Josué 6:1 - Dios Iwene

¹ Ja̧danö, ja̧ möle Jerico comunidad ju̧kwadöma, 'diinö comunidad pje'datö tjö̧jinobe, israel jojodönö yetjabobetjö̧. 'Diinö tjipje'datinobe, bakwo̧bi teachökönöbi, bakwo̧bi laebökönöbi.

Josué 6:1 Referans Kwoze

Josué 2:24

Ja̧danö Josuenö yötjawinobe, —Isabenö Jo̧ Diosma isabenö canaan niji demobö iyajabe, jobe ju̧kwadöma isabenö tjö̧bawö yetjabobe ökwödönö, —jö̧ba̧lö Josuenö yötjawinobe.

Josué 2:7

Jejenö omöna yöja̧liawö̧, israel jojojodönö isakwadöma juluwanö lubö latjebinobe, ja̧danö isakwö tji̧'yinobe, Jordan ojwe le'da̧kwobe peibakwawemibe tjichibenanö kabatö. Ja̧danö, latjebaja̧ ikena, apjude teada̧ladöma juluwanö comunidad apjude tjutumatinobe.

2 Reyes 17:4

Jo̧kwaijayonö, ja'yubenö lekwajabetjö̧, Salmanasar wei̧ kaatibobö jö̧a̧linobe Oseasma, ja̧danö imido jö̧a̧li̧ jawa midökönö, Egipto la'aka luwo̧ So mikwo̧nö aebinobe, Asiria la'aka luwo̧ Salmanasar ujulutjö ö̧jibinö pjaatobö. Ja̧ wei̧ kaatibobö jö̧a̧li̧ma öwaisachibinobe Asiria la'aka luwo̧ma, ja̧danö waisachibajo̧, Oseasnö do̧atinobe, ja̧danö ka̧lena ba̧kwawejunö ödinobe.

Josué 5:15

Jö̧a̧lökwe, Isabenö Jo̧ ömöayedö ölakwabikwawadötjö tjuluwo̧ma weinobe, —Bemi niji kwö̧jatemima wainöemi, ötjö chö̧jemiobetjö̧. Jo̧kwaobetjö̧ sapatu yo̧bekwi, —jö̧ba̧lö weinobe. Weökwe, weaja̧danö sapatu yo̧ekwinobe Josuema.

Josué 6:2

Ja̧danö, Isabenö Jo̧ma Josuenö yöawinobe, —Baikwö yötawakwö Josue, Jerico comunidad kwujuluwaduwobö chiyobe, la'aka luwo̧nöbi, okobe deinö ömöayedötjö inesö juluwadö ölakwabikwawa jojodönöbi kwujuluwobö chiyobe.

Josué 2:1

Jemi ikenama, Josuema du̧ju̧taja ömadönö weinobe, tjabakwemi Sitintjö labebö, canaan niji ju̧kwadö wajwitjonö, niji edö kwetjachobö. Jobadönö webö yöa̧linobe: —Canaan niji edö kwebachaduwi, ja̧danö inesö kwedaduwobö chösödi̧ma, Jerico comunidad, —jö̧ba̧lö weinobe. Weawö̧, edö tji̧'yinobe, ja̧danö Jerico comunidad tebachö, bakwuju jilekwamuböködökwö 'da̧'da̧bakwawö ju̧ju̧ Rajab mikwuju jejube tetjachinobe, jobe tjö̧jobö.

Josué 16:7

Ja̧danö Janoatjö, Atarot comunidadbe ichibanö, ja̧danö jobetjö Nara comunidadbe, ja̧danö jobetjö Jerico comunidadbe ichibanö, ja̧danö jobetjö Jordan ojwe ichibanö kabatö. Jobekwö laebobe Efrain niji jawo̧ laebobekwöchobe bakwachobema.

Josué 18:21

Ja̧danö, benjamin niji comunidad imibiyama, baikwö laebobe, Jerico comunidadbi, Bet Jogla comunidadbi, Emec comunidadbi, Casis comunidadbi,

2 Samuel 10:5

Jejenö ja̧iawö̧, jwiinö tabakwö tjö̧jinobe David ömöayedöma. Ja̧danö, Davidma a̧ja̧kwinobe baledaja̧ wenema, jo̧kwajabetjö̧ ömöayedönö yöbawadönö weinobe, yötjawobö: —Juluwanöma Jerusalenbe kwȩwa̧jaduwoko, ja'yubenö ditebo comunidad Jericonö kwiteada̧laduwo, kwaasa'yeduwi yemidanö pokwenanö baibanö. Ikenama taba jwiinö baikwö kwȩwa̧jaduwo, —jö̧ba̧lö weinobe la'aka luwo̧ Davidma.

2 Reyes 2:4

Jemi ikenama, Eliasma Eliseonö yöa̧linobe, —Eliseo, Isabenö Jo̧ma ötjönö weajabe, Jerico comunidadbe chi̧'yobö, jobe chi̧'yonö bada Betelnö kwö̧jibo, —jö̧ba̧lö. Yöa̧lökwe, —Ja̧maökö, isabenö le'dedibökönö ökwökwö chi̧'yakwo̧sa, Isabenö Jo̧ öba a'otjöbi, kwöba a'otjöbi, jweinö yöbawö chujunakwö, ökwötjö 'da̧bachibö chi̧'yökakwo̧sa, —jö̧ba̧lö. Jo̧kwajabetjö̧, bakobe Jerico comunidadbe tji̧'yinobe.