Josué 8:9 - Dios Iwene

⁹ Jejenö ja̧tja̧kwa̧ yöbawö, Hai comunidadbe tji̧'yobö weinobe. Ja̧danö, weawö̧, weaja̧danö tju̧ju̧kwawobö tji̧'yinobe, ja̧danö ichibö, Betel comunidadbi, Hai comunidadbi 'da̧de tju̧ju̧kwawinobe, tjölakwabikwawenama Hai comunidad jojodönö tjomapekwönö metji̧bobö. Jobe tju̧ju̧kwawinemima, Hai comunidadtjö jawo̧ meajobekwö tju̧ju̧kwawinobe. Ja̧danö, jobadö jejenö Haibe tji̧'yonö, Josuema ju'wedö israel jojodökwö janö yö̧te abinobe.

Josué 8:9 Referans Kwoze

Josué 8:12

Ja̧danö Josuema ömadö cinco milbedö jenanö ujuninobe, comunidadtjö jawo̧ meajobekwö Betel comunidadbi, Hai comunidadbi 'da̧de tjö̧jobö, Hai comunidad metjibakobetjö̧.

Josué 7:2

Ja̧danö, Jerico comunidad tjujuluwaja̧ ikenama, Josuema ju'wedönö weinobe jobetjö labebö, Hai comunidad edö tji̧'yobö. Hai comunidadma, Bet Aven comunidad yöneawobe, ja̧danö Betel comunidadtjö jawo̧ laebobekwö. Josuema jobadönö weinobe, —Mösa'onö jȩmi comunidad Hai mikwobe niji edö kwi̧'yaduwo, jobe dujuluwobö di̧'yakwa̧ abönö, —jö̧ba̧lö. Weawö̧, Josue weaja̧danö Hai comunidad edö tji̧'yinobe,

Génesis 32:21

Ja̧danö, webijetö ömöayedönö, a̧jwi̧mu iyakwawö̧nö öbibö abönö ojwe petjibobö, Jacob yenada abobö ö̧jibonö iteda ömöledökwö.

Génesis 12:8

Ikenama jobetjö labebö 'yi̧jetö Abramma, öibajawö̧kwö mö'ösa'iju ju̧kwobekwö, Betel comunidadtjö ja̧wo̧ laebobekwö. Jobetjöma isa̧do̧tjö ejudanö debatö otidijetö. Jado̧ debatö otidajelöma ja̧wo̧ meajobekwö Betel comunidad ji̧jetö. Ja̧danö, ja̧wo̧ laebobekwö Ai comunidad ji̧jetö. Jobetjö, ju'wi juwö iyawemi otidijetö. Otidajo̧, Isabenö Jo̧ Dios chösödakwö, jö̧ba̧lö juwö iyijetö Isabenö Jo̧ Diosnö.

Josué 8:8

Jemi ikenama, comunidad juluwajadö, comunidad nötedö, ökwölanö juwö loköbaduwo. Jau chömöledö, jobekwö Isabenö Jo̧ weaja̧ yötawaduwakwö, jo̧kwajabetjö̧ jejenö ja̧köbaduwo, —jö̧ba̧lö weinobe Josuema.

Josué 8:10

Ja̧danö, ju'wi dewachö yȩayi a̧laibinobe Josuema, ja̧danö israel jojodötjö ölakwabikwawadönö o̧ko̧kodinobe. Ja̧danö, ko̧ko̧dajo̧, ju'wedö luwedökwö jojodönö öbibö i̧'yinobe Hai comunidadbe.

1 Samuel 30:27

Jejenö iyinawö̧ma, Betel comunidad jojodönöbi, a̧li̧kwöchobe Ramot comunidad jojodönöbi, Jatir comunidad jojodönöbi,