Josué 7:2 - Dios Iwene

² Ja̧danö, Jerico comunidad tjujuluwaja̧ ikenama, Josuema ju'wedönö weinobe jobetjö labebö, Hai comunidad edö tji̧'yobö. Hai comunidadma, Bet Aven comunidad yöneawobe, ja̧danö Betel comunidadtjö jawo̧ laebobekwö. Josuema jobadönö weinobe, —Mösa'onö jȩmi comunidad Hai mikwobe niji edö kwi̧'yaduwo, jobe dujuluwobö di̧'yakwa̧ abönö, —jö̧ba̧lö. Weawö̧, Josue weaja̧danö Hai comunidad edö tji̧'yinobe,

Josué 7:2 Referans Kwoze

Josué 18:12

Baikwö laebobe, benjamin niji wȩyukwöjama: U'dakwö tjitebo bakwachobema, Jordan ojwetjö jamatobe, ja̧danö jobetjö Jerico comunidad u'dakwöchobe dötewobe, jawo̧ meajobekwö, mösa'iju jȩmi nijibenö, Bet Aven comunidad tupakwö, jojodö deobe ichibenanö.

1 Samuel 14:23

Jobekwö laebobe Isabenö Jo̧ israel jojodönö tjö̧jibinö pjaatina wene, ja̧danö ja̧ möle israel jojodöma filisteo jojodönö lutjinobe, Betaven comunidad tupakwö.

1 Samuel 13:5

Ja̧danö, filisteo jojodöma ko̧ko̧kwö tjö̧jinobe, israel jojodökwö tjölakwabikwawobö, yelösöda ba̧jȩkwadö tjo̧ko̧kokwinobe kolukiyama tres mil jenanö, ja̧danö kolukanö kwebachadö ölakwabikwawadöma seis mil jojodö, ja̧danö tjömasapanö kwebachö ölakwabikwawadöma jwaibalawa ö'öböso̧pja̧ ba̧jȩkwi̧danö yelösöda ba̧jȩkwadö tjö̧jinobe. Jobadöma, ko̧ko̧kwajadö, israel nijibe ölakwabikwawö tjichinobe, ja̧danö Micmastjö, Betaventjö jawo̧ ichobekwö tjabakwemi löwötebiya tjotidinobe, jobetjö labebö tjölakwabikwawobö.

Mateo 10:16

Tupakwö yöawinobe Jesúsma: —Chömöledö, isabenö labobe kwi̧'yaduwobö wetaduwakwö. Baikwö wanedö yötawa: Ökwödönöma o̧bȩja̧dönö wetobedanö ichejekwa, labidö tebo a̧wi̧li̧dö tjö'da̧de kwi̧'yaduwobö. Jo̧kwajabetjö̧, waisanö omukwatö kwö̧jaduwo, ja̧danö ju'wibi ja'yubebi jojodönö laböködö kwö̧jaduwo.

Proverbios 24:6

Jo̧kwaobetjö̧ guardia jojodö tjuluwedöma ömöayedökwö ölakwabikwawö tji̧'yakwa̧ abönö, jweinö omukwatadö jwebebö yötja̧wi̧ma tja̧ja̧kwobö jo̧be, tjo̧'wo̧ okwanö juluwadö yötjawi̧ma. Ja̧danö, ba̧jȩkwadö waisadö, jweinö omukwatadö tjuluwedönö jwebebö yötjawitjö̧ma ölakwabikwawö 'ya̧jadöma tjöpöjododönö tjujuluwena. Jao chitji̧, jweinö omukwatadö, tjo̧'wo̧ okwanö juluwadö jwebebö yötjawi̧ma jwiinö mikwawobe, ja̧danö yötja̧wi̧ kwa̧ja̧kwobö jo̧be.

Proverbios 20:18

Ja̧danö, ju'wibi yötawa, wanedö: Bakwo̧ iteda ja̧akwa̧ omukwatobe, baikwö ja̧tobö jö̧ta̧la, jö̧ba̧lö. Ja̧danö, jo̧ba omukwati̧danö otiwanö baledobö, waisadö pjabatö jwetjebi̧ma a̧ja̧kwobö jo̧be. Ja̧danö, bakwemiinö guardia jojodöma ju'wedönö ölakwabikwawö tji'yakwa̧ abönö jweinö omukwatadö jwebebö yötjawi̧ma tja̧ja̧kwobö jo̧be, tjöpöjojodönö tjujuluwakobetjö̧.

Génesis 12:8

Ikenama jobetjö labebö 'yi̧jetö Abramma, öibajawö̧kwö mö'ösa'iju ju̧kwobekwö, Betel comunidadtjö ja̧wo̧ laebobekwö. Jobetjöma isa̧do̧tjö ejudanö debatö otidijetö. Jado̧ debatö otidajelöma ja̧wo̧ meajobekwö Betel comunidad ji̧jetö. Ja̧danö, ja̧wo̧ laebobekwö Ai comunidad ji̧jetö. Jobetjö, ju'wi juwö iyawemi otidijetö. Otidajo̧, Isabenö Jo̧ Dios chösödakwö, jö̧ba̧lö juwö iyijetö Isabenö Jo̧ Diosnö.

Efesios 5:15

Jo̧kwaobetjö̧ chömöledö kwo̧'wo̧ luwo̧duwi okwanö otiwanö omukwatö jweinö 'ya̧duwi. Ökwödöma Dios iwene kwöwaisaduwobe. Jo̧kwaobetjö̧ ju'wedö Dios iwene wajwibadö tjuju̧kwi̧danöma kwuju̧kwaduwa.

Josué 12:9

Jobadö Josue ujuluwinawö̧ la'aka luwedöma, bidö: Jerico comunidad la'aka luwo̧nöbi Hai comunidad la'aka luwo̧nöbi,

Josué 2:1

Jemi ikenama, Josuema du̧ju̧taja ömadönö weinobe, tjabakwemi Sitintjö labebö, canaan niji ju̧kwadö wajwitjonö, niji edö kwetjachobö. Jobadönö webö yöa̧linobe: —Canaan niji edö kwebachaduwi, ja̧danö inesö kwedaduwobö chösödi̧ma, Jerico comunidad, —jö̧ba̧lö weinobe. Weawö̧, edö tji̧'yinobe, ja̧danö Jerico comunidad tebachö, bakwuju jilekwamuböködökwö 'da̧'da̧bakwawö ju̧ju̧ Rajab mikwuju jejube tetjachinobe, jobe tjö̧jobö.

Génesis 28:19

Jemima Luz, jö̧ba̧lö, öbabijadötö jojodöma. Jo̧kwaijayonö Jacobma imi balekwa midijetö, Betel, jö̧ba̧lö.

Josué 7:3

ja̧danö edö ȩwa̧jadö, Josuenö yötjawinobe, —Jobe Hai comunidadma, jalokobe, jojodö tjö̧ba̧jekwokobe. Dedemi sule dos milö̧kö̧, tres milö̧kö̧ ölakwabikwawadönö weköbitjö̧ma, juluwanö tjujuluwena, tjö̧ba̧jȩkwokobetjö̧. Jau Josue, okobe deinö tjime'dawinö jobe di̧'yobö jwiobe, Hai comunidadnö ju̧kwadöma sule o̧bukwedöda tju̧ju̧kwobetjö̧, —jö̧ba̧lö ȩwa̧jö yötjawinobe Josuenö.

1 Samuel 30:27

Jejenö iyinawö̧ma, Betel comunidad jojodönöbi, a̧li̧kwöchobe Ramot comunidad jojodönöbi, Jatir comunidad jojodönöbi,

Isaías 10:28

Baikwö yötawa Asiria la'aka luwo̧nö: Juda niji tebachö, Ajat comunidadbe ichibinobe, ja̧danö ichibajo̧ Migron comunidad ö'wejenö öbaledinobe. Ikenama baledajo̧, Micmas comunidadtjö itea ölakwabikwawa jawa ujuninobe.