Josué 21:8 - Dios Iwene

⁸ Jejenö inawiya jabö edajadö, Levisaso jojodönö comunidadbiyabi, comunidad ö'öbö mejebi 'da̧batö tjiyinobe ju'wedö israel jojodöma. Ajayinö Isabenö Jo̧ Moisesnö tjiyobö weinadanö, badekwachinö tjiyinobe, levisaso jojodöbi otiwanö tjujuna̧lobö.

Josué 21:8 Referans Kwoze

Josué 21:3

Atjebiawö̧, Isabenö Jo̧ weinadanö tjiyinobe jelesokwena israel jojodöma, bakwasokwena jojodöma idöda tjitebo comunidadtjö 'da̧batö tjiyinobe, levisaso jojodö tjitebo baibanö, comunidadbiyabi, comunidad ö'öbö mejebi. Baikwö laebobe tjiyina jawama:

Proverbios 18:18

Ja̧danö, ju'wibi yötawa, wanedö: Du̧ju̧taja la'aka luwedö wene juna̧lö jwöjwötja̧kwawena, diteda jweinö yöbawo̧ma jö̧ba̧lö waiyobe. Jo̧kwaobetjö̧ inawiya ikwawö tjedobö jo̧be jweinö yöawojobö, omöna yöawojobö, jö̧ba̧lö tjöwaisachibobö.

Proverbios 16:33

Ja̧danö, ju'wibi yötawa: Isabenö Jo̧ma okobe jwiinö baledakwa̧ waiso̧. Jojodöma inawiya ikwawö edadö tjöwaisachibobö, dakwö baledakwa̧jö̧, jö̧ba̧lö. Jo̧kwaijayonö Isabenö Jo̧da baledakwa̧ omukwatö juno̧.

Josué 18:6

Tupakwö weinobe Josuema, niji tedakwedönöma: —Nijima jelemutjö dötölata tjitebokwena baibanö kwi̧wȩyudaduwo, ja̧danö ösöjanö jweinö kwi̧wȩyudaduwo, ja̧ niji okwa ji̧ma, wajuwanö laebobö. Ikenama, ja̧ wȩyudajadö, baikwö chöba a'okwö kwichejebaduwo. Ikenama, ötjöma Duluwo̧ Isabenö Jo̧ Dios öba a'otjö inawiya jabö chedocha, Diosda bakwasokwena jojodö tjitebokwena baibanö tjemakwa̧ niji i̧sȩbakobetjö̧.

Génesis 49:5

Ikenama Jacoböma Simeónnö, Levínö yöbawijetö: —Simeón, Leví, ökwödöma bakwainö sulabenö omukwatö labidöja. Ju'wedönö kwölöte'onö bulabinö lobadöja.

Josué 21:7

Ja̧danö, Dios i̧sȩbi̧danö, Levisaso jojodötjö Merari itji̧mu tupadanö jojodönöbi tjiyinobe. Rubensaso jojodöbi, Gadsaso jojodöbi, Zabulonsaso jojodöbi tjitea nijitjö a̧linösamutjö dötölataja comunidadbiya tjiyinobe, Merari itji̧mu tupadanö jojodö tjitebo baibanö.

Josué 21:9

Baikwö laebobe levisaso jojodönö tjiyina wȩyukwöja, tjiyina comunidad imi wȩyukwöjama: Inawiya jabö tjedenama, Coat itji̧mu tupadanö jojodötjö Aaron itji̧mu tupadanö jojodönö abönö tjiyobö badekwachinobe. Ja̧danö, Judasaso jojodöbi, Simeonsaso jojodöbi Aaron ömöledönö tjitea nijitjö tjiyinobe baikwö:

Génesis 49:7

Ina yöbawijetö jobadönö, Dios lȩebakwa̧ jawa: —Ökwödöma Dios lȩebakwawö̧ja jwiinö labidököbaduwobetjö̧. Ja̧danö lȩebakwawö̧ja ju'wedönö labinö inia tjötjinö ja̧köbaduwobetjö̧. Baikwö lȩebakobe Diosma ökwödönöma: Ökwödötjö tupadanö jojodöma bakobe, bakwasonö tjuju̧kwökakwedö. Idöda tjitebonö tjuju̧kwökakobe, ju'wedö tjömöledö bakwasokwena tjitebonö tjuju̧kwi̧danö. Jobadötjö ju'wedöma jelobe, ju'wedöma jelobe, ju'wedöma jelobe, Israel niji okobe jwiinö, bakwemeachibanö tjuju̧kwakwedö, bakobe jö̧kö̧nö— yöbawijetö i̧tji̧mu Simeónnö, Levínö jobadötjö tupadanö jojodönö baledakwa̧ma.