Josué 24:23 - Dios Iwene

²³ Tjatadökwe, Josue yöa̧linobe, —Isabenö Jo̧nö kwösödaduwobö omudawö kwujunaduwitjö̧ma, ju'wedö tjösödawö̧ o̧'wo jawa kwö̧'da̧deduwinö ja̧dönö ikwö loköbaduwo. Ja̧danö, jwaikwöda Isabenö Jo̧ israel jojodö duluwo̧ Diosnöda kwösödaduwobö kwisakwaduwo, jo̧ba wei̧da a̧ja̧kwö, —jö̧ba̧lö.

Josué 24:23 Referans Kwoze

Josué 24:14

Jejenö yöbawajo̧, tupakwö yöawinobe Josuema, —Chömöledö, jejenö ökwödönö otiwanö pjaatina jawa omukwatö, Isabenö Jo̧nö kwösödaduwobö jo̧be, isabenö inesö otiwanö pjabato̧ jö̧ba̧lö, ja̧danö jwaikwöda jo̧banö ösödö, wei̧danö ja̧bö kwö̧jaduwo. Jau chömöledö, kwa'dödö Eufrates mikwödö tupakwö tjösödinawö̧nöbi, Egipto nijinö ja̧nö tjösödinawö̧nöbi kabatibö lobö, jwaikwöda Isabenö Jo̧nöda ösödö kwö̧jaduwobö jo̧be.

Éxodo 20:23

Wetatö ökwödönö: Kwo̧'wo̧duwi jawa kwösödaduwawö̧nöma, platatjö, orotjö kwotidaduwoko. Ötjönö kabatibö ju'wedönö, kwo̧'wo̧ jawa kwösödaduwobö kwotidaduwoko. Sule, ötjönöda kwösadaduwo.

1 Reyes 8:58

Ja̧danö ökwödönö pjaatobö chösöda, jo̧ba ömöayedö ja̧nö, otiwanö wei̧ a̧ja̧kwö dö̧jakobetjö̧, da'dödönö weina, ja̧bö dö̧jobö weinabi, ju'wi weina jawabi otiwanö a̧ja̧kwö dö̧jakobetjö̧.

1 Reyes 8:57

Duluwo̧ Isabenö Jo̧ Dios da'dödöminekwö ö̧ji̧nadanö, bakwainö ökwödökwöbi ö̧jobö chösöda, la'akatjöda ökwödönö le'dedö lobökönö, ba̧kwelöjatebö ökwödökwö ö̧jobö chösöda.