Josué 24:24 - Dios Iwene

²⁴ Yöa̧lawö̧, israel jojodöma Josuenö yötja̧linobe, —Jau, Duluwo̧ Isabenö Jo̧ Diosnöda dösödakwedösa, ja̧danö jo̧ba wei̧da a̧ja̧kwö dö̧jakwedösa, —jö̧ba̧lö.

Josué 24:24 Referans Kwoze

Éxodo 24:7

Ikenama Isabenö Jo̧ weawa wene iwȩyudajöjama emibö 'bobebö yöba̧lijetö Israel jojodönö. Ja̧ Isabenö Jo̧ weawa wene yöa̧liawö̧, ¡Jao otiwa! Isabenö Jo̧ wei̧da a̧ja̧kwö duju̧kwakwedösa, ja̧danö, jo̧ba wei̧da ja̧dakwedösa, ösödijadötö Israel jojodöma.

Éxodo 24:3

Ja̧danö, yutubajo̧ Moisésma yöbawijetö Israel jojodönö okobe jwiinö Isabenö Jo̧ yöawaja̧ma, domulataja weawa jawabi, ju'wi weawa wenebi, Israel jojodönö a̧ja̧kwö tjö̧jobö weawama. Ja̧ weawa a̧ja̧kwö okobe deinö Israel jojodöma bakobe ösödö yöba̧lijadötö ¡Jao otiwa! Isabenö Jo̧ wei̧da a̧ja̧kwö duju̧kwakwedösa, jö̧ba̧lö.

Éxodo 19:8

Israel jojodöma ja̧ Isabenö Jo̧ yöawaja̧ a̧ja̧kwö ösödijadötö, Otiwa, jö̧ba̧lö, okobe jwiinö Isabenö Jo̧ weaja̧danö da̧ja̧kwedösa, jö̧ba̧lö. Ja̧danö, Moisés Isabenö Jo̧ ö̧jobekwö nöchö yöbawijetö Isabenö Jo̧nö jojodö tjatadaja̧, okobe jwiinö Isabenö Jo̧ weaja̧danö da̧ja̧kwedösa, jö̧ba̧lö, tjatadaja̧ma.