Josué 8:1 - Dios Iwene

¹ Jemi ikenama Isabenö Jo̧ma Josuenö yöa̧linobe: —Josue, bemi jojodönö yebabökönui, Dujuluwobö jwiobe, jö̧ba̧lö. Yebabökönö, okobe deinö israel jojodötjö ölakwabikwawa jojodönö öbibö kwi̧'yo, Hai comunidadbe. Jau Josue, isabenö yötawakwö, Hai comunidad la'aka luwo̧nöbi, okobe deinö ömöledönöbi kwujuluwaduwobö chiyajabe, ja̧danö itebo comunidadbi, itea nijibi jo̧batjö 'dökebobö chiyajabe.

Josué 8:1 Referans Kwoze

Josué 1:9

Jau Josue, wetaja̧danö yemidanö wetakwö, Kwujuluwachibanö yebabökönö kwö̧jo. Kwöpöjojodö tjöba a'o ja̧nö, yebabinö tjö̧bawöma kwö̧joko, ötjö kwösödökwe Isabenö Jo̧ Diosma okobe jwiinö kwekachi̧tenia ökwökwö chö̧jobetjö̧, —jö̧ba̧lö yöa̧linobe Isabenö Jo̧ma, Josuenö.

Deuteronomio 7:18

Jau chömöledö, jobadönö yekabiduwoböma jwiobe, baikwö yötawa: Kwuluwo̧duwi Isabenö Jo̧ Dios Faraonnöbi, ju'wedö Egipto nijinö ju̧kwadönöbi ujuluwina jawa kwomukwataduwo chömöledö.

Deuteronomio 1:21

Edaduwi, Kwuluwo̧duwi Isabenö Jo̧ Diosma i̧ya nijida ökwödönö iyobe, kwiteboduwi baibanö kwemaduwobö. Jau, kwa'dödö tjösödinökwe Isabenö Jo̧ Diosma ökwödönö iyakwa̧ yöbawö ujuninobe, jo̧kwajabetjö̧ yebabökönö tebachö kwemaduwo, ja'yubebi yekabiduwobö jwiobetjö̧, –jö̧ba̧lö yötawijatö ökwödönö.

Josué 6:2

Ja̧danö, Isabenö Jo̧ma Josuenö yöawinobe, —Baikwö yötawakwö Josue, Jerico comunidad kwujuluwaduwobö chiyobe, la'aka luwo̧nöbi, okobe deinö ömöayedötjö inesö juluwadö ölakwabikwawa jojodönöbi kwujuluwobö chiyobe.

Deuteronomio 31:8

Ja̧danö, baikwö yötawakwö Josue, Isabenö Jo̧ Diosda kwabönö i̧'yakwo̧ma, jo̧bama ökwökwö ö̧jakwo̧, ja̧danö la'akatjöda waekwökakwo̧, ja̧danö la'akatjöda ökwönö le'dedibö loökakwo̧, jo̧kwajabetjö̧ yebabinö kwö̧joko, ja̧danö –Dakwö dichibakwajö, –jö̧ba̧löma omukwatö kwö̧joko, —jö̧ba̧lö yöawinobe Moisesma Josuenö.

Isaías 43:2

Jau, wene kwöbaledaduwenama, pjatatakwo̧sa, baikwö wanedö yöta̧la: Ojwiyo da̧kwemi kwöbaledaduwena, ökwödökwö chö̧jakwo̧sa, ja̧danö ojwe da̧kwödö pekibaduwijayonö o̧kibaduwökakwedöja, ötjöda tjöbeba̧lö pjatatobetjö̧. Ja̧danö ökwöla nöinö ubola ö'wejenö kwöbaledaduwijayonö, kwubaduwökakwedöja, ökwöla neawanima suli̧ öwaedökakwawö̧ja.

Mateo 8:26

Jejenö yötja̧lökwe, Jesúsma atadinobe: —¿Tajawedö Diosnö kwo̧'wo̧ wana̧lökönö yekabiduwobedaja̧?— jö̧ba̧lö. Ikenama, a̧laibö Jesúsma weinobe jwa̧lȩ'epjo yöachibobö, ja̧danö balawa loaja̧bi yöachibobö. Jejenö weenama, ja̧ jwiinö baibinobe, ja̧danö o̧pesobuma yöachibinobe.

Daniel 4:35

Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.

Daniel 4:25

Diosma ökwönö weobe, jojodö tjö̧'da̧detjö a'dewö lotjobö, ja̧danö mejȩnö ju̧kwadö tebonö ju̧kwadökwö kwö̧jobö. Ja̧danö jelemutjö döbalataja o̧biya baledibanö pa̧ka̧yö̧ tjukwi̧danö meje'ye kwukwakwo̧ja, ja̧danö si̧li̧'idö tji'olitjö kwi̧'bȩkwakwo̧ja, otiwanö Diosnö kwöwaisachibenanö kabatö. Jau chuluwo̧, okobe jwiinö yötawaja̧danö baledaja̧ ikena, bajalianö kwöwaisachibakwo̧ja, Okobe jwiinö Juluwo̧ Diosda tjitebotenia ju̧kwadö inesö la'aka tjuluwo̧ma, jo̧bada iteda ösödi̧danö la'aka luwedönö juno̧ma, iteda omudawö ujunawö̧nöda jö̧ba̧lö. Ja̧danö, jejenö kwöwaisachibenama, yemidanö la'aka luwo̧ kwö̧jakwo̧ja.

Daniel 2:21

Isabenö Diosda tupakwö baledakwa̧ omukwatö juno̧ma, babe baledakwa̧bi tupakwö baledakwa̧bi. La'aka luwedötjö ju'wedönö la'aka luwedö tjö̧ji̧tjö latjebobö webo̧ Diosma, ja̧danö la'aka luwedö tjö̧jinemi balekwedönö webo̧. Diosda jojodö waisanö omukwatadö batjibobö pjabato̧ma, ja̧danö jo̧bada waisachadö nöinö tjöwaisachibobö pjabato̧ma.

Isaías 12:2

—Jau, edaduwi, Diosda ökwödönö dö̧jibinö pjabato̧ma, jo̧kwajabetjö̧ jo̧banö do̧'wo wa̧nalö ja̧nö, yebabökönö dö̧jakwedösa. Jau, Isabenö Jo̧ Diosda dujuluwachibanö pjabato̧ma, jo̧bada dö̧jibinö pjabato̧ma, ja̧danö döpöjojodötjö dö̧jibobö pjaatinobetjö̧, jo̧banö ösödö lo̧badösa, —jö̧balö yöka̧laduakwedöja.

Josué 7:9

Babe baledaja̧ a̧ja̧kwö, cananeo jojodöbi, ju'wedö bemi niji ju̧kwadöbi a̧ja̧kwö, ökwödönö tjujuluwobö tjomukwatakwedö, ja̧danö ökwödönö tjösawö, okobe deinö ökwödönö juluwö söbebö lotjena. Ja̧danö chuluwo̧, jejenö kwömöledö ötjabiwö̧nö söbebö lotjitjö̧ma, dakwö inesö juluwo̧ kwö̧ji̧ kwi̧sȩbobö? Kwömöledö ötjabiwö̧ okobe deinö debö di̧'yiawö̧, ökwönö juluwö̧kö̧ jö̧ba̧lö tjomukwatakwedö döpöjojodöma, —jö̧ba̧lö Isabenö Jo̧nö budekwö aebinobe Josuema.

Josué 10:7

Yötjawökwe, Josuema israel jojodötjö inesö juluwadönöbi, ju'wedö ölakwabikwawa jojodönöbi öbibö, Guilgaltjö labebö i̧'yinobe, Gabaon comunidadbe.

Josué 10:8

Ja̧danö, Isabenö Jo̧ma Josuenö yöawinobe, —Josue, jobadö amorreo jojodö ölakwabikwawa jojodönö yekaboko. Jau Josue, isabenö jobadönö kwujuluwobö chiyajabe, jo̧kwajabetjö jobadötjö bakwo̧bi kwöba a'o ö̧joböma jwiakobe, isabenö okobe deinö jobadönö kwujuluwakobe, —jö̧ba̧lö.

Deuteronomio 7:21

—Jobadönö yekabiduwoböma jwiobe chömöledö, baikwö yötawa: Inesö okobe deinö yetjaibo jö̧tja̧lökwema, ökwödö kwuluwo̧duwi Isabenö Jo̧ Diosda chömöledö, ja̧danö jo̧bada ökwödökwö ö̧jobetjö̧, ju'wedönö yekabiduwobö jwiobe.

Josué 2:24

Ja̧danö Josuenö yötjawinobe, —Isabenö Jo̧ Diosma isabenö canaan niji demobö iyajabe, jobe ju̧kwadöma isabenö tjö̧bawö yetjabobe ökwödönö, —jö̧ba̧lö Josuenö yötjawinobe.