Biblia Todo Logo
Bib sou entènèt

- Piblisite -




Juan 1:1 - Dios Iwene

1 Ajayima, Dios ina böjȩ otidajapjii, ida̧ökö Dios Iwene Jo̧, jö̧ba̧lö, ötjabökwema ji̧jetö. Ja̧danö, Dios Iwene Jo̧, jö̧ba̧lö, ötjabökwema Dioskwö ji̧na, ajayinöma. Ja̧danö, Dios Iwene Jo̧, jö̧ba̧lö, ötjabökwema Diosbina.

Gade chapit la Kopi




Juan 1:1
39 Referans Kwoze  

Ajayinöma Dios wa̧pedijetö okobe jwiinö, mölejȩbi böjȩbi.


Chabe'do, tjo̧wi̧, chȩwa̧jocha kwö̧jobekwö. Ja̧danö, jobetjö, ökwökwö chö̧jena, ötjö chotiwi̧ma kwi̧sebo jobe ju̧kwadönö. Jau Chabe'do, ötjö chotiwi̧ma kwi̧sebo ajayinö ökwökwö chö̧jena kwi̧sebinadanö, böjȩ ina kwotidapjii ötjö chotiwi̧ kwi̧sebinadanö— aebinobe Jesúsma iteda Abe'donö.


Ökamijido̧ 'duawado̧ wamesado̧ma, ödöado̧, tjökwösobu bu̧datakwawado̧. Jo̧bama, Dios iwene, jö̧ba̧lö, ötjabökwe.


Jo̧bada okobe deinötjöbi, okobe jwiinötjöbi ajayinö ji̧nama, ja̧danö okobe jwiinöbi okobe deinöbi iteda ujulunö tjö̧jobe.


Ja̧danö, Dios Iwene Jo̧, jö̧ba̧lö, ötjabökwema jojo baibanö jeminökwe. Ja̧danö, jojo baibanö jeminökwema böjȩnö ökwödökwö ö̧jinobe. Ökwödöma jo̧banö edö, Jwiinö otiwo̧, jö̧ba̧lö, dösödijatö. Yelösöda, jo̧bama Dios Itji̧, iteakwo̧daobetjö̧ jwiinö otiwo̧. Ja̧danö, jo̧bama jwiinö lȩlö̧jino edöda pjabato̧. Ja̧danö, jweinöda yöba̧lo̧.


Ötjödasa la'akatjöda ji̧nama. Ja̧danö, ötjödasa 'dö̧ibajenanö baibanöbi chö̧jakwo̧ma. Ja̧danö, ötjödasa 'dö̧ibajökökwema— jö̧a̧lijatö Jesúsma ötjönöma.


Ajayinöma jo̧bama Dioskwöda ji̧na, ina böjȩ otidajapjiibi.


Chömöledö, Duluwo̧ Diosma, jwiinö juluwo̧ma baikwö yöawobe: Ötjöma la'akatjöda ji̧nasa. Ja̧danö, 'dö̧ibajenanö baibanöbi chö̧jakwo̧sa, jö̧ba̧lö. Jejenö yöawobe Diosma, babe jo̧bi, la'akatjöda ji̧nabi, 'dö̧ibajenanö baibanöbi ö̧jakwo̧.


Cristoma itedainobetjö̧ la'akatjöda Diosdainobe, jo̧kwaijayonö Diosdanö ö̧ji̧ 'diinö do̧a̧loböma omukwatinokobe.


Jau chuluwo̧, isabenö tjo'wo ösöwachibanö ju̧kwadö kwömöledöma, bakwuju jitji̧nö jemajobetjö̧, duluwo̧ baibakwo̧ jitji̧nö jemajobetjö̧. Ja̧danö jo̧ba jemajökwema, isabenö duluwo̧ baibanö webö ö̧jakwo̧, ja̧danö jo̧ba imi baikwö ötjabikwo̧: —Inesö waisanö tjomukwatobö pjabato̧, —jö̧ba̧lö ötjabikwo̧. Ja̧danö ju'wibi, —Juluwo̧ Dios, —jö̧ba̧lö ötjabikwo̧. Ja̧danö ju'wibi, —Dabe'do Ba̧kwelöjatebö Jo̧, —jö̧balö ötjabikwo̧. Ja̧danö ju'wibi, —Wene Jwiinö Dö̧jobö Webö Jo̧, —jö̧ba̧lö ötjabikwo̧, duluwo̧ baibanö jemajökwema.


Yötawaduwakwö, ina iso̧nö ja̧bökujuma, metu'wo jö̧jakobe, ja̧danö jitji̧nö jemakobe, ja̧danö jo̧banö Emanuel jö̧ba̧lö ötjabikobe, Diosma ökwödökwö jo̧, jö̧ba̧lö laebobe Dios iwene.


Tjo̧wi̧ta, okobe jwiinö 'dö̧ibajabe. Ötjödasa la'akatjöda ji̧nama. Ja̧danö, ötjödasa 'dö̧bibajö̧kö̧ma. Ötjöma ojwiyo o̧ti̧lö̧jökwenöma ojwiyo iyo̧sa, mikwa jwiinö, ba̧kwȩlö̧jatebö ja̧kwawa ojwiyoda.


Ja̧danö, jo̧ba Jesucristoma la'akatjöda balewachökönö bakwo̧da jo̧, damötjöbi, babebi, ja̧danö ba̧kwȩlö̧jatebö.


Jobekwö sulabenö ja̧köbiökwe, i̧sȩbakwa̧ jawa Dios i̧sȩbobö akebököjayonö, yayonö Dios i̧sȩbakwa̧ jawa yötawakwö baikwö: Möayujuma metu'wo babibaju, jitji̧nö jemakobe, ja̧danö emaju, Emanuel jö̧ba̧lö jimidakobe jitji̧nö, Diosma ökwödökwö jo̧ jö̧ba̧lö.


Ja̧danö chö̧ja̧wo̧dö, ju'wi jawabi döwaisa, biya̧: Dios Itji̧ Jesucristoma böjȩnö ichinobe Isabenö Jo̧ Diosnö döwaisachibanö yöbawö. Ja̧danö, babema Dioskwöbi Itji̧ Jesucristokwöbi bakobe dötewinö 'ya̧dösa. Chö̧ja̧wo̧dö, Jesucristoma isabenö jo̧ Diosda. Ja̧danö, jo̧ba Jesucristoma ökwödönö pjaatinobe, do̧'wo̧ luwo̧nö ba̧kwȩlö̧jatebö dö̧jobö.


Dösödi̧ wenema isabenö otiwa jawa wene Timoteo, jojodö ajayinö wajwitjina wene, Dios i̧sebina wenema. Ja̧danö bakwo̧bi, Aaa, sulabe wene, isa̧ökö wene, jö̧a̧loböma jwia. Ja̧ Cristo Jesús jawa wenema biya̧: Jo̧bama jojo baibanö öwawinobe. Jo̧banö i̧sebinobe Dios O̧'wo̧ Luwo̧ma, sulabe jwibo̧ jö̧ba̧lö. Jo̧banö tjedinobe ángelesdöma. Jo̧banö tja̧ja̧kwinobe böjȩ bakwameachibanö ju̧kwadö jojodöma. Jo̧banö tjösödinobe böjȩ bakwameachibanö ju̧kwadö jojodöma. Jo̧bama mölejȩbe kaekwajinobe.


Jau, ötjöma Dabe'do Dios ö̧jobetjö böjȩkwö ichino̧sa. Ja̧danö, böjȩtjö Dabe'do Dios ö̧jobekwö chȩwa̧jakwo̧sa— yöawinobe Jesúsma öba̧ja̧di̧ waisachadönöma.


Ötjöma jo̧banö edinö, ¡Ayö! jö̧ba̧lö, 'dö̧bachibö metji̧danö metijatö nijibe, de'bo'bonö bamatö, jo̧ba ömasapiya la'aka. Jejenö chöbamatiökwe ömamu öwaisobekwöchobesamunö ötjönö tjo̧'omanö mabö yöawijatö: —Yekabi. Ötjöma la'akatjöda ji̧nasa. Ja̧danö, 'dö̧ibajenanö kabatö chö̧jakwo̧sa, chö̧ji̧ma 'dö̧ibajökönö.


Jejenö jö̧a̧liökwe: —Ökwöma ötjö chuluwo̧ja. Isabenö ötjö cho̧'wo̧ chöwana̧lökwe Diosja— jö̧a̧linobe Tomásma.


Jau Tito, ina böjȩnö dö̧jayi, do̧'wo̧ wana̧lö dite'ada̧lobe, isabenö Dios jö̧a̧lina möle badekwachakobe jö̧ba̧lö, inesö otiwa möle, ökwödö dö̧jibinö pjabato̧ la'aka Dios Jesucristoma iteda ujulu i̧sebenama.


Ja̧danö, chedökwema ina chiwȩyudobö weijatö: —Juan, biya̧ yötawi̧ma wȩyudi weköbo, Laodicea jojodötjö ötjönö ko̧ko̧kwa̧lö ösödadönö te'ada̧lakwawa jojonöma. Jo̧banö weköbo, jobe ju̧kwadö ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma Isabenö Yöbawo̧, jö̧ba̧lö, ötjabökwe yöawi̧. Ja̧danö, jo̧bama Dios iwene ba̧kwȩlö̧jatebö jweinö yöbawo̧. Ja̧danö, jo̧bada Dios ajayi otidi̧ baibobö ja̧binama. Jo̧bama baikwö yöawobe ökwödö Laodicea jojodönö, jo̧banö ösödadönöma:


Ja̧danö, Diosma weinobe ötjönöma okobe jwiinö damötjö tojö junö omukwatinama labebö lobö yötawobö okobe deinö jojodönöma. Chömöledö, Diosma, okobe jwiinö otidina ¿jö̧tö? Ja̧danö, iteda tojö ujuninama tjo̧wi̧, labebö lobö yöbawo̧sa, jojodö tjöwaisachibanö. Jejenö yötawobö weinökwesa.


Ja̧danö, ötjöma biya̧, Dios iwene, Jesucristo i̧sebi̧ jawa wenema wȩyudö wetaduwakwö okobe jwiinö i̧sebi̧ chedi̧ma.


Jo̧kwaobetjö̧ chö̧ja̧wo̧dö, Jesúsnö baledina, wa̧pötakwa jawa baledinama ökwödönö i̧sebobe, Jesúsma Dios Itji̧, ja̧danö Dios weinökwe, dö̧jibinö pjaatobö, jö̧ba̧lö. Ja̧ wa̧pötakwa jawa baledinama biya̧:


Ja̧danö, jobadö Israel jojodöma inesö ajayinö ji̧nadö, Diosnö ösödinadö tji̧tji̧mu tupadanö jojodö. Ja̧danö, jobadö tjömöledöso̧, Israelso̧ baibanö ichinobe Cristoma. Jo̧ba Cristoma okobe deinö tjuluwo̧ Dios, ja̧danö jo̧banöda böjȩ jojodö tjösödo ba̧kwȩlö̧jatebö. Jau chömöledö, jo̧banö tjösödobö chösöda.


Ja̧danö, bakwo̧bi deobe, Diosnö edo̧ma, damötjöbi babebi. Jo̧kwaijayonö Dios iteakwo̧ itji̧ma Diosnö edo̧. Ja̧danö, jo̧ba, Dabe'do Dios ile niebökwema, ökwödönö Diosnö döwaisachibanö öba̧ja̧dinobe.


Ja̧danö, chedökwema ina chiwȩyudobö weijatö ötjönöma: —Juan, biya̧ yötawi̧ma wȩyudi weköbo, Esmirna jojodötjö ötjönö ko̧ko̧kwa̧lö ba̧nö ösödadönö te'ada̧lakwawa jojonöma. Jo̧banö weköbo, ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma ba̧kwȩlö̧jatebö jo̧, ajayinö ji̧nabi, ja̧danö, 'dö̧ibajena baibanö ö̧jakwo̧bi yöawi̧. Ja̧danö wobajo̧ yemidanö tjebachajina yöawi̧, biya̧ chiwȩyudi̧ma.


Dokwa chömöledö, Ötjöma Simón Pedrosa, ja̧danö Jesucristo webawo̧sa, ja̧danö ju'wibi jo̧ba ömöayo̧sa. Ötjöma böja kwialusöja wȩyudö wetaduwakwö, ökwödö Cristonö chösödi̧danö bakwainö ösödadönö. Jau chömöledö, dö̧jibinö pjabato̧ Dios Jesucristoma bakweminö jojodönö edo̧obetjö̧, ötjönö pjaatinadanö ökwödönöbi pjaatinobe, Cristonö chösödi̧danö ökwödöbi bakwainö kwösödaduwobö. Ja̧danö, ökwödö bakwainö ösödadönö böja kwialusöja wȩyudö wetaduwakwö.


Ja̧ ökwöi̧ma jojo yöa̧li̧da cha̧ja̧kwijatö. Ja̧danö, baikwö jö̧a̧lijatö ötjönöma: —Juan, biya̧ kwedi̧ma wȩyudi weköbo jelemutjö dötölatajanö tjuju̧kwitenia ju̧kwadönö, ötjönö ösödö ko̧ko̧kwa̧ladönöma. Biya̧ comunidadesnö ju̧kwadönö, Éfesonö, Esmirnanö, Pérgamonö, Tiatiranö, Sardisnö, Filadelfianö, Laodiceanö ju̧kwadönö wȩyudi weköbo, ötjönö ösödö ko̧ko̧kwa̧ladönöma— jejenö weijatö ötjönöma, trompeta pjutji̧danö ökwöinö yöba̧lo̧ma.


ja̧danö, jobe Jerusalénnö ja̧nö, kabatökönö Dios eju a̧petunö ja̧nö Diosnö tjösödinobe, Otiwanö pjabato̧ja, jö̧ba̧lö.


—Isabenö yötawa. Ötjöma Abrahamma ina deayi ji̧nasa— yöawinobe Jesúsma.


Jo̧ba Cristonö dedenama, öwawö̧kö̧ Diosnöbi dedobedanö ichejekwa, Cristoma okobe jwiinö Dios jawa i̧sekwobetjö̧. Ja̧danö, jo̧bama okobe deinö Dios otidinawö̧tjöbi, okobe jwiinö Dios otidina jawatjöbi la'aka luwo̧danö jo̧ma jo̧ba Cristoda,


Swiv nou:

Piblisite


Piblisite