Josué 21:17 - Dios Iwene

¹⁷ Ja̧danö, Benjaminsaso jojodöma tjitea nijitjöbi tjiyinobe, Gabaon comunidadbi, Gueba comunidadbi,

Josué 21:17 Referans Kwoze

Josué 9:3

Jo̧kwaijayonö, jobadö jejenö israel jojodökwö tjölakwabikwawobö omukwatö tjö̧jonö, gabaonitas jojodöma wainö ja̧tjobö tjomukwatinobe. Jobadöma Josue Jericonö ju̧kwadönöbi, Hainö ju̧kwadönöbi söbebö loina wene a̧ja̧kwö,

1 Crónicas 6:60

Ja̧danö Benjaminsaso jojodö Aaron itji̧mu tupadanö jojodönö tjiyina comunidadbiyama, bi̧ya: Gabaon comunidadbi, Geba comunidadbi, Alemet comunidadbi, Anatot comunidadbi. Ja̧ trece comunidadbiyabi, ö'öbö mejebi Aaron itji̧mu tupadanö jojodönö 'da̧batö tjiyinobe Judasaso jojodöbi, Benjaminsaso jojodöbi.

Josué 21:18

Analot comunidadbi, Almon comunidadbi. Ja̧ ö'wejemu jawa comunidadbi, ö'öbö ji̧ mejebi Aaron itji̧mu tupadanö jojodönö tjiyinobe.

1 Reyes 15:22

Basa jejenö ȩwa̧jiökwe, Asama weinobe okobe deinö Juda jojodönö, bakwobi ö̧ji̧bökönö, okobe deinö Rama comunidadbe tji̧'yobö, Rama comunidad tjöbebö tjotidina jawa inawiyabi, towi okwi'ijubi 'döbebö tje'ewobö. Ja̧danö, ja̧ 'döbebö tje'ewaja̧ jawanö, Benjaminsaso comunidad Guebabi, Mizpa comunidadbi 'diinö tjöbebö tjotidinobe.

2 Reyes 23:8

Ju'wibi okobe deinö Diostjö jojodötjö ö'weje pjabatadönö, Juda niji comunidadtenia ju̧kwadönö öibinobe Jerusalen comunidadbe. Ja̧danö Juda niji ba̧kwemeachibanö möemitenia iyawemi, ajayinö ö'weje pjabatadö tjiyinemibiya, Geba comunidadtjö, Berseba comunidadbe ichibanö suli̧ öwaedinobe Josiasma, jobetjö yemidanö tjiyökakobetjö̧. Ja̧danö Jerusalen comunidad la'aka luwo̧ Josue mikwo̧ otidina möemi, comunidad apjudetjö wajwitjobekwöchobe ji̧ iyawemima, söbebö loinobe Josiasma.

Isaías 10:29

Micmastjö labebajo̧, mösa'iju 'da̧ba̧lanö öbaledinobe, ja̧danö baledajo̧, ömöayedökwö Geba comunidadtjö tjabekwinobe. Jobekwö ichibiawö̧, Rama comunidad jojodöma tjö̧bawö tju̧ju̧kwinobe, ja̧danö la'aka luwo Saulmine itebo comunidad Gabaa jojodöma dötjibajinobe.

1 Crónicas 8:6

Ja̧danö Benjaminsaso jojo Aod mikwo̧ itji̧muma, tjömöledösaso luwedö tjö̧jinobe Geba comunidadtjö, jo̧kwaijayonö tjöpöjojodöma jobadönö a'dewö lotjinobe Geba comunidadtjö, ja̧danö Manahat comunidadbe tjöpjolachibinobe.