Josué 24:33 - Dios Iwene33 Ja̧danö, Aaron itji̧ Eleazar mikwo̧bi ö'wö baibinobe, ja̧danö jo̧banö tjo̧tjinobe iteda itji̧ Fines itebo comunidad Guibeatjö. Ja̧ Efrain niji mösa'iju jȩmi comunidad Guibeama, Fines mikwo̧nö tjiyinemi, iteda itebo baibanö. Gade chapit la |
Bakwo̧ Elcana mikwo̧ ö̧jinobe, israel jojodötjö Efraínsaso jojodö tjitebonö, mösa'iju jena comunidad Ramánö. Jo̧ba Elcanama Jeroham mikwo̧ itji̧, ja̧danö Jerohamma Eliú mikwo̧ itji̧, ja̧danö Eliúma Tohu mikwo̧ itji̧, ja̧danö Tohuma Zuf mikwo̧ itji̧. Ju'wibi, efrateo jö̧ba̧lö ötjabawö̧tjö bi̧na jo̧ba Elcana mikwo̧ma.
Weökwe, abe'do weaja̧danö ja̧inobe Saulma, abe'do ömöayo̧nö öbibö bu̧lö̧dönö tjisakwinobe. Isakwö, Efraimsaso jojodö tjitebo mösa'ijubenö isakwö tjöbaledinobe, ja̧danö Salisa nijibenö isakwö tjöbaledinobe, bu̧lö̧dönö badekwajökönö, jemi ikenama Saalim nijibenöbi badekwajökönö tjöbaledinobe, ikenama Benjaminsaso jojodö tjitebobenöbi badekwajökönö tjöbaledinobe.
Ökwödönö söbebö lodoböma jö̧ta̧lökö, jo̧kwaijayonö, bakwo̧, Efrain mösa'ijutjö ichajo̧ Bicri itji̧ Sabama, la'aka duluwo̧ David wei̧ öpöjödö, ölakwabikwawobö jö̧a̧lobe. Jo̧kwajabetjö̧, Sabanö pjabatökönö, jo̧banö do̧batö kwiyaduwitjö̧ma, ölakwabikwawökönö kwiteboduwitjö̧ dȩwa̧jakwedösa, —jö̧ba̧lö atadinobe Joabma. Yöa̧loko, —Jau, teada̧li, uu bulatö lobö, tjöekwemi wamenö ikwö diyakobe, —jö̧ba̧lö jatadinobe.
Abebö a̧ja̧kwökwe, —Wene jwiobe. Jo̧kwaijayonö chuluwo̧ Eliseoma ötjönö weajabe, ökwönö yöta̧lobö: –Babeda mösa'iju jȩmi Efrain nijitjö, Dios yöawi̧ yöbawadötjö du̧ju̧taja tjichajabe. Jo̧kwajabetjö̧, jobadönö kwiyobö atebakwö, plata jawatjö treinta y cuatro kilobi, ba̧kwo̧nökwena tjö̧ka̧miji̧do̧bi, –jö̧ba̧lö yöta̧lobö weajabe chuluwo̧ Eliseoma, —jö̧ba̧lö.