Josué 21:38 - Dios Iwene

³⁸ Ja̧danö Gadsaso jojodöbi tjitea niji tjiyinobe, tjöeba̧lakwawa comunidad Ramot de Galaadbi, Majanayin comunidadbi,

Josué 21:38 Referans Kwoze

Génesis 32:2

Jacobma jobadönö edö, Bemima Dios weawö̧ guardia jojodö ángelesdö tjujukwemi, jö̧ba̧lö jobe midijetö, Mahanaim, jö̧ba̧lö.

1 Crónicas 6:80

Ja̧danö Gadsaso jojodöma tjitea nijitjö tjiyinobe: Ramot de Galaad comunidadbi, Mahanaim comunidadbi,

1 Reyes 22:3

Ja̧danö, Josafat Acabkwö ö̧jonö, Israel la'aka luwo̧ Acabma iteda ömöayedönö yöa̧linobe: —Chömöledö, kwöwaisaduwa, Ramot Galaad comunidadma, ökwödö israel jojodö ditebo comunidad, jö̧tö? Siria la'aka luwo̧ jobe weijayonö, isabenö ökwödöda ditebo comunidad, tajawedö lekwe ditebo comunidad Siria la'aka luwo̧tjö 'döbebökönö lekwe diteada̧lobeda? Isabenö 'dödebobö jo̧be, —jö̧ba̧lö.

2 Samuel 19:32

Jo̧ba Barzilayma jwiinö pöe, ida̧ökö ochenta o̧biya ujuna̧linobe. David Majanayin comunidad ö̧jonö, nöinö pjaatinobe Davidnö, Barzilayma nöinö tea luwo̧ ö̧jinobe, ja̧danö okobe jwiinö David jwibö ö̧jinama, iteatjö 'da̧batö Davidnö iyinobe.

Josué 20:8

Ja̧danö bakwachödö Jericotjö jawo̧ laebobekwötjöbi wapötakwa comunidad 'da̧batö tjujuninobe, bi̧ya: Beser comunidad, Rubensaso niji, jojodö deobe ba̧ba̧lawobe ji̧ comunidadma. Ja̧danö ju'wibi, Gadsaso niji comunidad Ramot de Galaadbi 'da̧batö tjujuninobe. Ja̧danö ju'wibi Manasessaso niji comunidad, Golan de Basan 'da̧batö tjujuninobe. Ja̧ wapötakwa comunidadbi tjöeba̧lakwawa comunidad baibanö 'da̧batö tjujuninobe.

Deuteronomio 4:43

Ja̧ Moises 'da̧batö ujunina comunidadbiyama, bi̧ya: Rubensaso nijitjö mö ba̧ba̧lawobe niji comunidad Beser 'da̧batö ujuninobe. Ja̧danö Gadsaso nijitjö Ramot de Galaad comunidad 'da̧batö ujuninobe. Ja̧danö, Manasessaso nijitjö, Basan niji comunidad Golan 'da̧batö ujuninobe.

Josué 21:37

Cademot comunidadbi, Mefat comunidadbi. Ja̧ ö'wejemu jawa comunidadbi, ö'öbö ji̧ mejebi tjiyinobe, Merari itji̧mu tupadanö jojodö tjitebo baibanö.

Josué 21:39

Hesbon comunidadbi, Jazer comunidadbi. Ja̧ ö'wejemu jawa comunidadbi, ö'öbö ji̧ mejebi tjiyinobe, Merari itji̧mu tupadanö jojodö tjitebo baibanö.

2 Samuel 2:8

Ja̧danö, Juda jojodö Davidnö la'aka tjuluwo̧ baibanö tjujunijayonö, ju'wedö israel jojodöma jelo̧ ömöayedö baibanö tjö̧jinobe. Saul ömöayedö ölakwabikwawa jojodö tjuluwo̧, Abner mikwo̧ma, Saul itji̧ Isboset mikwo̧nö öbibö, Majanayin comunidadbe i̧'yinobe,

1 Reyes 4:13

Ben Gueber mikwo̧ma, Ramot de Galaad la'aka luwo̧ ö̧jinobe. Ju'wibi Galaad nijitjö Manasesmine itji̧ Yair itebo comunidadbiya, jö̧ba̧lö ötjabobe niji la'aka luwo̧ ö̧jinobe, ja̧danö Basan nijitjö, Argob ötjabobe niji̧bi la'aka luwo̧ ö̧jinobe. Jobe Argob nijitjö, comunidadbiya 'diinö tjöbebö tjotidina comunidadbiya, broncetjö otikwa ö̧sö̧a'nö pje'datakwawa comunidadbiya ji̧nobe sesenta comunidadbiyama, jadano okobe jwiinö ja̧ niji la'aka luwo ö̧jinobe Ben Gueberma.

Josué 13:26

Ja̧danö ju'wibi, Hesbon comunidadtjö, Ramat Mispebe ichibanö, ja̧danö Betoninbe ichibanö, ja̧danö Majanayin comunidadtjö, Debir ö'öböbe ichibanö, okobe jwiinö ja̧ nijibi Gadsaso jojodönö iyinobe Moisesma.

Josué 13:30

Jobadönö iyina baikwö laebobe: Majanayin comunidadtjö jamatö, okobe jwiinö Basan niji baibanö jobadönö iyinobe. Okobe jwiinö Basan niji la'aka luwo̧bina Og weinemi iyinobe jobadönö, ja̧danö okobe jwiinö Jair niji comunidadtenia iyinobe, sesenta comunidad baibanö.

1 Reyes 4:14

Ido itji̧ Ajinadab mikwo̧ma, Majanayin comunidad la'aka luwo̧ ö̧jinobe.