji̧da, ja̧danö ötjöda chösödi̧danö chi̧sebawö̧da— jö̧ba̧lö yöawinobe.

Hebreos 11:3

Chömöledö, Diosnö do̧'wo̧ döwana̧lobetjö̧ döwaisobe, Okobe jwiinö böjȩnö ju̧kwi̧bi, mölejȩnö ju̧kwi̧bi Dios jö̧a̧li̧tjöda baibinobe, jö̧ba̧lö. Ja̧danö böjȩnö ju̧kwi̧, mölejȩnö ju̧kwi̧, okobe jwiinö dedi̧ma ju'wi dedi̧ jawatjö baibinokobe. Okobe jwiinö dedi̧ma Dios jö̧a̧li̧tjöda baibinobe, dedökö jawatjöda. Jejenö döwaisa chömöledö, Diosnö do̧'wo̧ wana̧lö dö̧jobetjö̧.

Juan 1:18

Ja̧danö, bakwo̧bi deobe, Diosnö edo̧ma, damötjöbi babebi. Jo̧kwaijayonö Dios iteakwo̧ itji̧ma Diosnö edo̧. Ja̧danö, jo̧ba, Dabe'do Dios ile niebökwema, ökwödönö Diosnö döwaisachibanö öba̧ja̧dinobe.

Juan 1:5

Ja̧danö, jo̧ba, Dios Iwene Jo̧, jö̧ba̧lö, ötjabökwema yȩa'wo okwanö dewinö dejato̧, öwawinö baibanö. Jo̧bama yȩi̧tjö juluwo̧danö, dewinö idejatobe yȩa'wo okwanö ba̧kwȩlö̧jatebö, tiibökönö.

Hechos 14:17

Jejenö ujunibinajayonö Diosma iteda pjaati̧ma ba̧kwȩlö̧jatebö i̧sebijetö. Jo̧kwaobetjö̧, israel jojodöböködö, wainö sulabenö ja̧bö ju̧kwadöma Diosnö wajwitjijayonö jo̧ba otiwanö pjaati̧ma edijadötö. Ja̧danö ¿ökwödöja? Babebi Dios otiwanö pjaati̧ma kwedaduwobe. ¿Tajida jo̧ba pjaati̧ma? Biya̧: Ojwiyo o̧bi̧ weobe kwujuninaduwi̧ pokwobö, ju'wi möle kwukwaduwakwa̧ma. Ja̧danö, otiwanö kwö̧jaduwobe, kwakwawa kwanö, Dios pjaati̧ma. Ja̧danö, kwo̧'wo̧duwi ösöwachibanö kwö̧jaduwobö pjaatobe Diosma. Jau, damötjöbi Diosma iteda pjaati̧ma i̧sebinobe. Ja̧danö, babebi i̧sebobe Diosma iteda pjaati̧ma ökwödönöma. Jo̧kwaobetjö̧ jo̧banöda kwösödaduwo, ökwödönömaökö— yöbawijadötö Pablo, Bernabé.

Juan 5:17

Ja̧danö, sulabenö jwötjeba̧lakwawökwe Jesúsma jö̧a̧linobe jobadönö: —Ötjö Chabe'do Diosma ba̧kwȩlö̧jatebö otido̧. Ja̧danö ötjöbi ba̧kwȩlö̧jatebö otido̧sa— jö̧a̧linobe Jesúsma judío jojodötjö la'aka luwedönöma.

Génesis 16:13

Ja̧danö, Isabenö Jo̧ Dios jejenö yöawoko Agarma Diosnö öbabijotö, ötjönö edö te'ada̧lo̧ Dios, jö̧ba̧lö. Ja̧danö yöba̧lijotö, ¡Ayö! Ötjöma Diosnö chedajayonö ina 'yaba̧lujusa, jö̧ba̧lö.

Génesis 18:33

Ikenama Abrahamkwö yöba̧lakwawö kabatö Isabenö Jo̧ Diosma 'yijetö Sodomabe. Ja̧danö, Abrahamma ejube ȩwa̧jijetö.

Génesis 17:1

Ja̧danö, Abramma noventa y nueve a̧yo bo̧ ö̧jena Diosma jo̧banö öwawachö yöbawijetö: —Ötjöma Jwiinö Juluwo̧ Diossa. Abram, ötjö weti̧ a̧ja̧kwö, ja̧danö, sulabenö ja̧bökönö kwö̧jo.

Isaías 53:3

Jo̧banö edö döpöjödijatö, —Bitema mikwawö̧kö̧, inia tjöbo̧, inesö o̧'wo tjo̧bekwo̧, —jö̧ba̧lö. Jo̧banö edöbi tjedoböma tjöpöjödinökwe, —Sulabo̧, —jö̧ba̧lö, ja̧danö jo̧kwadabo̧ jö̧ba̧lö domukatijatö, jo̧ba Dios ömöayo̧nö.

Juan 1:3

Ja̧danö jo̧ba, Dios Iwene Jo̧, jö̧ba̧lö, ötjabökwema okobe jwiinö otidijetö. Jo̧ba otidinökötjö̧ma ja'yubebi batibokoinobe.

Juan 1:11

Jo̧bama itebonöda ichibö, iteda ömöledönö yöawijayonö jobadöma tjöpöjödinobe jo̧banöbi, jo̧ba yöawi̧bi.

1 Corintios 8:6

Jo̧kwaijayonö ökwödö Jesúsnö ösödadöma Duluwo̧ Diosma bakwo̧da, Abe'do Diosda. Jo̧bada okobe jwiinöbi, okobe deinöbi otidina, ja̧danö jo̧ba ösödi̧danö dö̧jo jö̧ba̧lö döjobe. Ja̧danö, Duluwo̧ Jesucristoma bakwo̧da. Jo̧banötjö okobe jwiinö otidinobe Diosma, ja̧danö jo̧ba Jesucristotjöda isabenö ja̧kwawa dujuna̧lobe.

Colosenses 1:16

Diosma jo̧banötjö okobe jwiinöbi okobe deinöbi otidinobetjö̧. Jau chömöledö, Cristonötjö Diosma okobe jwiinöbi okobe deinöbi otidinobe, mölejȩnö ji̧bi, böjȩnö ji̧bi, jojodö tjedi̧ jawabi, tjedökö jawabi. Cristonötjö Diosma okobe deinö luwedönö ujuninobe, böjȩ luwedönöbi, mölejȩ luwedönöbi. Jau chömöledö, Cristonötjö okobe jwiinöbi okobe deinöbi otidinobe Diosma, Cristo ösödi̧danö tjö̧jo jö̧ba̧lö.